Hákarlinn í hávegum á fundaröð í Húnabúð
Byggðasafnsnefnd Húnvetningafélagsins í Reykjavík stendur fyrir fyrirlestraröð í Húnabúð í Reykjavík dagana 19., 21., og 28. mars og hefjast allir fundirnir klukkan 17. Allir tengjast fundirnir hákarli með einhverjum hætti. Vill Húnvetningafélagið með þeim reyna að breyta kuldalegu viðmóti Íslendinga til hákarlsins og vingast við hann og rétta hlut hans, að því er segir í tilkynningu á fréttavefnum Húna.is.
Í tilkynningunni segir: „Einn merkasti gripur Byggðasafnsins á Reykjum er hákarlaskipið Ófeigur, sem á þar sína eigin skemmu. Veiðar á hákarli kostuðu langa útiveru, stórt skip og langan vað til veiðanna. Hákarlinn liggur gjarnan djúpt, 180-730 m á sumrin segir Wikipedia. En hákarlinn færir sig nær yfirborðinu á veturnar í þeirri von að ná sér í sel.“
Þá segir að byggðasafnsnefndin telji að hákarlinn verðskuldi ekki kuldalegt viðmót af hálfu Íslendinga sem oft eru kuldalegir sjálfir. Íslendingar hafi of lengi haft horn í síðu hákarlsins og of lengi hafi þeir hrakyrt hann og kúgast yfir honum, nema þá helst með brennivíni á þorrablótum. Þeir hafi kallað hákarlinn að minnsta kosti 85 nöfnum sem flest séu þannig að menn vildu ekki bera þau sjálfir, s.s. gráni, deli, brettingur, doggur og raddali. Þó séu hákarlar tiltölulega þýðar hæfileikaskepnur og geti til dæmis gleypt stóran sel í einum munnbita.
Fundirnir og efni þeirra verða sem hér segir:
Þriðjudaginn 19.3. - Kynning á Byggðasafninu á Reykjum og hákarlaskipinu Ófeigi. Jón Björnsson frá Húnsstöðum glöggvar gesti á þema fundanna. Þór Magnússon fv. þjóðminjavörður segir frá safni og skipi.
Fimmtudagurinn 21.3. - Hallgrímur Helgason rithöfundur - Hákarlaveiðar í nýjustu bók höfundarins, Sextíu kíló af sólskini.
Fimmtudagurinn 28.3. - Klara Jakobsdóttir fiskifræðingur hjá Hafrannsóknarstofnun fjallar um hákarl.
Aðgangseyrir er 1.000 krónur og boðið verður upp á kaffi og kleinur.
Fleiri fréttir
-
Samningur undirritaður um styrk til tækniaðstöðu á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 19.01SSNV og Húnaþing vestra hafa undirritað samning vegna styrks til uppsetningar á tæknimiðstöð í anda FabLab smiðju í samfélagsmiðstöð í Félagsheimilinu á Hvammstanga að upphæð 10.500.000 kr. Fram kemur í frétt á síðu SSNV að verkefnið snýst um að koma upp nýsköpunar-, viðgerða- og þróunaraðstöðu fyrir íbúa á svæðinu, sem og aðstöðu fyrir félagsstarf.Meira -
Valið vekur furðu vestan Þverárfjalls
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 11.20Heimasíða RÚV flytur fréttir en þar mátti í morgun sjá athyglisverða og skemmtilega úttekt á fótboltavöllum landsins. Þar eru nefndir til sögunnar fótboltavellirnir á Sauðárkróki og á Hofsósi þó svo að þeir ágætu vellir hafi ekki komist í hóp tíu flottustu valla landsins. Blönduósvöllur og Sjávarborgarvöllur á Hvammstanga voru ekki nefndir á nafn í úttektinni og því leitaði Feykir viðbragða hjá Aðdáendasíðu Kormáks og þar stóð ekki á svörum en umsjónarmaður furðar sig á valinu.Meira -
Atli Þór fullkomnar hóp Kormáks/Hvatar
feykir.is Austur-Húnavatnssýsla, Íþróttir, Vestur-Húnavatnssýsla 26.04.2024 kl. 09.44Síðasti dagur félagaskipta í efri deildum Íslandsmótanna í knattspyrnu var nú á miðvikudaginn. Þá bætti lið Kormáks/Hvatar við sig einum leikmanni því Atli Þór Sindrason var síðasta liðsstyrking hópsins fyrir mót.Meira -
Sæluvikan að bresta á
feykir.is Skagafjörður, Listir og menning 26.04.2024 kl. 08.34„Skipulagning Sæluviku gengur vel og viðburðir eru enn að bætast við,“ segir Heba Guðmundsdóttir sem hefur veg og vanda af skipulagningu Sæluvikunnar líkt og undanfarin ár og má því mögulega kalla verkefnastjóra Sæluvikunnar. „Það verða flestir fastir liðir á sínum stað á Sæluviku og mér finnst alltaf vera metnaður og spenna fyrir því að vera með hjá þeim sem skapað hafa þá hefð að standa fyrir viðburði á Sæluviku.“Meira -
Vinnustofa um gerð loftlagsstefnu sveitarfélaga
feykir.is Austur-Húnavatnssýsla, Vestur-Húnavatnssýsla 26.04.2024 kl. 08.32SSNV stóð fyrir vinnustofu í félagsheimilinu á Hvammstanga nú í vikunni um gerð loftlagsstefnu sveitarfélaga í samtarfi við KPMG. Vinnustofan var sérstaklega fyrir Húnavatnssýslur. Góð þátttaka var á vinnustofunni og áhugaverðar umræður sköpuðust.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.