Athugað með nafnbreytingu á Grunnskóla Húnaþings vestra
Frá síðastliðnu hausti hefur fræðsluráð Húnaþings vestra verið að skoða möguleikann á nafnbreytingu á Grunnskóla Húnaþings vestra. Málið var tekið til umræðu á fundi fræðsluráðs þann 1. apríl sl.
Á fundinum fór formaður fræðsluráðs yfir þá vinnu sem hann hefur unnið vegna mögulegrar nafnbreytingar og eftir nokkrar umræður um málið var eftirfarandi tillaga samþykkt:
„Á sl. hausti kom til umræðu innan fræðsluráðs hvort finna ætti nýtt nafn á Grunnskóla Húnaþings vestra í tilefni þess að skólarnir á Hvammstanga og Laugarbakka hefðu sameinast á einum stað. Fræðsluráð fól skólastjóra Grunnskóla Húnaþings vestra að kanna áhuga skólasamfélagsins á nafnbreytingu og voru undirtektir jákvæðar meðal nemenda og starfsmanna skólans sem og meðal foreldra grunnskólanema.“
„Lýðræðið virkjað sem mest“
Í tillögu fræðsluráðs segir einnig að kannað hafi verið meðal annarra sveitarfélaga á landinu þar sem nafnbreyting grunnskóla hefði farið fram hvernig staðið hefði verið að slíkri breytingu. Niðurstaðan var að á öllum stöðum er lýðræðið virkjað sem mest.
Fræðsluráð gerði tillögu um eftirfarandi verktilhögun:
- Óskað eftir tillögum úr sveitarfélaginu.
- Fræðsluráð/dómnefnd stillir upp lista með nokkrum mögulegum nöfnum.
- Íbúar sveitafélagsins kjósa nafn af þeim lista sem fræðsluráð/dómnefnd hefur stillt upp.
- Það nafn sem fær flest atkvæði er framtíðarnafn Grunnskóla Húnaþings vestra.
Fræðsluráð gerir ráð fyrir að hvort tveggja, tillöguinnsendingin og kosningin, fari fram rafrænt. Áætlað er að kostnaður geti numið allt að kr. 200 þús.
„Fræðsluráð mælir með því að farið verði í ofangreinda vinnu og sé það einnig vilji sveitastjórnar þá sé það hennar að ákveða hvort farið verði málið á næstu vikum með afgreiðslu aukafjárveitingar eða að málinu sé frestað fram yfir áramót og þar með til næsta fjárhagsárs,“ segir loks í tillögu fræðsluráðs.
Fleiri fréttir
-
Frímann og Stjarni
feykir.is Skagafjörður, Hestar, Lokað efni 20.07.2025 kl. 19.00Hér hefur göngu sína nýr þáttur í Feyki en hann nefnist: Sögur af mönnum og hestum. Umsjón hefur Hinrik Már. Það er Eiríkur Jónsson frá Dýrfinnustöðum, nú Óðalsbóndi í Svíþjóð, sem segir hér frá Frímanni á Syðri-Brekkum og hesti hans Stjarna.Meira -
Austfirðingar fengu á baukinn á Blönduósi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 20.07.2025 kl. 11.58Lið Kormáks/Hvatar fékk Austfirðinga í heimsókn á Blönduós í gærdag. Húnvetningar áttu harma að hefna eftir að lið KFA fór vægast sagt illa með gesti sína í fyrstu umferð 2. deildar og vann leikinn 8-1. Leikurinn í gær var um margt líkur fyrri leiknum nema nú voru liðsmenn KFA sem fóru hnípnir heim með skottið á milli lappanna eftir 5-1 tap.Meira -
Húnvetningar dansa á Spáni
feykir.is Austur-Húnavatnssýsla, Íþróttir, Vestur-Húnavatnssýsla, Listir og menning, Lokað efni 20.07.2025 kl. 10.30Eins og Feykir hefur sagt frá áður þá fór góður hópur af húnvetnskum krökkum til Spánar að keppa í dansi og eru þau nýkomin heim úr þeirri ferð. Feykir hafði samband við eina úr hópnum, Íseyju Waage sem á heima í Skálholtsvík í Húnaþingi vestra og spurði hana út í þetta ævintýri.Meira -
Sigurdís Sandra bæði á Hólum og Heimilisiðnaðarsafninu
feykir.is Skagafjörður, Austur-Húnavatnssýsla, Listir og menning, Lokað efni 19.07.2025 kl. 23.48Sigurdís Sandra Tryggvadóttir tónskáld, píanóleikari og söngkona verður með tvenna tónleika á Norðurlandi vestra á morgun, sunnudaginn 20. júlí. Hún hefur leik í Hóladómkirkju kl. 11:00 og drífur sig svo vestur á Blönduós þar sem hún spilar á sumartónleikum Heimiisiðnaðarsafnsins kl. 15:00 og slær þannig lokahöggið á Húnavöku.Meira -
Félagar í Drangey vilja bráðabirgðalög vegna strandveiða
feykir.is Skagafjörður 19.07.2025 kl. 23.00Félagsfundur Drangeyjar – smábátafélags Skagafjarðar haldinn 18. júlí 2025 mótmælir harðlega stöðvun strandveiða 16. júlí sl. Í tilkynningu frá félaginu segir að þetta sé sjötta árið í röð sem ekki er leyft að veiða út ágúst eins og lög frá 2018 gera ráð fyrir.Meira
