Helga Margrét Þorsteinsdóttir íþróttamaður USVH 2010
Helga Margrét Þorsteinsdóttir var í gær kjörinn íþróttamaður USVH fyrir árið 2010.Helga Margrét er frjálsíþróttakona frá Reykjum í Hrútafirði en hún hlaut 50 stig í kjörinu. Í öðru sæti varð Guðrún Gróa Þorsteinsdóttir körfuknattleikskona og systir Helgu Margrétar með 24 stig og í þriðja sæti varð Fríða Mary Halldórsdóttir hestaíþróttakona með 7 stig. Aðrir sem hlutu tilnefningar í kjöri íþróttamanns USVH voru Tryggvi Björnsson og Ísólfur Líndal Þórisson hestaíþróttamenn og Ólafur Ingi Skúlason frjálsíþróttamaður.
Helstu afrek Helgu Margrétar á árinu 2010 eru sem hér segir:
- Í júlí náði Helga Margrét þeim frábæra árangri að vinna brons í sjöþraut á HM 19 ára og yngri í Kanada. Hún hlaut alls 5.706 stig, en besti árangur hennar í þrautinni er 5.878 stig.
- Í febrúar keppti Helga í Bikarkeppni FRÍ innanhúss. Þar hljóp hún 60m grindarhlaup á tímanum 0,8,79. Einnig stökk hún 1,70m í hástökki og sigraði báðar þessar greinar.
- Í lok júlí keppti Helga í sjöþraut á EM í Barcelona á Spáni. Hún náði sér ekki á strik þar og hætti keppni eftir kúluvarpið.
- Helga Margrét er í landsliðshóp Íslands í frjálsum íþróttum 2010-2011.
- Helga Margrét er ein af 10 efstu sem tilnefndir eru til Íþróttamanns ársins í kjöri íþróttafréttamanna sem verður líst í upphafi næsta árs.
- Helga Margrét er þrátt fyrir ungan aldur orðin ein besta sjöþrautarkona heims. Sænski þjálfarinn Agne Bergvall, sem meðal annars þjálfar fyrrverandi Ólympíumeistarann í sjöþraut, Carolinu Klüft, er nú orðin þjálfari Helgu og fer hún til Svíþjóðar á æfingar öðru hvoru.
Íþróttamenn USVH geta orðið þeir íþróttamenn 16 ára og eldri sem lögheimili eiga í Húnaþingi vestra eða keppa undir merkjum félaga innan USVH. Það eru stjórnarmenn í aðildarfélögum USVH og stjórn USVH sem kjósa íþróttamanninn. Þetta er í fjórða skiptið í röð sem Helga Margrét er kjörin íþróttamaður ársins hjá USVH og hlaut hún farandbikar til varðveislu auk eignarbikars.
Fleiri fréttir
-
Enn bætir Tindastóll í
feykir.is Skagafjörður, Íþróttir, Lokað efni 02.08.2025 kl. 14.40Körfuknattleiksdeild Tindastóls hefur gengið frá samningi við spænsku körfuknattleikskonuna Mörtu Hermida um að leika með liðinu á komandi tímabili. Þetta er mikill fengur fyrir Tindastól og spennandi tímabil framundan hjá kvennaliðinu.Meira -
Ferða og gleði helgin mikla
feykir.is Skagafjörður, Lokað efni 01.08.2025 kl. 18.00Upp er runnin verslunaramannahelgi. Nú þeytist landinn landshorna á milli fullur eftirvæntingar um botnlaust stuð. Það var þétt setið bílaplanið við Olís Varmahlíð um kl:16 í dag. Það hefur verið mikil umferð síðustu daga og virðist flestum liggja mikið á.Meira -
Fyrsta Landsmótið í hestafimleikum á Íslandi haldið á Hvammstanga
feykir.is Íþróttir, Vestur-Húnavatnssýsla 01.08.2025 kl. 15.00Dagana 15.-18. júlí fór fram fyrsta landsmót í hestafimleikum á Íslandi og var það haldið í Þytsheimum á Hvammstanga. Sex hópar, frá Hvammstanga, Borgarfirði, Snæfellsnesi og Suðurlandi tóku þátt og sýndu alskonar kúnstir. Þó sumir hóparnir væru frekar nýlega stofnaðir og æfingastigið því mjög mismunandi stóðu öll börnin sig einstaklega vel og fengu verðskuldaða viðurkenningu.Meira -
Það verður góð stund á Ábæ
feykir.is Skagafjörður, Mannlíf 01.08.2025 kl. 09.24Hin árlega Ábæjarmessa verður á Ábæ í Austurdal sunnudaginn 3. ágúst kl. 14:00. Sr. Karl V. Matthíasson þjónar fyrir altari. Sönghópurinn Vorvindar glaðir leiða söng við undirleik Friðriks Þórs Jónssonar. Fólk er hvatt til að taka með sér nesti og eiga saman góða stund eftir messu í einstöku umhverfi. Veðurspáin fyrir sunnudaginn er ágæt, hlýtt og þurrt, svo fegurð Austurdals ætti að njóta sín.Meira -
Eldur í Hún tókst vel og allir sáttir
feykir.is Vestur-Húnavatnssýsla, Mannlíf, Lokað efni 31.07.2025 kl. 13.50Hátíðin góða Eldur í Húnaþingi fór fram í síðustu viku og lauk á sunnudaginn. Framkvæmdanefndin hefur sent frá sér eftirfarandi yfirlýsingu:Meira
