Opinn fundur um eftirmál desemberveðursins
feykir.is
Austur-Húnavatnssýsla, Vestur-Húnavatnssýsla
11.02.2020
kl. 11.22
Björgunarsveitarmenn að störfum í óveðrinu í desember. Mynd: Facebooksíðan Björgunarsveitin Húnar.
Næstkomandi fimmtudag, þann 13. febrúar, klukkan 20:00 boðar Búnaðarsamband Húnaþings og Stranda til opins fundar í Víðihlíð um eftirmál óveðursins sem gerði fyrir miðjan desember síðastliðinn.
Dagskrá fundarins er á þessa leið:
- Einar Kristján Jónsson, formaður Almannavarnarnefndar Húnavatnssýslna fer yfir viðbrögð almannavarna og það sem að hans mati þarf að bæta úr. Á fundinum mun hann jafnframt leita upplýsinga frá fundarmönnum um hvað betur megi fara og þurfi að koma inn í almannavarnaráætlun fyrir svæðið.
- Sr. Magnús Magnússon formaður samráðshóps um áfallahjálp í Húnavatnssýslum fer yfir vinnu og viðbrögð samráðshópsins við afleiðingum óveðursins í desember.
- Ragnheiður Jóna Ingimarsdóttir, sveitarstjóri Húnaþings vestra fer yfir skráningar á tjóni sem bárust til sveitarfélaganna og næstu skref.
- Benedikt Árnason formaður átakshóps ræðir úrbætur á innviðum í framhaldi af fárviðrinu 10. og 11. desember fer yfir störf nefndarinnar.
- Anna Margrét Jónsdóttir segir frá sameiginlegu útboði á rafstöðvum.
Í fundarboði segir að lagt verði að ríkisstjórninni að veita fjármagni til að greiða bætur vegna þess umfangsmikla tjóns sem varð á svæðinu, m.a. vegna hrossa sem fórust og afurðataps hjá kúabændum. Því sé mikilvægt að sem mestar og bestar upplýsingar liggi fyrir og eru því þeir sem enn eiga eftir að tilkynna tjón til sveitarfélaganna hvattir til að gera það sem fyrst. Stefnt er að því að að leggja kostnaðarmat á tjónið nú í febrúar.
Allir íbúar eru hvattir til að mæta, sýna samstöðu og leggja sitt af mörkum til að bæta almannavarnir á svæðinu.
Fleiri fréttir
-
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira -
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.