Einhverstaðar einhvern tímann aftur
Kvennakórinn Sóldís var stofnaður haustið 2010 af þremur konum í Skagfirði, þeim Drífu Árnadóttur á Uppsölum, Írisi Olgu Lúðvíksdóttur í Flatatungu og Sigurlaugu Maronsdóttur á Sauðárkróki. Á hverju ári frá stofnun hefur kórinn frumflutt prógramm söngársins á konudaginn og boðið upp á kaffihlaðborði eftir tónleika. Nú verður engin breyting á. Nú verður engin breyting á.
Að þessu sinni flytur kórinn lög eftir Magnús Eiríksson sem óhætt er að segja að hann sé einn af fremstu tónlistarmönnum íslenskrar tónlistarsögu þegar kemur að laga- og textasmíð. Magnús á líklega einhvers konar met þegar kemur að stórsmellum og sígildum popplögum. Kórstýran Helga Rós Indriðadóttir á heiðurinn af þemavali kórsins og eftir stífar æfingar verða herlegheitin frumflutt næskomandi konudag, sunnudaginn 25. febrúar kl. 15:00 í Miðgarði og að sjálfsögðu er kaffihlaðborð að loknum tónleikum eins og verið hefur. Undirleikari kórsins og hljómsveitarstjóri er Rögnvaldur Valbergsson og með honum verða þeir Steinn Leó Sveinsson á bassa, Sigurður Björnsson á trommum og Guðmundur Ragnarsson á gítar. Einsöngvarar með kórnum eru, Elín Jónsdóttir, Helga Rós Indriðadóttir og systurnar frá Álftagerði þær Kristvina og Gunnhildur Gísladætur. Strax helgina eftir ætla Sóldísir síðan að bregða sér af bæ, suður yfir heiðar, og halda tónleika í Víðistaðakirkju í Hafnarfirði 2. mars kl. 16:00 og að sjálfsögðu í nærumhverfinu Blönduósi, Hofsósi og Sauðárkróki áður en söngárinu lýkur fyrir sauðburð.
Fleiri fréttir
-
Ágæt frammistaða en engin stig til Stólastúlkna
feykir.is Skagafjörður, Íþróttir 27.04.2024 kl. 19.03Breiðablik og Tindastóll mættust í dag á Kópavogsvelli í Bestu deild kvenna í knattspyrnu. Blikar unnu góðan sigur í fyrstu umferð á meðan Stólastúlkur máttu sætta sig við svekkjandi tap fyrir FH í leik þar sem þær áttu meira skilið. Eins og reikna mátti með í dag voru heimastúlkur talsvert sterkari í leiknum, fengu mörg færi til að skora en lið Tindastóls fékk sömuleiðis góð færi en fór illa að ráði sínu. Lokatölur urðu 3-0 fyrir Breiðablik og lið Tindastóls því án stiga og marka að loknum tveimur leikjum.Meira -
Lið Aþenu gerði Stólastúlkum grikk
feykir.is Skagafjörður, Íþróttir 27.04.2024 kl. 15.31Einvígi Aþenu og Tindastóls um sæti í Subway-deild kvenna næsta haust hófst í Austurbergi í Breiðholti í gærkvöldi. Lið Tindastóls hafði lagt Subway-deildar lið Snæfells að velli og Aþenu-stúlkur lið KR í undanúrslitum og því búist við spennandi einvígi. Niðurstaðan varð hinsvegar leiðinlega stór sigur Aþenu því eftir ágæta byrjun gestanna tók Breiðholtsliðið öll völd, var 15 stigum yfir í hálfleik og svo versnaði bara vont. Lokatölur 80-45 og ljóst að Stólastúlkur þurfa að sýna annað andlit í Síkinu á mánudaginn.Meira -
Sæluvikan sett á sunnudag í Safnahúsi Skagfirðinga
feykir.is Skagafjörður, Listir og menning 27.04.2024 kl. 15.10Sæluvika Skagfirðinga hefst formlega í Safnahúsinu á Sauðárkróki sunnudaginn 28. apríl kl. 13:00. Á heimasíðu Sæluvikunnar segir að kaffi og terta verði í boði fyrir gesti og því ekki vit í öðru en að skella sér í skárri fötin og mæta í hátíðarskapi í Safnahúsið þar sem við sama tækifæri verður opnuð ljósmyndasýning með myndum úr safni Stefáns Pedersen.Meira -
Munum Stóra plokkdaginn
feykir.is Skagafjörður, Mannlíf 27.04.2024 kl. 13.34Stóri plokkdagurinn er nú á morgun, sunnudaginn 28. apríl, en hann var fyrst haldinn árið 2018. Um er að ræða flott samfélagsverkefni þar sem allir geta látið gott af sér leiða með því að fegra og hreinsa umhverfið í kringum sig.Meira -
Leikstjórinn fullur tilhlökkunar fyrir frumsýningu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 27.04.2024 kl. 13.00Sunnudaginn 28.apríl nk. frumsýnir Leikfélag Sauðárkróks Litlu hryllingsbúðina. „Sívinsælt verk sem sem fólk þreytist seint á að koma í leikhús til að upplifa,“ segir Valgeir Skagfjörð sem leikstýrir verkinu. Feykir heyrði hljóðið í leikstjóranum sem er sagðist vera sultuslakur fyrir frumsýningunni og fullur tilhlökkunar að leyfa áhorfendum að njóta sýningarinnar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.