Símenntun HA útskrifar leiðsögumenn
Símenntun Háskólans á Akureyri útskrifaði 30 nemendur úr Leiðsögunámi þann 13. maí síðastliðinn. Þetta er í fyrsta skipti sem útskrifað er úr slíku námi utan höfuðborgarsvæðisins.
Útskrifaðir nemendur geta fengið aðild að Félagi leiðsögumanna. Námið var byggt á námskrá fyrir leiðsögunám, í samstarfi við Leiðsöguskólann og Samtök ferðaþjónustunnar og stunduðu nemendur nám í tvær annir.
Námið er víðfeðmt og fjölbreytt en því er ætlað að vera hagnýtt og taka mið af ólíkum þörfum ferðaþjónustunnar í takt við breytilegt ferðamynstur ferðamanna. Nemendur eru fræddir um leiðsögutækni, helstu ferðamannastaði, íslenskt samfélag, jarðfræði landsins, sögu og menningu, gróður og náttúruvernd, atvinnuvegi, bókmenntir og listir auk þjálfunar í erlendu kjörmáli svo nokkuð sé nefnt. Flestir völdu ensku en einnig valdi hópur þýsku sem kjörmál. Kennt var síðdegis eftir hefðbundinn vinnudag og farnar vettvangsferðir um helgar með SBA- Norðurleið.
Hópurinn ætti að vera kærkomin viðbót í flóru leiðsögumanna á norðurlandi en skortur hefur verið á menntuðum leiðsögumönnum í takt við mikla fjölgun ferðamanna á landinu.
Við útskriftina lék Dimitrios Þeodoropolus á gítar og ávörp fluttu Sigrún Stefánsdóttir staðgengill háskólarektors, Kristín Hrönn Þráinsdóttir fagstjóri Leiðsöguskólans, María Guðmundsdóttir fræðslufulltrúi hjá Samtökum ferðaþjónustunnar og Óskar Þór Halldórsson fulltrúi nemenda.
Frá þessu er sagt á heimasíðu Símenntunar HA.
Fleiri fréttir
-
Nýja laugarkarið í Sundlaug Sauðárkróks hefur verið tekið í notkun
feykir.is Skagafjörður, Lokað efni 04.07.2025 kl. 23.41Framkvæmdum við nýja laugarkarið í Sundlaug Sauðárkróks er að mestu lokið og það hefur verið tekið í notkun. Í samtali Feykis við Sigfús Inga Sigfússon sveitarstjóra í lok júní kom fram að stefnt væri að opnun nýja hluta sundlaugarinnar í fyrstu viku júlímánaðar og það stóð heima.Meira -
Níu húnvetnsk ungmenni stíga dans á Spáni
feykir.is Austur-Húnavatnssýsla, Vestur-Húnavatnssýsla, Listir og menning, Lokað efni 04.07.2025 kl. 21.27Haustið 2023 setti Menningarfélag Húnaþings vestra í gang dansskóla og fékk til liðs við sig flotta danskennara. Nú, tæpum tveimur árum síðar, eru níu ungmenni úr skólanum mætt til Spánar þar sem þau taka þátt í Heimsbikarmótinu í dansi sem fram fer í Burgos sem er um 180 þúsund manna borg á Norður-Spáni.Meira -
Lýðræðið í skötulíki! | Lilja Rafney Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 04.07.2025 kl. 18.36Mörg þjóðþrifamál bíða afgreiðslu Alþingis. Mest hefur verið rætt um frumvarp um að þjóðin fái sanngjarna auðlindarentu af sameiginlegri sjávarauðlind. Einnig bíða mál um bætt kjör aldraðra og öryrkja, eflingu strandveiða og grásleppuna úr kvóta til varnar veikum sjávarbyggðum, húsnæðisöryggi, fjármálaáætlun og fjáraukafrumvarp svo eitthvað sé nefnt.Meira -
Klara, Emma, Brynja og Rannveig áfram með liði Tindastóls
feykir.is Skagafjörður, Íþróttir, Lokað efni 04.07.2025 kl. 13.28Körfuknattleiksdeild Tindastóls hefur tilkynnt að þær Klara Sólveig Björgvinsdóttir, Emma Katrín Helgadóttir, Brynja Líf Júlíusdóttir og Rannveig Guðmundsdóttir hafa framlengt samninga sína og munu leika með liði Tindastóls í Bónus deildinni næsta tímabil. „Það er langtímaverkefni að halda úti stöðugu kvennaliði og því er afar mikilvægt að halda í og þróa áfram þennan sterka íslenska kjarna“ segir Dagur Þór, formaður.Meira -
Íslandsmeistari úr Hjaltadalnum
feykir.is Skagafjörður, Íþróttir, Hestar, Lokað efni 04.07.2025 kl. 11.00Þórgunnur Þórarinsdóttir er ung Skagafjarðarmær sem hefur náð mögnuðum árangri í hestaíþróttum. Þórgunnur keppir í Ungmennaflokki en hún er dóttir Þórarins Eymundssonar tamningamanns og reiðkennara og séra Sigríðar Gunnarsdóttur en þau búa á Nautabúi í Hjaltadal.Meira
