Slæmt ástand vega á Norðurlandi vestra
Guðmundur Haukur Jakobsson, formaður byggðaráðs Blönduósbæjar, vekur athygli á slæmu ástandi þjóðvegar frá Blönduósi að Þverárfjallsvegi á Facebook síðu sinni í síðustu viku. Þar segist hann hafa tekið smá rúnt að Þverárfjallsvegi og telur hann veginn nánast stórhættulegan. „Skagastrandarvegur er að verða í vægast sagt slæmu ástandi, eiginlega stórhættulegur þar sem gert er ráð fyrir að hann megi aka á 90 km hraða. Þar sem á að skila hönnun á nýjum vegi með breyttri legu og nýju brúarstæði á Skagastrandarvegi núna 15. maí þá þykir mér einboðið að sá vegur verði boðinn út hið snarasta,“ skrifar Guðmundur.
Margir taka undir með Guðmundi þ.á.m. Dagný Rósa Úlfarsdóttir, oddviti Skagabyggðar, sem segist hafa talið ríflega 30 misstórar, opnar holur frá gatnamótunum við þjóðveg 1 og að afleggjara hjá sér að Ytra-Hóli. „… og þá voru ótalin sprungusvæðin sem voru ekki orðin opin, vægast sagt hræðilegt ástand á veginum.“
Valdimar O. Hermannsson, sveitarstjóri Blönduóssbæjar, leggur einnig orð í belg: „Búinn að senda þetta á Vegagerðina, með kröfu um úrbætur,“ skrifar hann.
Á vef Vegagerðarinnar má sjá að hvergi er eins mikið um þungatakmarkanir á vegum landsins og á Norðurlandi vestra sem gefur glöggt til kynna hve slæmt ástand vega þess svæðis í raun er. Flutningabílstjórar hafa kvartað yfir ástandinu enda mikið um flutninga á vegum landsins þessa dagana og kvartar Bessi Freyr Vésteinsson í Hofsstaðaseli í Skagafirði yfir ástandinu á sinni Fésbók:
„Á vef Vegagerðarinnar má sjá að í Skagafirði eru einu vegirnir á Íslandi sem eru með þungatakmarkanir vegna aurbleytu. að undanskildum nokkrum fáförnum malarvegum á Vestfjörðum. Þetta segir okkur vel um hversu lélegir vegirnir eru hér í héraðinu. Þetta ástand er ekki boðlegt, t.d. núna erum við að keyra áburði út til bænda, sem þyðir töluvert fleiri ferðir og aukinn kostnað. Nýlega voru sektir hækkaðar fyrir að fara yfir leyfilegan þunga, 100.000, kr. fyrir hvert tonn umfram að að mig minnir. Nauðsynlegt er að gera átak í að auka burðarþol veganna hér í Skagafirði. Óska eftir að fulltrúar í sveitarfélaginu, þingmenn og ráðherra fari í málið,“ skrifar hann.
Fleiri fréttir
-
Rabb-a-babb 225: Atli Freyr
feykir.is Skagafjörður, Rabb-a-babb 25.04.2024 kl. 09.11Atli Freyr Rafnsson frá Króknum fékk það verðuga verkefni að svara Rabb-a-babbi í Feyki og var það frekar strembin fæðing en útkoman svona ljómandi góð. Atli Freyr er fæddur árið 1997 eða um það leyti sem Tiger Woods vann sitt fyrsta Master mót og fyrsti þáttur af South Park fór í loftið.Meira -
Sumardagurinn fyrsti á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 14.50Í Húnaþingi vestra hefur sumardagurinn fyrsti verið haldinn hátíðlegur allt frá árinu 1957 og í ár verður engin breyting á því þegar félag eldri borgara í samstarfi við Hestamannafélagið Þyt og hefst með ókeypis sirkussýningu í Þytsheimum klukkan 12:00.Meira -
Sóldísir í Gránu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 11.32Kvennakórinn Sóldís heldur lokatónleika söngársins í Gránu á Sauðárkróki í kvöld, miðvikudaginn 24.apríl, svo nú er síðasti séns að hlusta á kórinn flytja lög Magnúsar Eiríkssonar.Meira -
Jón Oddur sigraði A-deild á lokamóti Kaffi Króks mótaraðarinnar
feykir.is Skagafjörður, Íþróttir 24.04.2024 kl. 11.00Lokamótið í Kaffi Króks mótaröðinni í pílu þetta vorið fór fram í gærkvöldi. Átján kempur mættu til leiks hjá Pílukastfélagi Skagafjarðar að þessu sinni og var keppt í þremur deildum. Sigurvegari í A deild var Jón Oddur Hjálmtýsson en í B deild var það Brynjar Snær Halldórsson sem sigraði. í C deildinni var það síðan Heiðar Örn Stefánsson sem stóð uppi sem sigurvegari.Meira -
Karlakórinn Lóuþrælar syngja inn vorið
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 10.57Karlakórinn Lóuþrælar syngja inn vorið í Félagsheimilinu á Hvammstanga í kvöld, miðvikudaginn 24. apríl, og hefjast tónleikarnir kl. 20.00.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.