Röskuðu næturró rokkarans
Í gærkvöldi buðu Framsóknarmenn í Skagafirði upp á skemmtikvöld á Grand-inn þar sem eðalrokkarinn í Dimmu, Stefán Jakobsson, tróð m.a. upp með söng. Stóð skemmtunin fram að miðnætti eins og lög leyfa. Á sama tíma buðu ungir Sjálfstæðismenn til Pubquiz á veitingastaðnum Sauðá sem staðsettur er annars staðar í bænum en þar þeytti Helgi Sæmundur skífum. Unga Sjálfstæðisfólkið var hins vegar ekki á þeim buxunum að fara að sofa strax svo boðið var í teiti á kosningaskrifstofu þeirra á Aðalgötunni og virðist glaumur þess hafa raskað ró rokkarans um nóttina sem gisti handan götunnar.
Á Facebook-síðu sinni kvartar Stefán undan fylleríslátum og öskursöng nágrannanna sem stóð fram undir morgun.
„Í gærkvöldi skemmti ég fólki á Grand-inn á Sauðárkróki. Allt var þetta í boði Framsóknarflokksins sem fær stóran plús fyrir hlýjar móttökur og vel skipulagt kvöld sem endaði á réttum tíma.
Last kvöldsins fá hinsvegar skipuleggjendur fyllerís Sjálfstæðisflokksins hinumegin við götuna. Þar var opið hús til kl 05:00 í morgun með tilheyrandi öskursöng, brotnum flöskum og almennum látum. Btw allt fullorðið fólk.
Búúú á ykkur!! K.v. fólkið á gistiheimilinu sem vildi bara lúlla í friði,“ skrifar Stefán á Facebook-síðu sína og lætur mynd af lafandi þumli sínum fylgja með til að undirstrika óánægju sína.
Uppfært laugardaginn 25. september.
Gaman er að geta þess að hljómsveitin Dimma heldur útgáfutónleika í kvöld á Græna hattinum en nýjasta afurð sveitarinnar nefnis Þögn! Hægt er að nálgast miða HÉR
Fleiri fréttir
-
Myndaveisla úr Síkinu í boði Sigurðar Inga
feykir.is Skagafjörður, Íþróttir, Ljósmyndavefur 15.05.2025 kl. 14.35Af því að lífið er körfubolti - ekki saltfiskur (sem betur fer) – þá er rétt að bjóða lesendum Feykis upp á aðeins meira af leiknum í gær. Sigurður Ingi ljósmyndari var að sjálfsögðu í Síkinu og Feykir fékk að velja 20 frábærar myndir í góða myndamöppu til birtingar.Meira -
Síðasta sýningin í kvöld
feykir.is Skagafjörður, Austur-Húnavatnssýsla, Vestur-Húnavatnssýsla 15.05.2025 kl. 14.22Nú er síðasti séns að sjá Flæktur í netinu hjá Leikfélaginu á Sauðárkróki, því nú er komið að lokum.Meira -
Brosandi hér, brosandi þar, brosandi í gegnum öldurnar!
feykir.is Skagafjörður, Íþróttir, Lokað efni 15.05.2025 kl. 12.00Það var hátíðardagur á Króknum í gær, enda þriðji í úrslitakeppni sem ætti auðvitað að vera opinber frídagur í Firðinum fagra. Þar sem sól skein í heiði, hitinn nartaði í rassinn á sköflum í efstu skörðum og golan rétt dugði til að hreyfa við Tindastólsfánunum á Króknum þá var dúndur- og gleðistemning upp við Síki löngu áður en hleypt var inn í hús. Og leikurinn? Jú, sömu töfrarnir innanhúss og utan og úrslitin eins og við viljum hafa þau. Stólasigur 110-97 eftir hörkuleik.Meira -
Diddi Frissa nýr rekstraraðili á Húnavöllum
feykir.is Austur-Húnavatnssýsla 15.05.2025 kl. 10.50Nýr rekstraraðili, Diddi Frissa, hefur tekið við á Húnavöllum og er að keyra starfsemina í gang í þessum skrifuðu orðum. Didda langar að bjóða íbúum Húnabyggðar í heimsókn á föstudaginn og bjóða upp á súpu í leiðinni. Gamlir nemendur og starfsmenn Húnavallaskóla eru boðnir sérstaklega velkomnir.Meira -
Sauma nú myndir úr Vatnsdælureflinum
feykir.is Austur-Húnavatnssýsla 15.05.2025 kl. 10.17Á vef Húnabyggðar er sagt frá hefðarkonum sem komu saman í kvennaskólanum á Blönduósi í gær. Nú þegar lokið hefur verið við sum á Vatnsdælureflinum eru þær aftur sestar við saum og hafa hafist handa við að sauma út myndir úr Vatnsdælureflinum sem seldar verða seinna í sumar þegar refilinn verður sýndur.Meira
