Ný tækifæri fyrir listir og nýsköpun
Komið hefur verið á laggirnar nýju samstarfsverkefni milli Nes listamiðstöðvar, Fjölbrautaskóla Norðurlands vestra (FNV) og Sólons myndlistarfélags á Sauðárkróki. Samstarfið felur í sér ný tækifæri fyrir listir og nýsköpun á Norðurlandi vestra. Verkefnið er styrkt af Vaxtarsamningi Norðurlands vestra.
Um er að ræða 12 mánaða verkefni sem býður heimamönnum og nemendum FNV upp á tækifæri til að vinna með listamönnum Nes listamiðstöðvar og stofna til listviðburða með aðstoð þessara þriggja samstarfsaðila. Markmiðið er að opna nýja möguleika fyrir fólk til að njóta og taka þátt í listverkefnum og öðlast skilning á því hvernig hugmyndir geta þróast í nýsköpun og menningarlega fjölbreytni til hagsbóta fyrir landsvæðið.
Markmið verkefnisins eru eftirfarandi:
- Listamaður frá Nes listamiðstöð mun dvelja eina viku í hverjum mánuði í FNV til að efla með nemendum skapandi hugsun og nýja nálgun að efnum og aðferðum. Þess er vænst að verkefnið örvi nám og skapandi hugsun. Í FNV munu alþjóðlegir listamenn deila sérfræðiþekkingu sinni með fyrirlestrum og vinnustofum. Burke Jam, amerískur hljóðlistamaður, sem nú dvelur í Nes listamiðstöð, mun bjóða nemendum og heimamönnum upp á helgarvinnustofu í nóvember undir heitinu „Sound as Photograph“.
- Sólon myndlistarfélag mun hýsa mánaðarlega í Gúttó listsýningu heimamanna eða alþjóðlegra listamanna. Á fyrstu sýningunni mun Renata DeBonis frá Brasilíu sýna málverk og önnur listaverk sem hún hefur skapað í þriggja mánaða dvöl sinni í Nes listamiðstöð. Sýning Renötu, NORÐUR, verður opnuð 16. nóvember.
- Listaspjall (Pecha Kucha) og Pálínuboð (Pot Luck Dinner) í Nes listamiðstöð veita íbúum svæðisins tækifæri til að koma til Skagastrandar og fræðast um hvað alþjóðlegir og íslenskir listamenn eru að vinna að, kynnast menningu þeirra og deila með þeim okkar menningu. Þessir viðburðir eru yfirleitt haldnir í fyrstu viku hvers mánaðar.
- Nes listamiðstöð stendur fyrir „Opnu húsi“ í lok hvers mánaðar þar sem listamenn sýna afrakstur vinnu sinnar og ræða við gesti.
Nánari upplýsingar og væntanlega viðburði má sjá á vefsíðunni: http://nvlist.wordpress.com/
Þeir sem hafa áhuga á að fræðast meira um þetta verkefni er bent á Vicki O Shea verkefnisstjóra, vosh58@gmail.com.
Fréttatilkynning
Fleiri fréttir
-
Frímann og Stjarni
feykir.is Skagafjörður, Hestar, Lokað efni 20.07.2025 kl. 19.00Hér hefur göngu sína nýr þáttur í Feyki en hann nefnist: Sögur af mönnum og hestum. Umsjón hefur Hinrik Már. Það er Eiríkur Jónsson frá Dýrfinnustöðum, nú Óðalsbóndi í Svíþjóð, sem segir hér frá Frímanni á Syðri-Brekkum og hesti hans Stjarna.Meira -
Austfirðingar fengu á baukinn á Blönduósi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 20.07.2025 kl. 11.58Lið Kormáks/Hvatar fékk Austfirðinga í heimsókn á Blönduós í gærdag. Húnvetningar áttu harma að hefna eftir að lið KFA fór vægast sagt illa með gesti sína í fyrstu umferð 2. deildar og vann leikinn 8-1. Leikurinn í gær var um margt líkur fyrri leiknum nema nú voru liðsmenn KFA sem fóru hnípnir heim með skottið á milli lappanna eftir 5-1 tap.Meira -
Húnvetningar dansa á Spáni
feykir.is Austur-Húnavatnssýsla, Íþróttir, Vestur-Húnavatnssýsla, Listir og menning, Lokað efni 20.07.2025 kl. 10.30Eins og Feykir hefur sagt frá áður þá fór góður hópur af húnvetnskum krökkum til Spánar að keppa í dansi og eru þau nýkomin heim úr þeirri ferð. Feykir hafði samband við eina úr hópnum, Íseyju Waage sem á heima í Skálholtsvík í Húnaþingi vestra og spurði hana út í þetta ævintýri.Meira -
Sigurdís Sandra bæði á Hólum og Heimilisiðnaðarsafninu
feykir.is Skagafjörður, Austur-Húnavatnssýsla, Listir og menning, Lokað efni 19.07.2025 kl. 23.48Sigurdís Sandra Tryggvadóttir tónskáld, píanóleikari og söngkona verður með tvenna tónleika á Norðurlandi vestra á morgun, sunnudaginn 20. júlí. Hún hefur leik í Hóladómkirkju kl. 11:00 og drífur sig svo vestur á Blönduós þar sem hún spilar á sumartónleikum Heimiisiðnaðarsafnsins kl. 15:00 og slær þannig lokahöggið á Húnavöku.Meira -
Félagar í Drangey vilja bráðabirgðalög vegna strandveiða
feykir.is Skagafjörður 19.07.2025 kl. 23.00Félagsfundur Drangeyjar – smábátafélags Skagafjarðar haldinn 18. júlí 2025 mótmælir harðlega stöðvun strandveiða 16. júlí sl. Í tilkynningu frá félaginu segir að þetta sé sjötta árið í röð sem ekki er leyft að veiða út ágúst eins og lög frá 2018 gera ráð fyrir.Meira
