Frostið fór í 25 gráður á Sauðárkróksflugvelli í gær
Það hefur verið fimbulkuldi hér fyrir norðan síðustu daga en í gær var minnstur hiti á landinu á Sauðárkróksflugvelli eða mínus 25 gráður. Bíleigendur á Sauðárkróki skulfu margir hverjir þegar þeir settust inn í farartækin sín og hitamælar sýndu um 20 stiga frost. Þekktir kuldapollar eru í Skagafirði og þá ekki hvað síst í nágrenni Héraðsvatna. Þannig mátti lesa á samfélagsmiðlum að mælar hefðu sýnt allt að 29 stiga frost við Löngumýri.
Frostið beit áfram í morgun en veður er stillt og fallegt alla jafna. Nú um klukkan níu gerði Veðurstofan ráð fyrir 15 stiga frosti á Sauðárkróki, 12 stigum á Blönduósi en heldur hlýrra á annesjum því á Hrauni átti frostið að vera 8 gráður. Á morgun, laugardag, má reikna með að hitatölur fikri sig töluvert nær frostmarkinu en rauðar tölur eru þó ekki í spánum fyrr en á miðvikudag. Nú um helgina er spáð frekar tíðindalitlu veðri, stilltu og lítilli úrkomu en þó gæti snjóað lítilsháttar á stöku stað.
Flestir vegir eru færir á Norðurlandi vestra en alla jafna hálka á þeim. Greiðfært í Blönduhlíðinni en snjóþekja á Siglufjarðarvegi. Þar gengur á með éljum sem og á Þverárfjallsvegi.
Þá er rétt að minna fólk á að fara sparlega með heita vatnið og að passa upp á bílana – rafmagnið gæti látið ófriðlega í þessum aðstæðum.
Fleiri fréttir
-
Stólastúlkur dottnar út eftir hörkuleik gegn sameinuðum Akureyringum
feykir.is Skagafjörður, Íþróttir 18.05.2024 kl. 16.12Tindastóll og Þór/KA mættust á Dalvíkurvelli í hádeginu í dag í fyrsta leiknum í 16 liða úrslitum Mjólkurbikars kvenna. Nokkur vindur var og einstaka slyddubakki gekk yfir Eyjafjörðinn meðan á leik stóð og lék vindurinn nokkuð hlutverk í því hvernig leikurinn þróaðist. Öll mörkin komu í fyrri hálfleik og leiddu gestirnir í Þór/KA 1-2 í hálfleik en ekki tókst liðunum að skora í þeim síðari þrátt fyrir sénsa á báða bóga.Meira -
Framkvæmdir við smábátahöfnina á Sauðárkróki
feykir.is Skagafjörður 18.05.2024 kl. 14.07Á Sauðárkróki er nú unnið að undirbúningi fyrir malbikun á svæðinu við smábátabryggjuna í samræmi við samþykkt deiluskipulags Sauðárkrókshafnar.Meira -
Fyrsti sigur Húnvetninga í hús í 2. deildinni
feykir.is Austur-Húnavatnssýsla, Íþróttir, Vestur-Húnavatnssýsla 18.05.2024 kl. 13.04Fyrsti sigurleikur Kormáks/Hvatar kom á Dalvík í gærkvöldi þegar Húnvetningar sóttu heim Knattspyrnufélag Fjallabyggðar. Stigin þrjú voru Húnvetningum kærkomin eftir töp í fyrstu tveimur umferðunum í 2. deildinni. Lokatölur 0-3.Meira -
Ánægjuleg niðurstaða ársreiknings Skagafjarðar
feykir.is Skagafjörður 18.05.2024 kl. 10.01Ársreikningur Skagafjarðar fyrir árið 2023 var samþykktur samhljóða við síðari umræðu í sveitarstjórn sl. miðvikudag. Í frétt á heimasíðu Skagafjarðar segir að niðurstaðan sé ánægjuleg, rekstrarafgangur samstæðunnar var samtals að upphæð 123 milljónir króna, afborganir langtímalána voru hærri en taka nýrra lána annað árið í röð og skuldahlutfall og skuldaviðmið lækkuðu einnig annað árið í röð, auk þess sem eiginfjárhlutfall og handbært fé í árslok hækkuðu á milli ára.Meira -
Söfn í þágu fræðslu og rannsókna | Alþjóðlegi safnadagurinn er í dag
feykir.is Skagafjörður, Listir og menning, Mannlíf 18.05.2024 kl. 07.28Yfirskrift safnadagsins í ár, „Söfn í þágu fræðslu og rannsókna“, snýr að mikilvægi menningarstofnana þegar kemur að því að bjóða upp á heildræna fræðslu og tækifæri til þekkingaröflunar. Eins og segir á heimasíðu FÍSOS (Félag íslenskra safna og safnamanna): „Söfn þjóna samfélaginu sem kraftmiklar fræðslumiðstöðvar, þar sem þau glæða forvitni, sköpunargleði og gagnrýna hugsun. Nú í ár er vakin athygli á þætti safna í að styðja við rannsóknir og skapa vettvang til að kanna og deila hugmyndum. Hvort sem viðfangið er saga eða listir, tækni eða vísindi, þá eru söfn vel í stakk búin til að efla skilning og þekkingu okkar á heiminum í gegnum fræðslu og rannsóknir.“Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.