Júróvisjóngleði Sóldísar á Hofsósi í kvöld
Í kvöld mun Kvennakórinn Sóldís bjóða upp á alvöru Júróvisjónstemningu í Höfðaborg á Hofsósi enda styttist óðum í þá ágætu veislu. Tónleikar Sóldísar þetta árið bera yfirskriftina Eitt lag enn, sem er skírskotun í framlag Harðar G. Ólafssonar, Bassa, sem átti fyrsta íslenska lagið sem blandaði sér í toppbaráttuna í aðalkeppninni sem haldin var í Zagreb árið 1990. Þá var það hljómsveitin Stjórnin sem flutti lagið en nú verður það Sóldís og að sjálfsögðu með glimmer og gleði.
„Við erum með Eurovision lög á dagskránni og það er alltaf gleði í kringum Eurovision og ekki síður glimmer. Helgu Rós, kórstjóra og okkur í kórnum, fannst þessi lög kalla á hljómsveit og hann Rögnvaldur okkar fékk góða spilara með í bandið,“ sagði Drífa Árnadóttir, formaður kórsins í viðtali fyrir konudagstónleikana fyrr í vetur en þá lofaði hún skemmtilegum tónleikum með ýmsum Eurovisionlögum, bæði gömlum og nýjum. Við það stóð hún og því má búast við áframhaldandi Eurovision-partýi.
Sem fyrr stjórnar Helga Rós Indriðadóttir söng kórsins og Rögnvaldur Valbergsson fer fyrir hljómsveitinni sem auk hans er skipuð þeim Steini Leó Sveinssyni og Sigurði Björnssyni. Á fiðlu leikur Kristín Halla Bergsdóttir og Anna Karítas Ingvarsdóttir blæs í þverflautu. Einsöngvarar eru þær Elín Jónsdóttir, Ólöf Ólafsdóttir og systurnar Gunnhildur og Kristvina Gísladætur.
Tónleikarnir eru haldnir í félagsheimilinu Höfðaborg í kvöld 29. apríl og hefjast kl. 20.
Fleiri fréttir
-
Alvarleg vanræksla á nautgripum kærð til lögreglu
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05Í tilkynningu á vef Matvælastofnunar er greint frá því að MAST hafi kært til lögreglu alvarlega vanrækslu eftir að 29 nautgripir fundust dauðir í gripahúsi við eftirlit á lögbýli á Norðurlandi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.Meira -
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira -
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira -
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.