Eyþór Franzon Wechner leikur í Hallgrímskirkju
Organisti Blönduósskirkju, Eyþór Franzon Wechner, verður meðal organista sem leika á orgel á Alþjóðlegu orgelsumri í Hallgrímskirkju. Það er Listvinafélag Hallgrímskirkju sem stendur að tónleikaröðinna en listrænn stjórnandi er Hörður Áskelsson kantor Hallgrímskirkju.
Í sumar býður Alþjóðlegt orgelsumar í Hallgrímskirkju upp á þrenna tónleika í viku á tímabilinu 22. júní til 28. ágúst, alls 29 tónleika. Á tónleikunum koma fram framúrskarandi organistar frá sex þjóðlöndum sem leika á Klais orgel Hallgímskirkju. Íslenskir organistar koma fram á vegum Félag Íslenskra Organleikara í samvinnu Alþjóðlegt orgelsumar á fimmtudögum kl. 12. Einnig verða tónleikar á laugardögum kl. 12 og á sunnudögum kl. 17.
Tónleikar Eyþórs verða í hádeginu fimmtudaginn 11. júlí og fer miðasala fram við innganginn og á midi.is.
Dagskrá Alþjóðlegs orgelsumars má finna hér.
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.