Sparisjóðs-liðakeppnin
Húnvetnska liðakeppnin fær nýtt nafn og nefnist Sparisjóðs-liðakeppnin. Framundan er spennandi keppni og styttist í fyrsta mót sem verður 11. febrúar í Þytsheimum.
Mótaröðin verður haldin nú í þriðja sinn og þær breytingar hafa orðið á fyrirkomulagi keppninnar frá því í fyrra að 3. flokk verður bætt við ef næg þátttaka fæst og b-úrslit í unglingaflokki tekin út í staðin þar sem tími gefst ekki fyrir fleiri úrslit á einu kvöldi. Einnig bætist skeið við og verður það með smalanum á Blönduósi.
Spkef sparisjóður verður aðalstyrktaraðili keppninnar og mun liðakeppnin því fá nýtt nafn, Sparisjóðs-liðakeppnin.
Ný regla fyrir þetta ár er sú að á lokamóti mótaraðarinnar má ekki bætast nýr aðili við liðið nema hann sé í Neista eða Þyt.
Varamaður mótanefndar, Þórdís Helga Benediktsdóttir, kemur inn í nefndina í vetur þar sem Fanney Dögg Indriðadóttir er í námi á Hólum. En Fanney mun samt sem áður verða nefndinni innan handar. Aðrir í mótanefnd eru Elvar Logi Friðriksson og Kolbrún Stella Indriðadóttir.
Mót Sparisjóðs-liðakeppninnar verða:
11. febrúar - Fjórgangur í Þytsheimum Hvammstanga 26. febrúar - Smali og skeið á Blönduósi (ath laugardagur) 11. mars - Fimmgangur í Þytsheimum Hvammstanga 8. apríl - Tölt í Þytsheimum Hvammstanga
Reglur keppninnar árið 2011:
Liðin skiptast þannig,
Lið 1: Hvammstangi, Miðfjörður og Hrútafjörður Lið 2: Vatnsnes, Vesturhóp og Línakradalur (Gamli Kirkjuhvammshr. og Þverárhreppur) Lið 3: Víðidalur og Fitjárdalur Lið 4: Austur-Húnavatnssýsla Skiptingin er aðeins til viðmiðunar fyrir fólk en ekki bundin við lögheimili.
Knapar verða að vera í sama liðinu allt tímabilið, þ.e. bannað að skipta um lið á miðju tímabili.
Einnig verður hver og einn knapi að velja sér hvort hann ætlar að keppa í 1. 2. eða 3. flokki í upphafi tímabils og má ekki fara á milli flokka á tímabilinu.
Hver keppandi má keppa á fleiri en einum hesti í hverri grein, en ef keppandi kemst með tvo hesta í úrslit verður hann að velja á milli þeirra og aðeins keppa á öðrum í úrslitum. Ekki hægt að fá aukaknapa til að ríða úrslit fyrir sig.
Nánar um stigagjöf og fleira í sambandi við keppnina má sjá á heimasíðu Þyts http://thytur.123.is/
Fleiri fréttir
-
Enn bætir Tindastóll í
feykir.is Skagafjörður, Íþróttir, Lokað efni 02.08.2025 kl. 14.40Körfuknattleiksdeild Tindastóls hefur gengið frá samningi við spænsku körfuknattleikskonuna Mörtu Hermida um að leika með liðinu á komandi tímabili. Þetta er mikill fengur fyrir Tindastól og spennandi tímabil framundan hjá kvennaliðinu.Meira -
Ferða og gleði helgin mikla
feykir.is Skagafjörður, Lokað efni 01.08.2025 kl. 18.00Upp er runnin verslunaramannahelgi. Nú þeytist landinn landshorna á milli fullur eftirvæntingar um botnlaust stuð. Það var þétt setið bílaplanið við Olís Varmahlíð um kl:16 í dag. Það hefur verið mikil umferð síðustu daga og virðist flestum liggja mikið á.Meira -
Fyrsta Landsmótið í hestafimleikum á Íslandi haldið á Hvammstanga
feykir.is Íþróttir, Vestur-Húnavatnssýsla 01.08.2025 kl. 15.00Dagana 15.-18. júlí fór fram fyrsta landsmót í hestafimleikum á Íslandi og var það haldið í Þytsheimum á Hvammstanga. Sex hópar, frá Hvammstanga, Borgarfirði, Snæfellsnesi og Suðurlandi tóku þátt og sýndu alskonar kúnstir. Þó sumir hóparnir væru frekar nýlega stofnaðir og æfingastigið því mjög mismunandi stóðu öll börnin sig einstaklega vel og fengu verðskuldaða viðurkenningu.Meira -
Það verður góð stund á Ábæ
feykir.is Skagafjörður, Mannlíf 01.08.2025 kl. 09.24Hin árlega Ábæjarmessa verður á Ábæ í Austurdal sunnudaginn 3. ágúst kl. 14:00. Sr. Karl V. Matthíasson þjónar fyrir altari. Sönghópurinn Vorvindar glaðir leiða söng við undirleik Friðriks Þórs Jónssonar. Fólk er hvatt til að taka með sér nesti og eiga saman góða stund eftir messu í einstöku umhverfi. Veðurspáin fyrir sunnudaginn er ágæt, hlýtt og þurrt, svo fegurð Austurdals ætti að njóta sín.Meira -
Eldur í Hún tókst vel og allir sáttir
feykir.is Vestur-Húnavatnssýsla, Mannlíf, Lokað efni 31.07.2025 kl. 13.50Hátíðin góða Eldur í Húnaþingi fór fram í síðustu viku og lauk á sunnudaginn. Framkvæmdanefndin hefur sent frá sér eftirfarandi yfirlýsingu:Meira
