Sveitarfélagið Skagafjörður og Akrahreppur hafa gengið til formlegra sameiningarviðræðna
Sameiningarviðræður eru hafnar milli Akrahrepps og Sveitarfélagsins Skagafjarðar, með það fyrir augum að íbúar kjósi um tillöguna í lok janúar eða byrjun febrúar. Samstarfsnefnd sveitarfélaganna er skipuð tíu fulltrúum, fimm frá hvoru sveitarfélagi og er vinnuheiti verkefnisins, Skagfirðingar. Finna má upplýsingar um verkefnið og framgang þess á vefsíðunni skagfirdingar.is sem nýbúið er að opna.
Þar geta íbúar sent spurningar og ábendingar, auk þess að leita upplýsinga um framgang verkefnisins en upplýsingar á vefsíðunni verða uppfærðar eftir því sem verkefninu vindur fram.
Samstarfsnefnd hefur haldið fjóra fundi og fengið ráðgjafafyrirtækið RR ráðgjöf til aðstoðar við verkefnið, en RR ráðgjöf hefur sérhæft sig í verkefnisstjórn og ráðgjöf við sameiningarverkefni. Jöfnunarsjóður sveitarfélaga hefur samþykkt að veita verkefninu framlag sem stendur undir kostnaði við verkefnið og verða íbúar sveitarfélaganna því ekki fyrir beinum kostnaði. Samstarfsnefndin fundar vikulega þessi misserin og er góður gangur í verkefninu.
Á skagfirðingar.is kemur fram að samstarfsnefndin hafi fengið skólastjórnendur í Varmahlíð og sérfræðinga af Fjölskyldusviði til tveggja funda til að ræða stöðu og framtíðarsýn í félags- og fræðsluþjónustu. Auk þess er umræða um fjármál sveitarfélaganna og mögulegar breytingar á stjórnskipulagi komin vel á veg. Niðurstöður greininga verða birtar á skagfirdingar.is þegar þær liggja fyrir.
Fulltrúar í samstarfsnefnd eru:
Akrahreppur
- Drífa Árnadóttir
- Eyþór Einarsson
- Hrefna Jóhannesdóttir
- Ragnhildur Jónsdóttir
- Sigríður Sigurðardóttir
Sveitarfélagið Skagafjörður
- Álfhildur Leifsdóttir
- Gísli Sigurðsson
- Ingibjörg Huld Þórðardóttir
- Jóhanna Ey Harðardóttir
- Sigfús Ingi Sigfússon
Fleiri fréttir
-
Síðasta sýningin í kvöld
feykir.is Skagafjörður, Austur-Húnavatnssýsla, Vestur-Húnavatnssýsla 15.05.2025 kl. 14.22Nú er síðasti séns að sjá Flæktur í netinu hjá Leikfélaginu á Sauðárkróki, því nú er komið að lokum.Meira -
Brosandi hér, brosandi þar, brosandi í gegnum öldurnar!
feykir.is Skagafjörður, Íþróttir, Lokað efni 15.05.2025 kl. 12.00Það var hátíðardagur á Króknum í gær, enda þriðji í úrslitakeppni sem ætti auðvitað að vera opinber frídagur í Firðinum fagra. Þar sem sól skein í heiði, hitinn nartaði í rassinn á sköflum í efstu skörðum og golan rétt dugði til að hreyfa við Tindastólsfánunum á Króknum þá var dúndur- og gleðistemning upp við Síki löngu áður en hleypt var inn í hús. Og leikurinn? Jú, sömu töfrarnir innanhúss og utan og úrslitin eins og við viljum hafa þau. Stólasigur 110-97 eftir hörkuleik.Meira -
Diddi Frissa nýr rekstraraðili á Húnavöllum
feykir.is Austur-Húnavatnssýsla 15.05.2025 kl. 10.50Nýr rekstraraðili, Diddi Frissa, hefur tekið við á Húnavöllum og er að keyra starfsemina í gang í þessum skrifuðu orðum. Didda langar að bjóða íbúum Húnabyggðar í heimsókn á föstudaginn og bjóða upp á súpu í leiðinni. Gamlir nemendur og starfsmenn Húnavallaskóla eru boðnir sérstaklega velkomnir.Meira -
Sauma nú myndir úr Vatnsdælureflinum
feykir.is Austur-Húnavatnssýsla 15.05.2025 kl. 10.17Á vef Húnabyggðar er sagt frá hefðarkonum sem komu saman í kvennaskólanum á Blönduósi í gær. Nú þegar lokið hefur verið við sum á Vatnsdælureflinum eru þær aftur sestar við saum og hafa hafist handa við að sauma út myndir úr Vatnsdælureflinum sem seldar verða seinna í sumar þegar refilinn verður sýndur.Meira -
Alþjóðlegi safnadagurinn hjá Byggðasafni Skagfirðinga á sunnudaginn
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 14.05.2025 kl. 14.40Í tilefni safnadagsins þann 18. maí n.k. verður í fyrsta sinn boðið upp á opið hús í varðveislurými safnsins í Borgarflöt 17D á Sauðárkróki kl. 14-16.Meira
