Smíði Gáskabáta gekk ekki upp
Fyrir skömmu afgreiddi byggðaráð Svf. Skagafjarðar beiðni frá stjórn plastbátafélagsins Mótunar þar sem óskað var eftir því að sveitarfélagið legði fram aukið hlutafé í fyrirtækið að upphæð 12.495.000 kr. Sveitarfélagið á 49% hlut í félaginu á móti Kaupfélagi Skagfirðinga (49%) og Skagafjarðarhraðlestinni (2%).
Samþykkt var að hafna erindinu en ákvað ráðið hins vegar að veita því lán allt að 23 milljónum króna til að gera upp hlut sveitarfélagsins í skuldum félagsins á meðan verið væri að ganga frá sölu á eignum þess. Gréta Sjöfn Guðmundsdóttir Skagafjarðarlistanum lét bóka að hún væri mótfallin þeirri ákvörðun.
Að sögn Stefáns Vagns Stefánssonar formanns byggðaráðs, var plastbátafélagið Mótun stofnað í tíð síðustu sveitarstjórnar, Framsóknar og VG með stuðningi Sjálfstæðisflokks. Markmiðið hafi verið að efla atvinnu á svæðinu, fá inn nýja iðngrein sem gæti stutt við nýstofnað plastnám við fjölbrautarskóla Norðurlands vestra og styrkt stoðir Skagafjarðar í trefjaiðnaði með það að markmiði að styðja við áform um uppbyggingu koltrefja- eða basalttrefjaverksmiðju á eða við Sauðárkók.
„Nú er ljóst að áform um smíði Gáskabáta gekk ekki sem skyldi og erfitt var að fá mannskap til starfa hjá fyrirtækinu sem leiddi til dráttar á smíðinni og að áætlanir félagsins gengu ekki eftir. Sú skuld sem um ræðir við KS er tilkominn að stærstum hluta vegna launa sem KS lagði út fyrir þegar fyrirtækið hafið ekki burði til þess og með þessu víkjandi láni er ætlunin að sveitarfélagið standi við skuldbindingar sínar gagnvart samstarfsaðila þess í félaginu. Það er mikilvægt að sveitarfélagið standi við skuldbindingar sínar í þessu máli sem og öðrum. Ef málið hefði verið á hinn veginn og sveitarfélagið hefði lagt út fyrir launum hefði okkur þótt eðlilegt að KS hefði gert upp sinn hlut,“ segir Stefán aðspurður um tap sem varð á rekstrinum. Hann segir ljóst að 13 milljónir hefðu ekki dugað til að klára verkefnið og því var talið eðlilegra, eftir ráðgjöf frá endurskoðenda sveitarfélagsins að veita félaginu 23 milljónir króna í víkjandi lán þannig að félagið gæti gert upp. „Næstu skref er að fara í að selja eignir félagsins og að því loknu mun koma í ljós hversu mikið af láninu félagið getur greitt sveitarfélaginu til baka. Ljóst er að það verður ekki öll þessi upphæð. Ekki er gert ráð fyrir að halda áfram með rekstur í félaginu,“ segir Stefán.
Fleiri fréttir
-
Kynbótasýning á Hólum, Önnur tilraun
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 16.01Vorin eru uppskerutími hrossabænda en þá mæta þeir með merar sínar og stóðhesta á kynbótasýningar. Þar eru hrossin vegin og mæld og riðið fyrir dómnefnd skipaða þremur sérfræðingum.Meira -
Skákmótið Húnabyggð Open 2025
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 09.15Huni.is segir frá því að á föstudaginn 20. júní verður haldið skákmótið Húnabyggð open sem er í tengslum við skákhátíðina sem stendur yfir á Blönduósi og lýkur þann 21. júní. Enn er hægt að skrá sig til leiks.Meira -
Víðismenn í vandræðum á Blönduósi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 15.06.2025 kl. 16.24Það var spilað á Blönduósvelli í gær við fínar aðstæður en þá tóku heimamenn í Kormáki/Hvöt á móti liði Víðis í Garði. Liðin voru bæði í neðri hluta 2. deildar en Húnvetningar með einu stigi meira og leikurinn því mikilvægur fyrir bæði lið. Það fór svo að Húnvetningar voru sterkara liðið og unnu sanngjarnan 2-0 sigur og komu sér enn á ný upp í efri hluta deildarinnar.Meira -
Uppskriftir að hætti Jóhanns Daða
feykir.is Skagafjörður, Í matinn er þetta helst 15.06.2025 kl. 10.00Jóhann Daði er 24 ára Skagfirskur viðburðastjóri, fæddur og uppalinn á Sauðárkróki. Foreldrar hans eru Gísli Sigurðsson og Lydía Ósk Jónasdóttir. Jóhann býr fyrir sunnan, nánar tiltekið í Kópavogi, og vinnur sem sölumaður hjá Sýn. Jóhann spilar knattspyrnu með Tindastól og er trommuleikari í þeirri víðfrægu hljómsveit Danssveit Dósa.Meira -
Níu marka veisla á Sauðárkróksvelli
feykir.is Skagafjörður, Íþróttir, Lokað efni 14.06.2025 kl. 21.17Það var leikið í 3. deildinni í knattspyrnu á Króknum í dag en þá tóku Stólarnir á móti liði Árbæjar í áttundu umferð. Liðin voru bæði um miðja deild en gestirnir þó ofan við miðlínuna en Stólarnir neðan hennar. Eftir nokkurt ströggl síðasta mánuðinn þá sýndu heimamenn sparihliðarnar og rúlluðu gestunum upp eins og gómsætri vöfflu með rjóma og rabarbarasultu. Lokatölur 7-2 og allt í gúddi.Meira
