Leigja út borðspil og púsl
Á Héraðsbókasafni Skagfirðinga er nú hægt að leiga út bæði púsl og alls konar borðspil sér til dægrastyttingar og því um að gera að nýta þessa þjónustu. Það eina sem þarf að gera er að kaupa bókasafnskort og kostar árskortið aðeins 2800 kr. en eldri borgarar, öryrkjar, börn og unglingar upp að 18 ára aldri fá frítt. Margir einstaklingar og fjölskyldur byrjuðu að púsla og spila þegar heimsfaraldurinn herjaði á landann, sem er eitt af því jákvæða sem kom út úr þessari ósköp, en að spila á spil/borðspil eða púsla er bæði góð heilaleikfimi og frábær leið til þess að eiga gæðastund með fjölskyldunni, já eða vinum.
Feykir hafði samband við Kristínu S. Einarsdóttur forstöðumann Hérðaðsbókasafnsins og spurði út í hver kveikjan hafi verið fyrir því að bjóða upp á þessa nýjung. „Þessi hugmynd er búin að vera lengi í þróun hér, púslin hafa verið til útláns í nokkurn tíma. Til dæmis er nokkuð um að hjón sem komin eru á eftirlaun komi saman og velji sér púsl, sem okkur finnst skemmtilegt. Spilin fóru í útleigu í febrúar á þessu ári og fer það vel af stað. Ég vann sjálf á bókasafni fyrir rúmum tíu árum síðan á Hólmavík og þar voru lánuð út spil sem safninu höfðu verið gefin. Okkur á safninu hér fannst þetta spennandi hugmynd og eftir að við skoðuðum bókasafnið á Akureyri í haust ákváðum við að drífa í þessu. Við fengum slatta af spilum gefins og einnig pantaði ég hátt í 30 spil frá Spilavinum, þeirri frábæru verslun. Við fengum svo Hilmar Kára Hallbjörnsson og Guðberg Haraldsson í heimsókn til okkar í febrúar og höfðum tvær spilakynningar sem tókust afar vel, fengum um 50 gesti."
Hvernig er leigutíminn á bæði spilunum og púslunum? ,,Spilin eru lánuð út í 14 daga en við höfum þó verið frjálslegri með púslin því þau geta tekið býsna langan tíma þar sem um er að ræða allt frá 500 upp í 3000 bita púsl. Það bætist alltaf við úrvalið í spila- og púsldeildinni og við tökum gjarnan við ábendingum um spil eða púsl sem fólk langar að prófa. Eins tökum við á móti spilum og púslum sem fólk vill losna við. Þessi nýjung harmónerar vel inn í alla umræðu um nýtni og umhverfisvitund, það er mjög sniðugt að þurfa ekki að eiga heima hjá sér mikið af hlutum sem taka pláss og eru ekki notaðir þeim mun oftar," segir Kristín að lokum.
Fleiri fréttir
-
Lokamót í Skagfirsku mótaröðinni
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 29.04.2024 kl. 15.06Á heimasíðu Hestamannafélagsins Skagfirðings segir að lokamótið í Skagfirsku mótaröðinni hafi verið haldið á dögunum þar sem keppt var í gæðingakeppni, tölti og skeiði en hér að neðan eru úrslitin:Meira -
Kirkjukvöld Kirkjukórs Sauðárkrókskirkju í kvöld
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 29.04.2024 kl. 14.55Kirkjukvöld Kirkjukórs Sauðárkróks er að venju haldið mánudag í Sæluviku nánar tiltekið í kvöld 29. apríl kl. 20:00.Meira -
Halla Hrund á Norðurlandi vestra í dag
feykir.is Skagafjörður, Austur-Húnavatnssýsla, Vestur-Húnavatnssýsla 29.04.2024 kl. 11.41Forsetaframbjóðandinn Halla Hrund Logadóttir verður á ferð og flugi um Norðurland í vikunni og býður heimamönnum til opinna funda og samtals um embætti forseta Íslands. Tveir fundir verða í Húnavatnssýslum, í Víðigerði og á Blönduósi í dag og þá verður hún á Sauðárkróki í kvöld.Meira -
Sýning á ljósmyndum Stebba Ped á Sæluviku
feykir.is Skagafjörður, Listir og menning 29.04.2024 kl. 08.22Við setningu Sæluviku í gær var opnuð sýning á myndum Stefáns B. Pedersen í Safnahúsi Skagfirðinga og verður hún opin á meðan á Sæluviku stendur. Í tilkynningu á vef Héraðsskjalasafns Skagfirðinga segir. „Árið 2018 afhenti Stebbi Ped, eins og hann var ávallt kallaður, ljósmyndasafn sitt til Héraðsskjalasafns Skagfirðinga. Hér er um stórt safn að ræða enda afrakstur ævistarfs Stebba sem stofnaði ljósmyndastofu á Sauðárkróki árið 1958.“Meira -
Sæluvikan var sett í dag
feykir.is Skagafjörður, Listir og menning, Mannlíf 28.04.2024 kl. 23.07Sæluvikan var sett í dag við athöfn í Safnahúsi Skagfirðinga við Faxatorgið á Króknum, Það var fullur salur og góð stemning. Á samkomunni var tilkynnt um hverjir hlutu Samfélagsverðlaun Skagafjarðar 2024 og úrslit í Vísnakeppni Safnahússins. Nemendur í Tónlistarskóla Skagafjarðar léku við hvurn sinn fingur og opnuð var ljósmyndasýning með myndum Stefáns heitins Pedersen.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.