Vetrarsólstöður í dag
Í dag, 21. desember eru sólhvörf að vetrarlagi eða vetrarsólstöður, en þá er sólargangur stystur á himni. Vísar orðið sólstöður til þess að sólin stendur kyrr, það er hættir að hækka eða lækka á lofti. Þessi árstími er heiðnum mönnum hátíðlegur ekki síður en þeim kristnu en því er fagnað að sólin fer hækkandi á lofti. Þá eru haldin jólablót hjá goðum ásatrúarmanna og blótað til heilla Freys, árs og friðar.
Í Efra-Ási í Hjaltadal í Skagafirði býr Árni Sverrisson kúabóndi ásamt fjölskyldu sinni en hann vígðist til goða í sumar og ber því sæmdarheitið Hegranesgoði. Feykir tók hús á goðanum og forvitnaðist um áhuga hans á ásatrúnni.
„Þetta byrjaði fyrir löngu síðan. Pabbi og mamma gáfu mér teiknimyndasögu um goðheima og ég heillaðist alveg af norrænni goðafræði. Svo fékk ég í fermingargjöf bók sem heitir Goð og garpar sem ég las spjaldanna á milli. En tíðarandinn var sá að ég var þægur og góður og fermdist eins og gengur og gerist,“ segir Árni en það var svo löngu síðar að vissir atburðir verða í þjóðkirkjunni sem hann gat ekki sætt sig. Þá tók hann þá ákvörðun að segja sig úr þjóðkirkjunni og lá leiðin beint í Ásatrúarfélagið. Þegar rennt er upp heimreiðina að Efra-Ási blasir stórt og mikið hof við sem hafist var handa við að byggja árið 2010.
Tilkoma þess er sérstæð og segir Árni að þarna hafi verið svo leiðinlegur blettur og ekki hægt að slá. „Við ákváðum hjónin í sameiningu að búa okkur til lítið, eitthvað í gömlum stíl. Ætluðum að hafa þetta um 30 fm sem endaði svo í 80 fm. Þá var ákveðið að hafa þetta bara sem hof,“ segir Árni en Jóhanna Kjalnesingagoði helgaði svo hofið þann 19. júlí 2014. Jóhanna hafði meira á prjónunum því það var þá sem hún bað Árna að íhuga það að fara í ferlið að verða goði. Hann segist hafa tekið sér um tvo mánuði til að ákveða sig því hann sé ekki mikið fyrir það að tala yfir fólki. „Einhvern veginn þegar maður gerir eitthvað sem manni líður vel með er þetta svo miklu auðveldara,“ segir hann en ákvörðunin var á þá leið að hann fer í þjálfun.
Í kvöld verður haldið vetrarsólstöðublót í Ásheimi, hofinu sem Árni reisti í Efra-Ási. Hefst blótið klukkan 20:00 og eru allir velkomnir.
Árni Hegranesgoði er í viðtali í seinasta Feyki ársins sem kemur út í dag og þar er hægt að forvitnast nánar um goðann og ásatrúna.
Fleiri fréttir
-
Fornbílaeigendur í messu á Flugumýri 17. júní
feykir.is Skagafjörður, Mannlíf, Lokað efni 18.06.2025 kl. 15.55Það hefur um árabil verið siður fornbílaunnenda í Skagafirði að mæta á fákum sínum í messu í Blönduhlíðina á 17. júní. Stundum hefur þessi messa verið á Miklabæ, líka á Silfrastöðum en í ár var messað á Flugumýri. Forvígismenn þessa uppátækis eru Agnar á Miklabæ og Jón í Miðhúsum.Meira -
Rúnar Birgir á EuroBasket í haust
feykir.is Skagafjörður, Íþróttir, Lokað efni 18.06.2025 kl. 14.50Nei, Varmhlíðingurinn geðþekki, Rúnar Birgir Gíslason, hefur ekki verið valinn til þátttöku á EuroBasket með íslenska landsliðinu í körfubolta í haust. En sannarlega verður kappinn þar því þau ánægjulegu tíðindi bárust KKÍ nú fyrir skömmu að honum hefur verið raðað sem eftirlitsmanni á EuroBasket karla í haust. „Það verða því ekki bara strákarnir okkar sem taka þátt í mótinu fyrir Íslands hönd í Póllandi heldur verður okkar fulltrúi í einu hinna landanna sem eru gestgjafar í mótinu,“ segir í frétt á vef KKÍ.Meira -
Þrjár Tindastólsstúlkur í U19 landsliðshópnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 18.06.2025 kl. 14.39Nú styttist í EM kvenna sem fram fer í Sviss. Ísland er að sjálfsögðu með lið á EM og það er Glódís Perla Viggósdóttir, sem rekur ættir sínar til Skagastrandar, sem er fyrirliði Íslands. Í síðustu viku tilkynnti síðan Þórður Þórðarson, landsliðsþjálfari U19 kvenna, val sitt á landsliðshópi fyrir tvo æfingaleiki nú í lok mánaðarins. Þar á lið Tindastóls þrjá fulltrúa.Meira -
Fjármagn tryggt til að hefjast handa við verknámshús
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir, Lokað efni 18.06.2025 kl. 14.05Eins og fram hefur komið hefur verið til samningur í rúmlega ár milli ríkis og sveitarfélaga um viðbyggingu við verknámshús FNV. og þriggja annarra verkmenntaskóla. Sveitarfélögin á Norðurlandi vestra höfðu skuldbundið sig til að standa við sinn hluta fjármögnunnar eða 40% heildarkostnaðar og gert ráð fyrir því í sínum fjárhagáætlunum fyrir árið 2025.Meira -
Það þarf að mæta nemendum þar sem þeirra hæfileikar og áhugi eru
feykir.is Skagafjörður, Mannlíf, Lokað efni 18.06.2025 kl. 09.54Það eru mikil tímamót í skólastarfi á Sauðárkróki nú í sumar. Í síðasta Feyki var rætt við skólameistara, aðstoðarskólameistara og annan áfangastjóra Fjölbrautaskóla Norðurlands vestra sem nú láta af störfum og eiga að baki samtals ríflega 100 ára starfsævi. Þá var skólastjóri Árskóla, Óskar G. Björnsson, kvaddur af samstarfsfólki og nemendum við skólaslit á dögunum en Óskar hefur verið skólastjóri Árskóla alla tíð síðan Gagnfræðaskóli og Barnaskóli Sauðárkróks voru sameinaðir undir einn hatt árið 1998. Já, 27 farsæl ár að baki sem skólastjóri hjá þessum öðlingi. Það var því ekki annað hægt en að leggja nokkrar spurningar fyrir Óskar.Meira
