Ungt fólk kallar eftir opnu samtali og meiri kynfræðslu

feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 18.09.2026 kl. 15.48 oli@feykir.is
Góð mæting var á Ungmennaþingið. MYNDIR AF SSNV.iS
Góð mæting var á Ungmennaþingið. MYNDIR AF SSNV.iS
Nemendur sem tóku þátt í ungmennaþingi Barnaheilla á Norðurlandi vestra, sem fram fór í bóknámshúsi FNV á Sauðárkróki, kalla eftir meiri kynfræðslu og opnara samtali um náin sambönd og ofbeldi meðal unglinga. Í frétt á vef SSNV segir að um 75 ungmenni úr 10. bekk frá öllum sex grunnskólum á Norðurlandi vestra og Fjölbrautaskólanum á Norðurlandi vestra tóku þátt í vinnustofunni, þar sem þátttakendur voru beðnir um að miðla sinni reynslu og upplifun.

Ungmennaþingið var haldið að frumkvæði Sambands sveitarfélaga á Norðurlandi vestra og Öruggara Norðurlands vestra. Niðurstöður úr Íslensku æskulýðsrannsókninni sýna að ungmenni á Norðurlandi vestra standa að mörgu leyti verr að vígi en jafnaldrar þeirra annars staðar á landinu með tilliti til ofbeldis í nánum samböndum. Þessari þróun vill forráðafólk í sveitarfélögunum snúa við.

Nemendur úr Grunnskóla Húnaþings vestra á Hvammstanga, Húnaskóla á Blönduósi, Höfðaskóla á Skagaströnd, Árskóla á Sauðárkróki, Varmahlíðarskóla í Skagafirði, Grunnskólanum austan Vatna í Skagafirði, og svo Fjölbrautarskóla Norðurlands vestra á Sauðárkróki sóttu þingið.

„Það sem stendur upp úr var hversu margir mættu, við höfum aldrei haldið jafn stórt ungmennaþing og krakkarnir stóðu sig svo vel og voru frábærir þátttakendur. Einnig skipti mig persónulega miklu máli endurgjöfin frá ungmennunum sjálfum, mörg þeirra höfðu á orði hversu gott það væri að fá vettvang þar sem þau gætu hist og rætt jafn erfitt málefni og ofbeldi í nánum samböndum, í öruggu umhverfi með jafnöldrum sínum af öllu svæðinu,“segir Sara Björk Þorsteinsdóttir, verkefnastjóri farsældarráðs hjá Samtökum sveitarfélaga á Norðurlandi vestra.

„Það segir okkur að þessi umræða á ekki að vera feimnismál, heldur eitthvað sem ungmenni fá að ræða saman og finna stuðning hvert hjá öðru. Ofbeldi þrífst í þögninni. Það er okkar ábyrgð sem samfélag að ræða þetta opinskátt svo að börnin okkar viti hvað eru eðlileg samskipti og hvað ekki. Krakkarnir kalla eftir meiri fræðslu og þá í formi aukins samtals þar sem þeim er mætt á jafningja grundvelli.“

Ítarlega er fjallað um fundinn á heimasíðu SSNV en þangað er hægt að hoppa með því að smella HÉR! >

Heimild: SSNV

Til baka

Fleiri fréttir

  • Forsíða Time í kjölfar árásarinnar á Tvíburaturnana í New York 11. september 2001. MYND AF NETINU

    ...svei mér þá! | Leiðari 35. tölublaðs Feykis 2026

    feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 18.09.2026 kl. 18.55 oli@feykir.is
    Það er eins og árin líði hraðar eftir því sem maður verður eldri. Samt eru þetta nú alltaf annað hvort 365 eða 366 dagar og alltaf þessir 24 tímar í sólarhringnum. Og alltaf gerist eitthvað nýtt þó stundum sé eins og allt sé að gerast aftur og aftur. Skiljú?
    Meira
  • Startup 2026. Mynd: Aðsend.

    Öflugur hópur frumkvöðla valinn í Startup Landið 2026

    feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 18.09.2026 kl. 13.25 hinrik@feykir.is
    SSNV segir frá: 14 fjölbreytt nýsköpunarverkefni af öllu landinu hafa verið valin til þátttöku í viðskiptahraðlinum Startup Landið. Hraðallinn er sérstaklega hannaður til að efla atvinnulíf, verðmætasköpun og nýsköpun á landsbyggðinni. Startup Landið er viðskiptahraðall sem veitir frumkvöðlum og smáfyrirtækjum utan höfuðborgarsvæðisins tæki, fræðslu og sérfræðiaðstoð til að færa hugmyndir sínar á næsta stig. Á næstu mánuðum munu þátttakendur sækja stífar vinnustofur, fá leiðsögn frá reynslumiklum mentorum og vinna að mótun viðskiptamódela, fjármögnun og markaðssetningu.
    Meira
  • Fótbolti í boði. Mynd: Af facebook.

    Fótbolti er skemmtilegur

    feykir.is Skagafjörður, Íþróttir 18.09.2026 kl. 12.35 hinrik@feykir.is
    Barna og Unglingaráð knattspyrnudeildar Tindastóls er að fara að stað með Fótboltaæfingar hjá fyrir stráka á framhaldsskólaaldri. Markmið æfinga er að strákar komi saman og spili fótbolta (óháð getu eða fyrri reynslu) og hafi gaman af því að mæta!
    Meira
  • Siffi Snorra og Einar á Skörðugili ráða ríkjum á Gránumóum. Mynd: HMJ

    Hundanammi framleitt á Gránumóum

    feykir.is Skagafjörður, Lokað efni 18.09.2026 kl. 12.10 hinrik@feykir.is
    Á Gránumóum ofan Sauðárkróks standa miklar byggingar sem upphaflega voru byggðar sem fóðurframleiðslustöð fyrir loðdýrarækt. Loðdýrin heyra sögunni til en byggingarnar eru í eign KS. og þar hefur verið unnið rúmlega síðasta árið að þróun á gæludýrafóðri úr aukaafurðum frá sauðfjárslátrun. Sigfús Snorrason sem er kjötiðnaðarmaður að mennt hefur stýrt þessu starfi og haft með sér þrjá aðstoðarmenn. Talsvert mikill tæknibúnaður hefur verið keyptur fyrir starfsemina og er nú svo komið að fyrstu afurðir eru að verða tilbúnar til sölu.
    Meira
Yfirlit frétta