Útivist og náttúruupplifun fyrir ferðamenn í tæpa fjóra áratugi
Á Brekkulæk í Húnaþingi vestra rekur Arinbjörn Jóhannsson ferðaþjónustufyrirtæki sem gerir út á að bjóða upp á fjölbreyttar ferðir um land allt, með áherslu á útivist og náttúruupplifun auk þess að veita ferðamönnum innsýn í lífstíl fólks í dreifbýlinu. Fyrirtækið hlaut á dögunum verðlaun frá þýska Nordis forlaginu sem gefur út tímarit um málefni Norðurlandanna og hefur um áratuga skeið verið eitt það virtasta sinnar tegundar á þýsku málsvæði. Blaðamaður Feykis leit í heimsókn til Arinbjarnar og fjölskyldu á fallegum vordegi.
Í dag býður Arinbjörn upp á hestaferðir, gönguferðir, réttarferðir, fuglaskoðunarferðir og norðurljósaferðir. Þegar Arinbjörn er spurður hvernig hann þróar ferðirnar svarar hann eftir smá umhugsun. „Eiginlega býður maður upp á það sem maður hefur sjálfur gaman af. Ég, eins og allir Húnvetningar, er aðdáandi Arnarvatnsheiðinnar út í gegn, hef alltaf verið. Þetta er þrítugasta sumarið sem ég er með gönguferðir yfir Arnarvatnsheiði, það var ein ferð fyrsta sumarið og nú er ég með átta ferðir,“ segir hann. En hvað er svona heillandi við hana? „Já, það er stóra spurningin. Því er enn ósvarað,“ svarar Arinbjörn og kímir.
Arinbjörn hefur löngum verið í góðu samstarfi við nærliggjandi bændur. Ferðin sem verðlaunuð var á dögunum var gönguferð í tengslum við réttir og þótti þátttakendum frá Nordis-forlaginu mikið til þess koma í hve nánum tengslum þau voru við sveitafólkið í ferðinni.
„Ég hef farið í göngur hérna alla mína tíð, er fæddur hér og uppalinn og þekki alla sveitungana. Ég held ég hafi fengið verðlaun fyrir það að ferðmennirnir fá að taka þátt í öllu saman, draga í dilka í Miðfjarðarrétt, sem er hérna rétt við hlaðið, ef þeir vilja og svo er farið á réttarball á eftir en það er innifalið í pakkanum. Ég segi alltaf öllum að þetta er ekki þjóðlagakvöld, fólk er ekki í þjóðbúningum, þetta er bara réttarball á Laugarbakka,“ útskýrir hann. Verðlaunin segir hann vissulega vera góða kynningu fyrir fyrirtækið og gaman að fá slíka viðurkenningu.
Ítarlegt viðtal við Arinbjörn má lesa í Feyki sem kemur út í dag.
Fleiri fréttir
-
Danni Gunn á leið til Sviss
feykir.is Skagafjörður, Íþróttir, Hestar, Lokað efni 25.07.2025 kl. 15.35Daníel Gunnarsson á Miðsitju sem er félagi í hestamannafélaginu Skagfirðingi hefur verið valinn í íslenska landliðið í hestaíþróttum sem er á leið á heimsmeistarmótið í Sviss sem hefst 4. ágúst. Daníel mun keppa þar í skeiðgreinum með hryssuna Kló frá Einhamri. Daníel er ekki ókunnur heimsmeistaramótum því hann keppti á síðasta móti í Hollandi með hryssuna Einingu frá Einhamri þar sem þau lentu í 2.sæti í 250m. skeiði.Meira -
Bríet frábær í Gránu
feykir.is Skagafjörður, Austur-Húnavatnssýsla, Lokað efni 25.07.2025 kl. 12.22Tónlistarkonan góðkunna Bríet hélt tónleika á Króknum í gærkvöldi ásamt meðspilurum sínum þeim Magnúsi Jóhanni og Bergi Einari. Heimamaðurinn Atli Dagur hitaði upp.Meira -
Fjórhjól fyrir Magga
feykir.is Skagafjörður, Mannlíf 25.07.2025 kl. 09.35Ungmennafélagið Neisti á Hofsósi ætlar halda utan um skemmtilegan og nauðsynlegan viðburð 14. ágúst. Viðburðurinn kallast: Hjólað um Skagafjörð-Áheitasöfnun.Meira -
Loks mátti lið Akureyringa lúta í gras á Króknum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 24.07.2025 kl. 22.58Það urðu talsvert tíðindi í kvöld þegar lið Tindastóls tók á móti vinum okkar í Þór/KA í Bestu deildinni í knattspyrnu. Stólastúlkur höfðu aldrei borið sigurorð af grönnum sínum í leik á Íslandsmóti en á því varð kærkomin breyting og þetta var enginn heppnissigur. Heimaliðið skapaði sér betri færi í leiknum með góðri pressu og snöggum og hnitmiðuðum skyndisóknum á meðan að gestirnir voru meira með boltann en sköpuðu fá ef einhver færi. Lokatölur 2-0 og þrjú góð stig í sarpinn.Meira -
Þrír golfarar GSS hafa farið holu í höggi að undanförnu
feykir.is Skagafjörður, Íþróttir, Lokað efni 24.07.2025 kl. 18.37Það þykir jafnan fréttnæmt að golfarar fari holu í höggi og þó Feykir hafi í raun ekki mikið fyrir sér í þetta skiptið þá má ætla að margir golfarar fari í gegnum ævina án þess að þessi draumur rætist. Það er því nokkuð magnað að nú síðustu tíu daga hafa þrír félagar í Golfklúbbi Skagafjarðar náð að láta drauminn rætast.Meira
