Sjómenn samþykktu naumlega
Sjómannaverkfalli lauk í gær eftir að sjómenn höfðu samþykkt nýgerðan kjarasamning með naumum meirihluta atkvæða eða 52,4 prósent. Á kjörskrá voru 2.214 en 1.189 þeirra tóku þátt 623 samþykktu samninginn eða 53,7 prósent. 558 sögðu nei eða 46,9%, auð og ógild atkvæði voru 8 eða 0,7%. Þeir sjómenn sem Feykir ræddi við voru langt frá því að vera sáttir með samninginn.
Talningu atkvæða um samninginn lauk um kl. 21:00 í gærkvöldi og verkfalli sjómanna og verkbanni útgerðarmanna því aflýst í kjölfarið og stuttu síðar voru landfestar losaðar á fyrstu skipunum sem héldu til veiða á ný. Togarar Fisk Seafood, Málmey og Klakkur, héldu á miðin um 10 leytið í gærkvöldi og Arnar mun sigla til hafs í dag.
Feykir forvitnaðist hjá nokkrum sjómönnum hvernig þeim hugnaðist nýi samningurinn og var hljóðið þungt í þeim og enginn sáttur. „Ég er ekki sáttur,“ sagði einn sem vildi ekki koma fram undir nafni „Allur þessi tími og fá eitthvað sem er sjálfsagður hlutur. Vinnufatnaður og frítt fæði.“ Annar sagðist vera með óbragð í munni.
Hér er hægt að nálgast samninginn.
Hægt er að fylgjast með ferðum skipa á Marine Traffic en þar sést að Málmey stefnir til vesturs en Klakkur er staddur á Skagagrunni þegar þetta er skrifað.
Fleiri fréttir
-
Kynbótasýning á Hólum, Önnur tilraun
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 16.01Vorin eru uppskerutími hrossabænda en þá mæta þeir með merar sínar og stóðhesta á kynbótasýningar. Þar eru hrossin vegin og mæld og riðið fyrir dómnefnd skipaða þremur sérfræðingum.Meira -
Skákmótið Húnabyggð Open 2025
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 09.15Huni.is segir frá því að á föstudaginn 20. júní verður haldið skákmótið Húnabyggð open sem er í tengslum við skákhátíðina sem stendur yfir á Blönduósi og lýkur þann 21. júní. Enn er hægt að skrá sig til leiks.Meira -
Víðismenn í vandræðum á Blönduósi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 15.06.2025 kl. 16.24Það var spilað á Blönduósvelli í gær við fínar aðstæður en þá tóku heimamenn í Kormáki/Hvöt á móti liði Víðis í Garði. Liðin voru bæði í neðri hluta 2. deildar en Húnvetningar með einu stigi meira og leikurinn því mikilvægur fyrir bæði lið. Það fór svo að Húnvetningar voru sterkara liðið og unnu sanngjarnan 2-0 sigur og komu sér enn á ný upp í efri hluta deildarinnar.Meira -
Uppskriftir að hætti Jóhanns Daða
feykir.is Skagafjörður, Í matinn er þetta helst 15.06.2025 kl. 10.00Jóhann Daði er 24 ára Skagfirskur viðburðastjóri, fæddur og uppalinn á Sauðárkróki. Foreldrar hans eru Gísli Sigurðsson og Lydía Ósk Jónasdóttir. Jóhann býr fyrir sunnan, nánar tiltekið í Kópavogi, og vinnur sem sölumaður hjá Sýn. Jóhann spilar knattspyrnu með Tindastól og er trommuleikari í þeirri víðfrægu hljómsveit Danssveit Dósa.Meira -
Níu marka veisla á Sauðárkróksvelli
feykir.is Skagafjörður, Íþróttir, Lokað efni 14.06.2025 kl. 21.17Það var leikið í 3. deildinni í knattspyrnu á Króknum í dag en þá tóku Stólarnir á móti liði Árbæjar í áttundu umferð. Liðin voru bæði um miðja deild en gestirnir þó ofan við miðlínuna en Stólarnir neðan hennar. Eftir nokkurt ströggl síðasta mánuðinn þá sýndu heimamenn sparihliðarnar og rúlluðu gestunum upp eins og gómsætri vöfflu með rjóma og rabarbarasultu. Lokatölur 7-2 og allt í gúddi.Meira
