Bergmál fjallanna - Fyrsta plata Sigurdísar Tryggvadóttur
Tónskáldið, píanóleikarinn og söngkonan Sigurdís Tryggvadóttir frá Ártúnum í Blöndudal snýr á heimaslóðir og heldur útgáfutónleika í tilefni af fyrstu plötu sinni, Bergmál fjallanna. Platan kemur út á Íslandi 31. október og fara tónleikarnir fram í Blönduóskirkju, Hvammstangakirkju og Menningarhúsinu Miðgarði í Varmahlíð. Feykir lagði nokkrar spurningar fyrir tónlistarkonuna.
Nú styttist í tónleikaröðina þína. Ertu ekki að verða spennt? „ Jú, ég hlakka mjög mikið til! Nú erum við búin að spila nokkra tónleika í Danmörku, en það er sérstaklega gaman að fá að koma með tónlistina á heimaslóðir, þar sem hún á rætur sínar.”
Við hverju mega tónleikagestir búast, hvernig myndir þú lýsa tónlistinni þinni? „Tónleikagestir munu heyra mínar tónsmíðar og lög og ljóð Jónasar Tryggvasonar, afabróður míns. Það er oft erfitt að lýsa eigin tónlist, en ég hef heyrt aðra lýsa henni sem mínimalískri, tregafullri og hlýrri.”
Verður þú ein á ferð eða með einhverja snillinga með þér? „Ég er svo heppin að vera með tvo frábæra tónlistarmenn með mér, þá Mariusz Praśniewski frá Póllandi á bassa og Péter Horváth frá Ungverjalandi á trommur. Við búum öll í Kaupmannahöfn og höfum spilað saman í mörg ár. Það er sérstaklega dýrmætt að hafa með sér tónlistarmenn sem eru góðir vinir manns og þekkja tónlistina vel.”
Ertu sest að í Danmörku eða ertu á leið heim? „Ég flutti frá Óðinsvéum til Kaupmannahafnar í byrjun árs. Ég hef engin plön um að flytja heim eins og er, en útiloka það ekki. Ég ætla bara aðeins að leyfa lífinu að koma í ljós.”
Hvað ertu að gera í Danmörku / ertu eingöngu í músík? „Eins og staðan er núna, já, þá er ég eingöngu í tónlist. Ég hef verið í tónlistarnámi í Danmörku síðan 2017 og lauk nú í september sólistanámi við Syddansk Musikkonservatorium. Samhliða náminu hef ég meðal annars starfað við tónlistarkennslu og tekið þátt í ýmsum tónlistarverkefnum. Síðustu mánuðir hafa farið í að klára námið og sinna útgáfu Bergmáls fjallanna og öllu sem því fylgir.”
Vöfflukaffi að tónleikunum loknum
Útgáfutónleikar verða haldnir: 31. október kl. 14 í Blönduóskirkju, þann 1. nóvember kl. 14 í Hvammstangakirkju og síðan 4. nóvember kl. 20 í Miðgarði. Aðgangur er ókeypis en í Blönduóskirkju verður tekið á móti frjálsum framlögum í kirkjusjóð. Það verður vöfflukaffi í boði Vilko að öllum tónleikum loknum.
Hægt er að forpanta vínylplötuna og fá hana afhenta á tónleikunum. Platan kemur fyrst um sinn eingöngu út á vínyl í 200 eintökum. Ljóðin fimm á plötunni fylgja með í útgáfunni ásamt enskum þýðingum Elin Thordarson. Tónleikarnir eru styrktir af Uppbyggingarsjóði Norðurlands vestra og Menningarsjóði KS. /óab
Fleiri fréttir
-
Grunnskólinn austan Vatna þriðja árið í röð í úrslitum Málæðis
feykir.is Skagafjörður, Listir og menning, Mannlíf 02.11.2026 kl. 09.23Unglingastig GAV tók þátt í verkefnavinnu á vegum Málæðis nú í haust en kagahöfundurinn og íslenskufræðingurinn magnaði, Bragi Valdimar Skúlason sem oft er kenndur við Baggalút, samdi laglínu. Bauðst nemendum um allt land síðan að semja texta við lagið.Meira -
Þriggja rétta veisla | Matgæðingar Feykis
feykir.is Skagafjörður, Í matinn er þetta helst, Lokað efni 01.11.2026 kl. 14.23Matgæðingar vikunnar í tbl. 27 voru Katrín María Andrésdóttir og Baldur Haraldsson á Króknum en á þeirra heimili er hefðbundin verkaskipting í hávegum höfð. Frúin sér yfirleitt um eldamennskuna en bóndinn tekur oftast að sér að grilla, brúna kartöflur, smakka til sósur og fleiri sérhæfðari verkþætti.Meira -
Mæðgin í langferð | Ferð til Kína 11. til 27. september 2026
feykir.is Skagafjörður, Mannlíf, Lokað efni 01.11.2026 kl. 14.00Blaðamaður Feykis fékk af því veður að Ásdís Sigurjónsdóttir á Syðra-Skörðugili sé nýlega komin úr ævintýraferð til Kína ásamt sérlegum fylgdarmanni. Það er ekki á hverjum degi sem kona á besta aldri fer til Kína og því lá beint við að hafa samband við Ásdísi og forvitnast um ferðalagið.Meira -
Er alltaf með súkkulaði í bílnum
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 01.11.2026 kl. 12.25Áfram heldur Feykir að yfirheyra nemendur FNV og nú er það Halldór Stefánsson sem verður fyrir svörum. „Pabbi minn heitir Stefán og er bóndi og smiður og mamma mín heitir Ólöf og er þjálfari hjá Smára og starfsmaður HSN,“ segir Halldór sem hefur alla tíð búið á Þverá í Blönduhlíðinni. „Ég á fjögur systkini, tvær eldri systur sem heita Amalía og Freyja og yngri systur sem heitir Lilja og einn yngri bróðir sem heitir Haraldur.“Meira -
Málþing - Frá þekkingu til verðmæta: Samstarf háskóla og atvinnulífs um öfluga matvælaframleiðslu.
feykir.is Skagafjörður, Mannlíf, Lokað efni 31.10.2026 kl. 14.45Mánudaginn 19 okt. var haldið málþing í salnum í Kjarnanum á Sauðárkróki í tilefni að stofnun Háskólasamstæðu HÍ og Hóla og þeirra tækifæra sem því fylgja fyrir samfélagið í Skagafirði. Fyrir þinginu stóðu Háskóli Íslands á Hólum og Kaupfélag Skagfirðinga. Fyrr um daginn höfðu gestir frá HÍ heimsótt fyrirtæki og stofnanir í Skagafirði.Meira
