Freyja Lubina keppir í EuroSkills 2025
Freyja Lubina Friðriksdóttir keppir í húsasmíði fyrir Íslands hönd í EuroSkills 2025 – European Championship of Young Professionals sem fram fer í Herning í Danmörku 9.-13. september 2025. Freyja útskrifaðist sem húsasmiður frá FNV og henni til halds og trausts verður Hrannar Freyr Gíslason, kennari í húsasmíði við FNV.
Þetta er stærsta keppni Evrópu á sviði starfsnáms og iðngreina þar sem saman koma allt að 600 keppendur frá um 30 Evrópulöndum til að spreyta sig á verklegum verkefnum. Keppt er í 38 ólíkum greinum, allt frá trésmíði, rafvirkjun, málun og hönnun yfir í matargerð, bakstur, þjónustugreinar og hársnyrtingu.
Frá Íslandi taka þátt 13 ungmenni sem keppa í jafn mörgum greinum, þar á meðal í trésmíði, rafvirkjun, hársnyrtingu, málun, bakstri og málmsuðu.
Freyja hefur verið að undirbúa sig fyrir keppnina frá því í febrúar og hefur undanfarna daga verið að æfa sig í tímatöku á verkefninu sem hún fær í keppninni. Einnig hefur hún sótt fyrirlestra í andlegri uppbyggingu til að styrkja sig fyrir þá miklu áskorun sem framundan er.
Þá má geta þess að Freyja er frá Vestur-Húnavatnssýslu en starfar nú hjá Trésmiðjunni Borg á Sauðárkróki.
Hægt er að horfa á viðtal við Freyju með því að smella hér >
Og hér segir Freyja frá verkefninu >
/Frétt og myndbönd fra FNV
Fleiri fréttir
-
Tindastólsmenn með fimm sigurleiki í röð
feykir.is Skagafjörður, Íþróttir, Lokað efni 13.09.2025 kl. 22.49Lið Tindastóls hefur verið á mikilli siglingu í 3. deildinni síðustu vikurnar og í dag vann liðið fimmta sigurinn í röð í lokaumferðinni. Andstæðingarnir voru lið KFK úr Kópavogi sem heimsóttu Krókinn og þurfti nauðsynlega á sigri að halda til að forðast fall. Líkt og í síðasta leik gegn botnliði ÍH voru Stólarnir gjafmildir í fyrri hálfleik og tvívegis komust gestirnir yfir. Það var hins vegar jafnt í hálfleik og í síðari hálfleik voru heimamenn í essinu sínu. Lokatölur 6-2.Meira -
Lagt til að kosið verði um sameiningu 28. nóv til 13. des
feykir.is Vestur-Húnavatnssýsla 13.09.2025 kl. 21.58Samráðsnefnd um sameiningu Dalabyggðar og Húnaþings vestra hefur samþykkt samhljóða að leggja til við sveitarstjórnir sveitarfélaganna að íbúakosning um tillögu um sameiningu fari fram dagana 28. nóvember til 13. desember næstkomandi og að kosningaaldur miðist við 16 ár.Meira -
Lið Kormáks/Hvatar endaði í fjórða sæti 2. deildar
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 13.09.2025 kl. 21.46Síðasta umferðin í 2. deildinni í knattspyrnu fór fram í dag og héldu Húnvetningur austur og land og mættu botnliði Hattar/Hugins á Fellavelli. Lið heimamanna var þegar fallið niður í 3. deild og gestirnir sigldu lygnan sjó í efri hluta deildarinnar og því ekki mikið undir. En fyrst menn eru að renna þessa leið austur í rigningu og roki þá er kannski bara best að spýta í lófana og hirða stigin sem í boði eru og það gerði lið Kormáks/Hvatar. Lokatölur 2-4.Meira -
Stólarnir rúlluðu yfir lið Hattar í gærkvöldi
feykir.is Skagafjörður, Íþróttir, Lokað efni 13.09.2025 kl. 19.06Það var frábær mæting í Síkið í gærkvöldi þegar Tindastóll lagði Hött í æfingaleik í Síkinu með 111 stigum gegn 84. Þetta var annar leikur liðanna í sömu vikunni en í fyrri viðureigninni sem fram fór á Egilsstöðum höfðu Stólarnir sömuleiðis betur, 87-103.Meira -
Gaman að setja niður bösserþrist
feykir.is Skagafjörður, Íþróttir, Lokað efni 13.09.2025 kl. 10.54Júlía Marín Helgadóttir var íþróttagarpur Feykis í tbl. 18 á þessu ári en hún er fædd á því fallega ári 2011 sem þýðir að hún er ein af þeim krökkum sem fermdust sl. vor í Sauðárkrókskirkju. Júlía Marín býr í Ártúninu á Króknum og var með veisluna heima hjá sér og bauð frekar mörgum, eins og hún orðar það sjálf, þar sem gestir gæddu sér á sushi og sætabrauði. Feykir hafði samband við Júlíu Marín því hún hefur, ekki bara einu sinni eða tvisvar heldur mörgum sinnum, orðið Íslandsmeistari í badminton og því tilvalið að senda henni íþróttagarpsspurningarnar og auðvitað var hún til í að svara þeim.Meira
