Prýddu plakat í skagfirsku sólarlagi ´84
Stelpnabandið ódauðlega Dúkkulísurnar ætla að spila á Tónlistarhátíðinni Gærunni um helgina og geta ekki beðið! Feykir heyrði í stelpunum og spurði þær út í pönkið og rokkið.
Hvenær var hljómsveitin stofnuð og hvað heita hljómsveitarmeðlimir?
Þann 10. október 1982. Við erum orðnar sjö Dúkkulísurnar í dag og heitum: Adda María - slagverk, Erla Ingadóttir - Bassaleikari, Erla Ragnarsdóttir - söngur, Gréta Sigurjónsdóttir - gítarleikari, Guðbjörg Pálsdóttir - trommur, Harpa Þórðardóttir - hljómborð, Hildur Ásta Viggósdóttir – hljómborð.
Hvernig mynduð þið lýsa tónlist ykkar?
Pönkskotið stelpurokk!
Hefur einhvern tímann eitthvað skondið átt sér stað á tónleikum hjá ykkur?
Já, heilmargt. Og af því að við erum á Norðurlandinu þá getum við auðveldlega rifjað upp gömlu og góðu Freyvangsböllin sem haldin voru á 9. áratug síðustu aldar! Þau böll voru þau einu þar sem við þurfum lífverði upp á svið hjá okkur - Freyvangur var alltaf troðinn og þá helst af karlmönnum, sem við flissuðum auðvitað oft yfir! Annars spiluðum við líka á ógleymanlegu balli á Króknum 1984 - mjög vel heppnuðu. Eftir ball var okkur þeytt út í skagfirska sólarlagið í myndatöku sem síðan varð að plakati ABC - barnablaðsins og prýddi víst mörg unglingaherbergin það sumarið.
Hvernig leggst í ykkur að spila á Gærunni 2012?
Frábærlega - við getum ekki beðið! Við ætlum að mæta snemma og njóta alls þess sem Skagafjörður hefur upp á að bjóða. Og sjá Gildruna!
Hvað er á döfinni?
Risastór afmælisveisla í október - á Kaffi Rósenberg! Þar verður 30 ára afmælinu fagnað með stæl!
Eitthvað að lokum?
Munum við ekki örugglega komast á bak um helgina??
http://www.youtube.com/watch?v=UwgjoauLWyg
Fleiri fréttir
-
Undirskriftapenninn kominn í fulla notkun hjá Húnvetningum
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.01.2026 kl. 09.57Feykir hafði nýverið samband við Aðdáendasíðu Kormáks og Hvatar, sem allt veit um ástand mála í herbúðum knattspyrnuliðs Húnvetninga, og hóf leik á að spyrja hvort lið Kormáks/Hvatar væri að spila einhverja æfingaleik í byrjun árs. „Húnvetningar eru á fullu við að undirbúa tímabilið, en æfingaleikir á þessum árstíma hafa aldrei verið mikið fyrir okkur. Sól Kormáks Hvatar rís í maí og allt fram að því er aukaatriði,“ var svarið.Meira -
Byggðaleiðin: Ákvörðun sem mótar framtíðina | Anna Sigga, Guðrún og Valgerður Freyja skrifa
feykir.is Austur-Húnavatnssýsla, Aðsendar greinar, Vestur-Húnavatnssýsla 26.01.2026 kl. 08.47Flutningskerfi raforku heldur samfélaginu gangandi. Það tryggir að heimili, fyrirtæki og stofnanir um allt land hafi öruggt aðgengi að rafmagni og þess vegna skiptir miklu máli að byggja kerfið upp og þróa áfram; það snýst um bæði orkuöryggi og öryggi þjóðarinnar. Núverandi byggðalína er komin til ára sinna og er flutningur raforku um hana háður miklum takmörkunum. Svigrúm til tengingar nýrra notenda eða framleiðslueininga er nánast ekkert.Meira -
Vel heppnað þorrablót Félags eldri borgara í Húnaþingi vestra
feykir.is Vestur-Húnavatnssýsla, Mannlíf, Lokað efni 25.01.2026 kl. 15.41Félag eldri borgara í Húnaþingi vestra hélt sitt árlega þorrablót í Félagsheimilinu Hvammstanga í gær og þar var að sjálfsögðu allt upp á tíu. Nærri 120 manns komu þar saman og skemmtu sér konunglega.Meira -
Hreint ekki eins og atvinnuviðtal | Hjörtur J. Guðmundsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.01.2026 kl. 15.14Mér finnst einhvern veginn eins og þeir sem vilja að við göngum í Evrópusambandið ættu öðrum fremur að vera með það á hreinu hvers konar ferli fer í gang þegar ríki sækir um inngöngu í sambandið. Grímur Grímsson, þingmaður Viðreisnar, er það hins vegar greinilega ekki. Nema hann tali gegn betri vitund. Í umræðum á Alþingi 20. janúar líkti hann því þannig við einfalt atvinnuviðtal. Upplýsingar um ferlið er víða að finna. Ekki sízt á vefsíðum Evrópusambandsins. Til að mynda má benda Grími á sérstakan upplýsingabækling sem sambandið hefur gefið út í þeim tilgangi að útskýra umsóknarferlið.Meira -
Kjúklingakarrí og lambaréttur | Matgæðingar Feykis
feykir.is Skagafjörður, Í matinn er þetta helst, Lokað efni 25.01.2026 kl. 13.19Matgæðingar vikunnar í tbl. 32 - 2025 í Feyki voru Anna Icban og Þorgeir Freyr Sveinsson. Anna er fædd og uppalin á Filippseyjum og er frá höfuðborginni, Manila. Svo slysaðist hún á að hitta Þorgeir á stefnumótaforriti og nú býr hún í Reykjavík og vinnur á Alþingi. Þorgeir er fæddur og uppalinn í Skagafirði, í Akrahreppi, í eina fjölbýlishúsinu þar, þ.e. á Frostastöðum. Hann vinnur í Háskóla Íslands, nánar tiltekið á prófaskrifstofu háskólans.Meira
