80 ára afmæli Sveitarfélagsins Skagastrandar
Sveitarfélagið Skagaströnd, sem áður hét Höfðahreppur, fagnar 80 ára afmæli um þessar mundir en það var um áramótin 1938-1938 sem Vindhælishreppi hinum forna var skipt upp í þrjú sveitarfélög og var Höfðahreppur eitt þeirra. Hin tvö voru Vindhælishreppur og Skagahreppur. Magnús B. Jónsson, fyrrverandi sveitarstjóri á Skagaströnd, segir frá tildrögunum að skiptingu þessari í fróðlegum pistli á vef Skagastrandar.
Þéttbýlið á Skagaströnd á þó rætur að rekja talsvert lengra aftur í tímann og um aldamótin 1900 voru íbúar þorpsins um 60 manns og stóðu þá 15 hús á staðnum. Verslun hófst á Skagaströnd mun fyrr og benda heimildir til þess að hún hafi hafist fyrir setningu einokunarverslunarinnar 1602 því Skagaströnd varð einmitt einn hinna illræmdu verslunarstaða danskra kaupmanna í þau 185 ár sem einokunarverslunin stóð fram til 1787.
Um tildrög að skiptingu Vindhælishrepps segir Magnús að þar sem hreppurinn var víðfemur, náði allt frá Skagatá og fram að Kirkjuskarði á Laxárdal, hafi farið að bera á því strax árið 1872, þegar farið var að skipa hreppsnefndir, að vegalengdir hafi þótt miklar fyrir þá sem bjuggu næst endamörkum hreppsins. Að vísu megi rekja hugmyndir um skiptingu hreppsins enn lengra aftur eða allt til ársins 1806.
Þorpið á Skagaströnd fór svo stækkandi og fór að bera á ágreiningi milli þorpsbúa og þeirra sem í sveitunum bjuggu. Eftir hreppsnefndarkosningar 1937, en þá náðu þorpsbúar meirihluta í hreppsnefnd, varð ljóst að skipting hreppsins væri nauðsynleg og og eftir allnokkur fundahöld fékkst niðurstaða í þau ágreiningsmál sem helst var tekist á um en það voru ómagaframfærsla og hve mikið land ætti að fylgja þorpinu.
Á hreppsnefndarfundi á Þorláksmessu árið 1938 var skipting hreppsins í þrjá hreppa rædd og ákveðið að aðskilnaður hreppanna tæki gildi 1. janúar 1939 en kosning nýrra hreppsnefnda skyldi fara fram 15. janúar 1939.
Nafni sveitarfélagsins var svo breytt úr „Höfðahreppur“ í „Sveitarfélagið Skagaströnd“ eftir atkvæðagreiðslu um nafnabreytinguna samhliða sveitarstjórnarkosningum 2006.
Pistil Magnúsar í heild má lesa hér.
Fleiri fréttir
-
Stólastúlkur í erfiðum málum í Bestu deildinni
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 20.09.2025 kl. 19.16Lokaumferðin í hefðbundinni deildarkeppni í Bestu deild kvenna var spiluð í dag og það var sterkt lið FH sem kom á Krókinn þar sem lið Tindastóls beið þess. Hlutskipti liðanna er ólíkt; Stólastúlkur í bullandi fallbaráttu en lið FH að reyna að halda spennu í toppbaráttunni. Gæðamunurinn kom fljótt í ljós í leiknum og lið Hafnfirðinga vann öruggan 0-4 sigur.Meira -
Drangey – smábátafélag Skagafjarðar sendir frá sér átta ályktanir
feykir.is Skagafjörður 20.09.2025 kl. 18.48Þann 17. september fór fram aðalfundur Drangeyjar – smábátafélags Skagafjarðar og sendi fundurinn frá átta ályktanir. Þannig skora smábátasjómenn á stjórnvöld að endurskoða tafarlaust veiðiheimildir með dragnót upp í fjörur í fjörðum og flóum hér Norðanlands. Þá lagði fundurinn áherslu á að byggðakvóta í Skagafirði verði einungis úthlutað til dagróðrabáta sem eru minni en 30 brt. Lesa má um ályktanir aðalfundsins í fréttinni.Meira -
Jákvæðni kostar ekkert | Leiðari 35. tölublaðs Feykis
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 20.09.2025 kl. 16.53Í síðustu viku var tilkynnt um að gengið hafi verið til samninga við Arkís arkitekta um hönnun á menningarhúsi á Sauðárkróki og eiga framkvæmdir að hefjast næsta vor. Um er að ræða glæsilega viðbyggingu við Safnahús Skagfirðinga sem er ætlað að vera miðstöð skagfirskrar lista- og menningarstarfsemi. Sannarlega góðar fréttir enda hefur verið beðið eftir þessu húsi í 20 ár og sennilega gott betur.Meira -
„Þetta var magnað að upplifa!“
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 20.09.2025 kl. 15.16„Þetta var spennuþrunginn leikur þar sem mikið var undir,“ sagði Konni þjálfari Tindastóls þegar hann svaraði spurningum Feykis í nótt eftir að hafa fagnað mögnuðum sigri á liði Kormáks/Hvatar í undanúrslitum neðri deildar bikarsins. Leikurinn endaði 3-1 og lið Tindastóls því á leiðinni á Laugardalsvöll – væntanlega í fyrsta skipti í sögunni.Meira -
Folald í heimabökuðu pítubrauði og fljótandi eftirréttur | Matgæðingar Feykis
feykir.is Skagafjörður, Í matinn er þetta helst, Lokað efni 20.09.2025 kl. 13.57Matgæðingar vikunnar í tbl 22 á þessu ári voru Sigurður Pétursson og Telma Dögg Bjarnadóttir. Sigurður er ættaður frá Vindheimum í Skagafirði og Telma er frá Skagaströnd og eiga þau saman tvo stráka þá Mána Snæ og Alvar Áka. Fjölskyldan er búsett á Skagaströnd og starfar Sigurður sem smiður og Telma er hárgreiðslukona.Meira
