Leigusamningur framlengdur vegna Fæðingarorlofssjóðs
Vinnumálastofnun og Kaupfélag Vestur-Húnvetninga skrifuðu undir áframhaldandi leigusamning vegna húsnæðis Fæðingarorlofssjóðs á Hvammstanga sl. föstudag, en sjóðurinn hefur verið staðsettur á Hvammstanga frá árinu 2007. Leigusamningurinn var framlengdur í níu ár og gildir því til ársloka 2023. Norðanátt.is greinir frá þessu.
Við tilefnið fór Leó Örn Þorleifsson, forstöðumaður Fæðingarorlofssjóðs, yfir starfsemi Fæðingarorlofssjóðs og greindi frá því að í dag starfa tólf starfsmenn hjá sjóðnum. Hjá sjóðnum starfa þrír fulltrúar á síma, einn skjalavörður, sex sérfræðingar, fjármálastjóri og forstöðumaður sjóðsins. Frá og með 1. ágúst nk. mun Fæðingarorlofssjóður taka í notkun rest hæðarinnar að Strandgötu 1 á Hvammstanga og verður sá hluti nýttur sem gagnageymsla.
Þeir Gissur Pétursson, forstjóri Vinnumálastofnunar, og Vilmar Pétursson, mannauðsstjóri Vinnumálastofnunar, mættu fyrir hönd Vinnumálastofnunnar. Gissur sagði að stefnt yrði að því að halda starfsemi Fæðingarorlofssjóðs í óbreyttri mynd á Hvammstanga. Jafnframt sagði hann flutning sjóðsins til Hvammstanga hafa tekist einkar vel til og einna best af flutningum opinberra starfa út á land. Hann þakkaði fyrir gott starfsfólk Fæðingarorlofssjóðs og gott samstarf, sem og gott samstarf við stjórn Kaupfélags Vestur-Húnvetninga.
Gunnar Þórarinsson, formaður stjórnar Kaupfélags Vestur-Húnvetninga fjallaði um mikilvægi starfa Fæðingarorlofssjóðs fyrir svæðið og kaupfélagið og þakkaði fyrir gott samstarf.
Guðný Hrund Karlsdóttir sveitarstjóri Húnaþings vestra og Unnur Valborg Hilmarsdóttir oddviti afhentu Gissuri Péturssyni innrammaða mynd af Hvammstanga frá sveitarfélaginu og minntu á að sveitarfélagið getur lengi tekið við fleiri opinberum störfum.
Fleiri fréttir
-
Austfirðingar fengu á baukinn á Blönduósi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 20.07.2025 kl. 11.58Lið Kormáks/Hvatar fékk Austfirðinga í heimsókn á Blönduós í gærdag. Húnvetningar áttu harma að hefna eftir að lið KFA fór vægast sagt illa með gesti sína í fyrstu umferð 2. deildar og vann leikinn 8-1. Leikurinn í gær var um margt líkur fyrri leiknum nema nú voru liðsmenn KFA sem fóru hnípnir heim með skottið á milli lappanna eftir 5-1 tap.Meira -
Húnvetningar dansa á Spáni
feykir.is Austur-Húnavatnssýsla, Íþróttir, Vestur-Húnavatnssýsla, Listir og menning, Lokað efni 20.07.2025 kl. 10.30Eins og Feykir hefur sagt frá áður þá fór góður hópur af húnvetnskum krökkum til Spánar að keppa í dansi og eru þau nýkomin heim úr þeirri ferð. Feykir hafði samband við eina úr hópnum, Íseyju Waage sem á heima í Skálholtsvík í Húnaþingi vestra og spurði hana út í þetta ævintýri.Meira -
Sigurdís Sandra bæði á Hólum og Heimilisiðnaðarsafninu
feykir.is Skagafjörður, Austur-Húnavatnssýsla, Listir og menning, Lokað efni 19.07.2025 kl. 23.48Sigurdís Sandra Tryggvadóttir tónskáld, píanóleikari og söngkona verður með tvenna tónleika á Norðurlandi vestra á morgun, sunnudaginn 20. júlí. Hún hefur leik í Hóladómkirkju kl. 11:00 og drífur sig svo vestur á Blönduós þar sem hún spilar á sumartónleikum Heimiisiðnaðarsafnsins kl. 15:00 og slær þannig lokahöggið á Húnavöku.Meira -
Félagar í Drangey vilja bráðabirgðalög vegna strandveiða
feykir.is Skagafjörður 19.07.2025 kl. 23.00Félagsfundur Drangeyjar – smábátafélags Skagafjarðar haldinn 18. júlí 2025 mótmælir harðlega stöðvun strandveiða 16. júlí sl. Í tilkynningu frá félaginu segir að þetta sé sjötta árið í röð sem ekki er leyft að veiða út ágúst eins og lög frá 2018 gera ráð fyrir.Meira -
Stólarnir máttu þola tap í Kórnum
feykir.is Skagafjörður, Íþróttir, Lokað efni 19.07.2025 kl. 22.45Tindastóll og Ýmir mættust í Kórnum í Kópavogi í dag í 3. deildinni. Lið Tindastóls var í sjötta sæti með 17 stig en heimamenn voru næstneðstir með 11 stig. Nokkuð vantaði í leikmannahóp Stólanna sem voru aðeins með 14 menn á skýrslu en tveir lykilmenn eru staddir í Ameríkuhreppi með unga knattgæðinga af Norðurlandi vestra. Það for svo að heimamenn unnu leikinn 2-1.Meira
