Vel heppnaður opinn dagur Skagfirðingasveitar
Laugardaginn 28. maí hélt Björgunarsveitin Skagfirðingasveit á Sauðárkróki opinn dag fyrir bæjarbúa. Ýmislegt var um að vera í húsinu og gafst gestum meðal annars kostur á að prófa klifurvegginn, spreyta sig í kassaklifri, fara rúnt með snjóbílnum og skoða tæki sveitarinnar.
Rúmlega sjötíu manns heimsóttu sveitina þennan dag, gæddu sér á pylsum og nutu veðurblíðunnar. Vinsælast allra tækja og búnaðar var snjóbíllinn þar sem flestir, ef ekki allir, fóru að minnsta kosti einn rúnt um bæinn í honum. Nokkrir gestanna sýndu leikni sína í kassaklifrinu og ef undirrituð man rétt átti Jóhanna Ey metið í þeim og raðaði 18 kössum saman, en strákarnir í unglingadeildinni voru ekki langt undan henni.
Það fundu allir eitthvað við sitt hæfi, jafnt ungir sem aldnir. Ein amman lærði til dæmis á hjartastuðtæki undir leiðsögn eins félaga okkar, einhverjir skoðuð fjarskiptabúnaðinn af miklum áhuga, aðrir fóru í allt og þau allra yngstu sátu úti og krítuðu á stéttina. Þá var þessi dagur frábært hópefli fyrir félaga sveitarinnar sem komu saman á föstudeginum og undirbjuggu daginn; þrifu tæki, hús og búnað, og áttu góða stund saman.
Fyrir hönd Skagfirðingasveitar vil ég þakka öllum gestum okkar kærlega fyrir komuna og vonast til að sjá enn fleiri næst þegar við bjóðum heim.
Myndir frá deginum má nálgast HÉR
Hafdís Einarsdóttir, formaður
Fleiri fréttir
-
„Verður engin þjóðaratkvæðagreiðsla“ / Hjörtur J. Guðmundsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 12.05.2025 kl. 11.30„Það verður alltaf einhver umræða en það verður engin þjóðaratkvæðagreiðsla að ég tel næstu fjögur árin. Ástæða þess er sú staðreynd að þetta er alltof langt ferli, við horfum upp á mjög mikla ókyrrð í kringum okkur og við þurfum að einbeita okkur að mikilvægustu verkefnunum,“ segir Erna Solberg, leiðtogi norska Hægriflokksins, í samtali við norska fréttavefinn E24 í dag og vísar þar til næsta kjörtímabils í Noregi en þingkosningar fara fram þar í landi næsta haust.Meira -
Tindastólsliðið tuskað til í Umhyggjuhöllinni
feykir.is Skagafjörður, Íþróttir, Lokað efni 11.05.2025 kl. 23.57Tindastóll heimsótti lið Stjörnunnar í Garðabæinn í kvöld en þar fór fram annar leikur liðanna í úrslitaeinvíginu um Íslandsmeistaratitilinn. Það varð fljótlega ljóst að Stjörnumenn voru einbeittari og ákafari og voru lengstum með yfirhöndina í leiknum. Aðeins einu stigi munaði þó í hálfleik en í síðari hálfleiknum fóru öll hjólin undan Stólarútunni. Er nokkuð ljóst að Benni þjálfari þarf að endurræsa hugbúnaðinn hjá sínum mönnum. Lokatölur 103-74 en staðan í einvíginu 1-1 og næsti leikur verður í Síkinu á miðvikudag.Meira -
Húnvetningar snéru vörn í sókn með góðum sigri
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 11.05.2025 kl. 07.40Húnvetningar rifu sig í gang í 2. deildinni í knattspyrnu í dag eftir hálfgert rothögg fyrir austan um síðustu helgi. Það voru kannski ekki allir sem höfðu trú á því að lið Kormáks/Hvatar myndi rétta strax úr kútnum eftir 8-1 tap en þeir hafa efalaust verið staðráðnir í að rétta kúrsinn við fyrsta tækifæri. Það voru Seltirningar í Gróttu sem fengu að kenna á því á Blönduósi og máttu þola 2-0 tap.Meira -
Tindastólsmenn á góðu róli
feykir.is Skagafjörður, Íþróttir, Lokað efni 10.05.2025 kl. 23.37Lið Sindra frá Hornafirði mætti á Krókinn í dag og lék við lið Tindastóls í 2. umferð 3. deildar karla í knattspyrnu. Bæði lið höfðu unnið leiki sína í fyrstu umferðinni sem spiluð var um síðustu helgi. Það voru Stólarnir sem kræktu í stigin þrjú sem í boði voru og unnu góðan 2-0 sigurMeira -
Eins og að smala köttum að koma Herramönnum saman
feykir.is Skagafjörður, Lokað efni 10.05.2025 kl. 15.05Hljómsveitin Herramenn stefnir á tónleikahald í Ljósheimum nú um miðjan maí. Hljómsveitin er skipuð nokkrum snillingum úr '69 árgangnum á Króknum, byrjaði sem skólasveitin Bad Boys, síðan Metan og loks Herramenn. Menn hafa komið og farið en kjarninn er og hefur alltaf verið þeir Árni Þór Þorbjörnsson á bassa, Birkir Guðmundsson á hljómborð, Karl Jónsson á trommur og Svavar Sigurðsson á gítar. Og punkturinn yfir i-ið er alltaf söngvarinn en þar finnum við fyrir Kristján Gíslason.Meira
