Skagafjörður

Aðfaranótt síðastliðins laugardags tóku starfsmen Vegagerðarinnar eftir því að öll 70 km hraðamerkin að og frá Sauðárkróki væru horfin, auk 90 km merki við Glaumbæ. Að sögn Rúnars Péturssonar, yfirverkstjóra svæðisstöðvarinnar á Sauðárkróki, hafa einhverjir óprúttnir aðilar haft fyrir því að skrúfa merkin af festingum og látið þau hverfa.

Það styttist til jóla. Áður en við vitum af verðum við farin að gera jólaísinn og pakka inn jólagjöfum. Kannski eru margir hverjir þegar byrjaðir. Það er hins vegar afar misjafnt hvenær fólk hefst handa við jólagjafainnkaupin. Einhverjir byrja snemma árs en svo eru aðrir sem bíða þar til á Þorláksmessu með að kaupa gjafirnar og allt þar á milli. Það er líka afar misjafnt hversu miklu við eyðum í jólagjafir.

„Nú er aðventan hafin og jólaspenningur kominn í fólk,“ segir í tilkynningu fyrirtækjaeigenda í Aðalgötunni á Sauðárkróki en þar hefur verið boðuð kvöldopnun í kvöld, 2. desember, kl. 20-22. Ýmis tilboð verða í gangi og kósý jólastemning mun svífa yfir vötnum. Sólon opnar vinnustofur sínar.

Nafn: Friðrik Smári Eiríksson. Fjölskylduhagir: Í sambúð með Sigríði Sól Hreinsdóttur og saman eigum við tvo ketti, en annars á ég þrjú yndisleg börn; Veroniku Hebu 20 ára, Nóa Fannar 13 ára og Óliver Kaj 11 ára. Starf / nám: Er stúdent frá FNV, skráður fáfræðingur í símaskránni og vinn í byggingageiranum. Hvað er í deiglunni: Þrotlaus undirbúningur fyrir næstu auglýsingaherferð fyrir verslum heima. Hverju missirðu helst ekki af í sjónvarpinu? Horfi ekki á sjónvarpið eftir að Gísla Martein byrjaði þar.

Húsnæðis- og mannvirkjastofnun kynnti á haustmánuðum breytt fyrirkomulag húsnæðisáætlana þar sem þær verða alfarið á samræmdu stafrænu formi frá og með árinu 2022. Þessi breyting er í samræmi við niðurstöðu samstarfsþings HMS og sveitarfélaganna sem haldið var í janúar sl.

Nú er loksins kominn desember og því má fara að leika jólalögin skammlaust enda fátt betra til að telja niður dagana til jóla. Við byrjum á einu gömlu og góðu sem Birgitta Haukdal söng á plötunni 100 íslensk jólalög sem kom út 2006.

Nýr formaður var kosinn á aðalfundi Golfklúbbs Skagafjarðar sem haldinn var í gærkvöldi þar sem Sigríður Svavarsdóttir tók við af manni sínum Kristjáni Bjarna Halldórssyni. Helga Jónína Guðmundsdóttir settist í stól varaformanns hvar Halldór Halldórsson sat áður.

Olga Vocal Ensemble ætlar að syngja jólin inn í ár í Blönduóskirkju fimmtudaginn 9. desember klukkan 20. Þetta verður í fjórða skipti sem Olga heldur tónleika á Íslandi yfir jólahátíðina og í fyrsta skipti sem hópurinn heldur jólatónleika í Blönduóskirkju. Allur aðgangseyrir rennur óskiptur í orgelsjóð Blönduóskirkju.

Breytingar verða um komandi áramót í rekstri veitingastaðarins Gránu Bistro þegar núverandi rekstraraðilar, fyrirtækið Smith & Jónsson hættir afskiptum af rekstri veitingastaðarins. Þeim er þakkað kærlega fyrir frábært samstarf og framúrskarandi þjónustu á undanförnum mánuðum. Auglýst hefur verið eftir nýjum starfskrafti til að halda áfram með þróun veitingarekstur Gránu Bistro og við munum opna aftur með nýjar og spennandi hugmyndir á nýju ári.

Bjarni Jónsson, þingmaður Vinstri grænna í Norðvestur kjördæmi, hefur verið valinn ritari þingflokksins af félögum sínum í þingflokki VG, Bjarni var áður varaþingmaður en tók sæti á Alþingi nú í haust. Orri Páll Jóhannsson var valinn þingflokksformaður.