Soroptimistaklúbburinn Við Húnaflóa býður stúlkum á sjálfstyrkingarnámskeið
Soroptimistaklúbburinn Við Húnaflóa bauð öllum stelpum á 12. aldursári í fimm sveitarfélögum í Húnavatnssýslum kostur á að sækja námskeið helgina 24. – 25. október síðastliðinn. Námskeiðið köllum við „Stelpur geta allt“ en markmiðið með því er að styrkja sjálfsmynd ungra stelpna. Kennsla, matur, gisting og afþreying var í boði klúbbsins.
Kristín Tómasdóttir var kennari námskeiðsins en hún hefur í nokkur ár staðið fyrir námskeiðum sem þessum víða um land. Byggir hún þau á bókunum sínum Stelpur (2010), Stelpur A-Ö (2011) og Stelpur geta allt (2012).
Á námskeiðinu „Stelpur geta allt“ er stefnt að því að kenna þátttakendum þrennt:
1) Að þekkja hugtakið sjálfsmynd.
2) Að þekkja eigin sjálfsmynd.
3) Leiðir til þess að hafa jákvæð áhrif á eigin sjálfsmynd.
Námskeiðið tókst í alla staði mjög vel og er hugmyndin að gera þetta að framtíðarverkefni klúbbsins. Margir aðilar gerðu okkur kleift að láta þetta verða að veruleika; Kaupfélag Vestur Húnvetninga lagði til mat, Arion banki Blönduósi, Landsbankinn Skagströnd og Hvammstanga, Gærurnar, Rauðakrossdeildir á Hvammstanga og Blönduósi styrktu með peningagjöfum og Húnavatnshreppur lagði til húsnæði.
Einnig héldum við styrktartónleika þar sem fram komu konur á öllum aldri sem búa á eða tengjast svæðinu okkar á einhvern hátt. Tónleikarnir voru haldnir bæði á Blönduósi og Hvammstanga, ókeypis var á tónleikana en tekið var á móti frjálsum framlögum. Við systurnar við Húnaflóan eru mjög þakklátar fyrir þennan góða stuðning og ánægðar með hvernig til tókst, við hlökkum til að halda aftur námskeið næsta haust.
Fyrir þá sem ekki þekkja þetta orð, Soroptimisti, þá er rétt að útskýra það því auðvelt er að tengja klúbbheitið við verkefnið. Þetta orð er búið til úr orðunum sorores ad optimum sem þýða systur sem vinna að því besta. Soroptimistar eru alþjóðasamtök kvenna sem hvetja m.a. til jafnræðis og jafnréttis og stuðla að því að konur og stúlkur nái í sameiningu fram því besta sem völ er á, bæði sem einstaklingar og sem hópur. Soroptimistar vilja líka auka aðgengi að menntun og efla leiðtogahæfni. Klúbburinn Við Húnaflóa hefur frá stofnun árið 2011 leitað að hentugum verkefnum sem tengjast þessum markmiðum og fellur verkefnið „Stelpur geta allt“ vel að þeim markmiðum.
/Fréttatilkynning
Fleiri fréttir
-
Hundgá og „high tea“ í Glaumbæ
feykir.is Skagafjörður, Listir og menning 22.07.2025 kl. 16.01Í tilefni af afmæli enska aðalsmannsins Mark Watson (1906–1979) stóð Byggðasafn Skagfirðinga, venju samkvæmt, fyrir dagskrá í Glaumbæ þann 18. júlí sl. Watson var mikill Íslandsvinur og eigum við honum margt að þakka, Þar með talið rausnarlega peningagjöf til viðgerða á gamla torfbænum í Glaumbæ árið 1938, sem átti sinn þátt í því að bærinn hefur varðveist. Watson hefur jafnframt verið titlaður bjargvættur íslenska fjárhundsins og er afmælisdagur hans „Dagur íslenska fjárhundsins“.Meira -
Vatnsnes Trail Run Utanvegahlaup
feykir.is Íþróttir, Vestur-Húnavatnssýsla 22.07.2025 kl. 10.40Einn af fjölmörgum áhugaverðum viðburðum á Eldi í Húnaþingi er „Vatnsnes Trail Run” sem er utanvegahlaup í Húnaþingi vestra. Hlaupið fer fram á föstudaginn 25.7. Boðið er upp á þrjár vegalengdir: 20+ km, 10km og fjölskylduhlaup. Í 10 km og 20+ km hlaupunum verður hlaupið frá Félagsheimilinu á Hvammstanga fallega leið upp í Kirkjuhvamm og svo halda leiðirnar áfram upp fjallið. í 1,5 km fjölskylduhlaupinu er einnig hlaupið frá Félagsheimilinu á Hvammstanga. Skemmtilegur viðburður fyrir náttúruunnendur og hlaupara á öllum getustigum.Meira -
Frábært framtak á folf-vellinum á Hvammstanga
feykir.is Vestur-Húnavatnssýsla, Mannlíf, Lokað efni 22.07.2025 kl. 10.16Sagt er frá því á vef Húnaþings vestra að nú á dögunum tóku nokkrir vaskir menn sig saman og smíðuðu palla á folf-völlinn á Hvammstanga. „Það er ánægjulegt að sjá svona frumkvæði hjá þessum óeigingjörnu sjálfboðaliðum. Sveitarfélagið færir öllum hlutaðeigandi sínar bestu þakkir,“ segir í fréttinni.Meira -
Ingibergur bar sigur úr býtum á Opna Húnavökumótinu
feykir.is Austur-Húnavatnssýsla, Íþróttir, Lokað efni 22.07.2025 kl. 08.38Opna Húnavökumót Golfklúbbsins Óss á Blönduósi í samstarfi við Borealis fór fram laugardaginn 19. júlí í mildu veðri á Vatnahverfisvelli. Alls voru 27 keppendur skráðir til leiks og var ræst út stundvíslega kl. 10 af formanni klúbbsins, Eyþóri Franzsyni Wecher, og mótastjóra, Valgeiri M. Valgeirssyni. Leiknar voru 18 holur í punktakeppni með forgjöf í einum flokki.Meira -
Framkvæmdir við Vatnsdalsveg dragast saman
feykir.is Austur-Húnavatnssýsla, Lokað efni 21.07.2025 kl. 12.22Vegagerðin hefur ákveðið breytingar á framkvæmdum við Vatnsdalsveg. Upphaflega var áætlað að endurbyggja samtals 14,9 kílómetra kafla frá Hringvegi og suður að afleggjara að Undirfellsrétt en síðar var ákveðið að stytta framkvæmdakaflann niður í 13 kílómetra. Nú áformar Vegagerðin að kaflinn verði níu kílómetrar og er ástæðan sögð verða boð um niðurskurð hjá stofnuninni. Byggðarráð Húnabyggðar mótmælir þessari ákvörðun harðlega og krefst svara frá Vegagerðinni og ráðherra samgöngumála.Meira
