Styrktarkvöld í Höfðaborg á þrettándanum
Á þrettándadagskvöld, þann 6. janúar, verður haldið Pub Quiz eða Barsvar í Félagsheimilinu Höfðaborg á Hofsósi. Tilefnið er að safna fé til styrktar Jóhannesi Veigari Jóhannessyni og Heiðrúnu Eddu Ingþórsdóttur sem eignuðust tvíburadætur í haust eftir tæplega 25 vikna meðgöngu. Unga parið, sem átti fyrir 18 mánaða dóttur, er búsett á Dalvík en Veigar er fæddur og uppalinn á Hofsósi og Heiðrún á Blönduósi.
Litlu tvíburasysturnar komu í heiminn þann 23. október og fæddist önnur þeirra andvana en álitið hafði verið í nokkurn tíma að hún hefði litningagalla sem gerði lífslíkur hennar sáralitlar. Hún var skírð Eva Björk og var borin til grafar á Dalvík um miðjan nóvember. Hin systirin, sem kölluð er Agnarögn, vó aðeins 724 grömm við fæðingu eða tæpar þrjár merkur og hefur hún dvalið á Vökudeild Landspítalans frá fæðingu. Hún braggast ótrúlega vel að sögn Hörpu Kristinsdóttur, móður Veigars og er nú orðin 2.672 grömm. Í morgun gekkst hún undir aðgerð vegna augnsjúkdóms og gekk hún vel en óvíst er um árangur aðgerðarinnar fyrr en eftir eina til tvær vikur.
Eins og gefur að skilja hefur þessi tími verið erfiður fyrir foreldrana sem hafa þurft að dvelja í Reykjavík þar sem þau eru fjarri heimili sínu og fjölskyldu og geta ekki stundað atvinnu, auk þess að þurfa að standa straum af húsnæðiskostnaði. Enn er ekki víst hve langur tími líður þar til Agnarögn litla verður útskrifuð af sjúkrahúsinu.
Stofnaður var styrktarreikningur fyrir fjölskylduna og er ábyrgðarmaður reikningsins Guðrún Helga Magnúsdóttir, frænka Veigars. Reikningsnúmerið er 0177-05-260070, kt: 010856-3889. Harpa segir fjölskylduna hafa fengið margar góðar kveðjur og vera mjög þakkláta fyrir allan þann stuðning og hlýhug sem þeim hefur verið sýndur.
Höfðaborg opnar kl. 21:00 á laugardaginn en spurningakeppnin hefst kl. 21:30. Þátttökugjald er 1.500 kr. og rennur öll innkoma kvöldsins til fjölskyldunnar. Allir sem eiga þess kost eru hvattir til að mæta.
Hægt er að fylgjast með Agnarögn á Facebooksíðunni Styrktarsíða fyrir Agnarögn og foreldra hennar.
Fleiri fréttir
-
Kynbótasýning á Hólum, Önnur tilraun
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 16.01Vorin eru uppskerutími hrossabænda en þá mæta þeir með merar sínar og stóðhesta á kynbótasýningar. Þar eru hrossin vegin og mæld og riðið fyrir dómnefnd skipaða þremur sérfræðingum.Meira -
Skákmótið Húnabyggð Open 2025
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 09.15Huni.is segir frá því að á föstudaginn 20. júní verður haldið skákmótið Húnabyggð open sem er í tengslum við skákhátíðina sem stendur yfir á Blönduósi og lýkur þann 21. júní. Enn er hægt að skrá sig til leiks.Meira -
Víðismenn í vandræðum á Blönduósi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 15.06.2025 kl. 16.24Það var spilað á Blönduósvelli í gær við fínar aðstæður en þá tóku heimamenn í Kormáki/Hvöt á móti liði Víðis í Garði. Liðin voru bæði í neðri hluta 2. deildar en Húnvetningar með einu stigi meira og leikurinn því mikilvægur fyrir bæði lið. Það fór svo að Húnvetningar voru sterkara liðið og unnu sanngjarnan 2-0 sigur og komu sér enn á ný upp í efri hluta deildarinnar.Meira -
Uppskriftir að hætti Jóhanns Daða
feykir.is Skagafjörður, Í matinn er þetta helst 15.06.2025 kl. 10.00Jóhann Daði er 24 ára Skagfirskur viðburðastjóri, fæddur og uppalinn á Sauðárkróki. Foreldrar hans eru Gísli Sigurðsson og Lydía Ósk Jónasdóttir. Jóhann býr fyrir sunnan, nánar tiltekið í Kópavogi, og vinnur sem sölumaður hjá Sýn. Jóhann spilar knattspyrnu með Tindastól og er trommuleikari í þeirri víðfrægu hljómsveit Danssveit Dósa.Meira -
Níu marka veisla á Sauðárkróksvelli
feykir.is Skagafjörður, Íþróttir, Lokað efni 14.06.2025 kl. 21.17Það var leikið í 3. deildinni í knattspyrnu á Króknum í dag en þá tóku Stólarnir á móti liði Árbæjar í áttundu umferð. Liðin voru bæði um miðja deild en gestirnir þó ofan við miðlínuna en Stólarnir neðan hennar. Eftir nokkurt ströggl síðasta mánuðinn þá sýndu heimamenn sparihliðarnar og rúlluðu gestunum upp eins og gómsætri vöfflu með rjóma og rabarbarasultu. Lokatölur 7-2 og allt í gúddi.Meira
