Útfararþjónusta á Norðurlandi vestra
Fyrir skömmu tók til starfa nýtt fyrirtæki á Norðurlandi vestra þegar hjónin Jón Ólafur Sigurjónsson og Hugrún Sif Hallgrímsdóttir á Skagaströnd settu á fót útfararstofu, þá fyrstu á svæðinu. Fyrirtækið hefur hlotið nafnið Hugsjón – útfararþjónusta og er ætlunin að þjónusta allt Norðurland vestra. Feykir hafði samband við Jón og innti hann fyrst eftir því hvernig og hvers vegna hugmyndin að fyrirtækinu hafi kviknað.
„Ætli þessi hugmynd hafi ekki farið að læðast að okkur þegar ég fór að sjá um útfarir í Hólaneskirkju sem starfandi meðhjálpari. Við fórum að velta fyrir okkur að það væri hvergi heildstæð útfararþjónusta í boði í nágrenni við okkur. Við viðruðum þessa hugmynd við sr. Bryndísi, sóknarprestinn okkar á Skagaströnd, en hún hefur mikla reynslu af útfararstjórn. Hún hvatti okkur eindregið til að skoða þetta af alvöru og þar með fóru hjólin að snúast.
Í hverju er starfsemi útfararþjónustu fólgin?
„Starfsemi útfararþjónustunnar er margþætt. Það er í mörg horn að líta fyrir aðstandendur þess látna og oft erfitt að hafa yfirsýn á þessum erfiðu tímum sem sorgarferlið er. Okkar starfsemi felst í því að sjá um einstaka þætti útfarar eða sjá um allt ferlið, allt fer það eftir því hvað aðstandendur vilja. Stærsti kostur neytenda er því að geta leitað til eins og sama aðila með allar spurningar og vangaveltur og fengið nánast alla þjónustuna á sama stað.“
Eins og áður kom fram er Jón meðhjálpari í Hólaneskirkju á Skagaströnd og þekkir því vel til þess starfs sem fram fer í kirkjunni. Það gerir Hugrún einnig en hún hefur lengi starfað hjá kirkjunni. „Ég myndi segja að starfsemin færi vel saman við önnur störf okkar innan kirkjunnar, Hugrún hefur verið organisti og kórstjóri til margra ára og hefur því starfað þónokkuð við útfarir, þá hef ég starfað sem meðhjálpari og hef því einnig reynslu á sviðum kirkjunnar. Við erum nokkuð vel tengd mörgu af því góða fólki sem starfar við kirkjurnar á svæðinu, prestum, organistum og öðru tónlistarfólki og í því felst, að okkar mati, mikill styrkur,“ segir Jón.
Jón segir að þau ætli að bjóða þessa þjónustu öllum þeim sem vilja nýta sér hana en áherslan verði lögð á að þjóna Norðurlandi vestra. „Við höfum fengið mjög góð viðbrögð, við höfum ekki orðið vör við annað en fólki finnist þetta vera þörf þjónusta hérna á svæðinu og fagnar því að það geti leitað til okkar. Það vill auðvitað enginn vera í þeim sporum að þurfa á okkar þjónustu að halda en það er samt eitthvað sem flestir þurfa á einhverjum tímapunkti að takast á við,“ segir Jón.
Fleiri fréttir
-
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira -
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira -
Snjódýpt í Fljótum yfir meter að jafnaði
feykir.is Skagafjörður, Ljósmyndavefur 18.04.2024 kl. 14.31„Tíðarfarið hefur verið nokkuð óvenjulegt frá 21. mars en allar helgar síðan þá hafa skollið á norðan stórhríðir en lítill snjór var annars þennan vetur,“ segir Halldór Gunnar Hálfdansson, bóndi á Molastöðum í Fljótum en hann sér einnig um skólaakstur í sveitinni. Halldór bætir við að það sé nokkuð óvenjulegt að fá svona mikinn snjó seint og segir að yfirleitt þegar snjóþungt sé í Fljótum hafi sá snjór verið að safnast allan veturinn, oft frá því í október.Meira -
Máttur menntunar | Álfhildur Leifsdóttir skrifar
feykir.is Skagafjörður, Aðsendar greinar 18.04.2024 kl. 13.45Það hefur lengi verið sagt að menntun sé máttarstólpi samfélagsins. Fjöreggið. Skólakerfið okkar á að vera öflugasta jöfnunartækið, þar eiga allir að hafa sömu tækifærin. En er það svo? Við getum vissulega fagnað þeim breytingum að fríar skólamáltíðir verða að veruleika, aðgerð sem jafnar leikinn að einhverju leyti og er breyting til batnaðar fyrir öll.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.