Vonskuveðri spáð í Skagafirði í dag

feykir.is Skagafjörður, Austur-Húnavatnssýsla, Vestur-Húnavatnssýsla 24.09.2026 kl. 10.48 oli@feykir.is
Það er ekkert sólstrandagæjaveður í Skagafirði í dag frekar en víðast hvar á landinu. SKJÁSKOT AF VEÐUR.IS
Það er ekkert sólstrandagæjaveður í Skagafirði í dag frekar en víðast hvar á landinu. SKJÁSKOT AF VEÐUR.IS
Skörp haustlægð gengur nú yfir landið með tilheyrandi roki, rigningu og vatnavöxtum. Veðurstofan hefur gefið út gular veðurviðvaranir fyrir Suðurland, hálendið og Vestfirði og við hér fyrir norðan prísum okkur því sæl með að veðrið nær ekki til okkar. Eða hvað? Miðað við veðurspá þá er hvergi á landinu spáð meiri vindi en í Skagafirði því um hádegi er reiknað með austan 22 m/sek. og má því reikna með bálhvössu í austanverðum Skagafirði.

 

Þá er reiknað með 21 m/sek. á Hrauni á Skaga en hægari vindur í Húnavatnssýslum miðað við spána. Vindur gengur niður þegar nálgast kvöldmat og útlit fyrir skaplegt veður á morgun og á laugardag.

Það er svo aftur spurning hvers vegna ekki er gul veðurviðvörun á okkar svæði.

Til baka

Fleiri fréttir

  • Friðrik G. Halldórsson. AÐSEND MYND

    Svar við grein Magnúsar Jónssonar í Feyki 31/8 2026 | Friðrik G. Halldórsson skrifar

    feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 24.09.2026 kl. 16.08 oli@feykir.is
    Þann 31. ágúst sl. skrifaði Magnús Jónsson fv. veðurstofustjóri grein á Feykir.is undir fyrirsögninni „Til hvers var landhelgin færð út?“ Hann byrjar á að fullyrða að í skýrslu frá Hafró frá 1972 hafi verið lagt til að tog- og dragnótaveiðar skyldu út fyrir 12 mílur fyrir Norður- og Austurlandi og 6 mílur fyrir Suður- og Vesturlandi. Hann talar um að skýrslan sé týnd og að Hafró hafi „snúið við skoðanablaðinu“. Hafró er vísindastofnun og er ekki með beinar skoðanir nema að þær séu byggðar á vísindum. Ég vona að veðurspárnar í tíð Magnúsar hjá Veðurstofunni hafi ekki verið byggðar á skoðunum veðurfræðinga.
    Meira
  • Addi Óla er nýjasti markametshafi Tindastóls. Mynd: Davíð Már.

    70 marka maðurinn

    feykir.is Skagafjörður, Íþróttir, Lokað efni 24.09.2026 kl. 15.30 hinrik@feykir.is
    Arnar Ólafsson skrifaði sig í sögubækur Tindastóls þegar hann skoraði sitt 70. mark fyrir meistaraflokk karla gegn Víði í lokaleik sumarsins og sló þar með markamet félagsins. Gamla metið átti á Guðbrandur Guðbrandsson, 69 mörk.
    Meira
  • Skólastjórahjónin Jón Bjarnason og Ingibjörg Kolka ásamt fjórum barna sinna. Frá vinstri: Laufey, Ásgeir, Ingibjörg, Jón, Bjarni og Páll. Myndin tekin á málþinginu 2023. MYNDIR AÐSENDAR

    Fyrrum skólastjórahjónin Jón Bjarnason og Ingibjörg Kolka heiðruð

    feykir.is Skagafjörður, Aðsendar greinar, Mannlíf 24.09.2026 kl. 13.27 oli@feykir.is
    Í nóvember 2023 efndu velunnarar Hólastaðar til ráðstefnu til heiðurs Jóni Bjarnasyni fyrrverandi skólastjóra og Ingibjörgu Kolka, konu hans. Ráðstefnan var vel sótt og öllum opin. Um sjötíu manns áttu fræðandi og skemmtilegan dag á Hólum. Fyrrverandi samstarfsmenn og nemendur Jóns og Ingibjargar á Hólum fluttu erindi og kennarar og vísindamenn skólans sögðu frá störfum sínum. Kjarninn í máli ræðumanna var að í tíð þeirra hjóna á Hólum, hefði tekist sérlega vel til við endurreisn skólans og að hann og Hólastaður hafi notið sannrar velvildar jafnt í heimahéraði sem og hjá stjórnvöldum. Á ýmsum sviðum hafi skólinn rutt brautina, einkum er varðar nám og rannsóknir í hestamennsku, ferðamálum og fiskeldi.
    Meira

  • Kökubasar í dag milli kl. 15-19 í anddyri Skaffó

    feykir.is Skagafjörður 24.09.2026 kl. 11.29 siggag@nyprent.is
    Feykir mælir með að kíkja í anddyri Skagfirðingabúðar í dag, fimmtudaginn 24. sept., milli kl. 15-19 því þar verða drengirnir í 3. fl. að selja girnilegar kökur. 
    Meira
Yfirlit frétta