Ábyrgð og trú á Skagaströnd | Ragnar Rögnvaldsson skrifar
Sveitarstjórnarmál snúast ekki fyrst og fremst um slagorð. Þau snúast um fólk. Þau snúast um ákvarðanir sem hafa áhrif á daglegt líf íbúa, framtíð fjölskyldna, rekstur sveitarfélagsins og þá tilfinningu hvort fólk trúi því að hér sé gott að búa, starfa og ala upp börn.
Framboðið Fyrir Skagaströnd byggir á þeirri einföldu sannfæringu að hagsmunir íbúa Skagastrandar eigi alltaf að vera í fyrsta sæti.
Við erum fólk úr samfélaginu. Við þekkjum bæinn, styrkleika hans og áskoranir. Við vitum að Skagaströnd á mikla möguleika, en við vitum líka að þeir verða ekki sóttir með innantómum loforðum eða óraunhæfum fyrirheitum. Það þarf ábyrgð, skynsemi og þolinmæði. Það þarf fólk sem er tilbúið að hlusta, vinna saman og taka ákvarðanir með hag heildarinnar að leiðarljósi.
Við viljum efla Skagaströnd á ábyrgan hátt.
Það þýðir að halda áfram að styrkja rekstur sveitarfélagsins, fara vel með sameiginlega fjármuni og forgangsraða þannig að ákvarðanir skili raunverulegum ávinningi fyrir íbúa. Ábyrg fjármálastjórn er ekki köld eða fjarlæg stefna. Hún er forsenda þess að hægt sé að bæta þjónustu, sinna viðhaldi, skapa tækifæri og byggja upp samfélagið til framtíðar.
En ábyrgð má aldrei verða afsökun fyrir að gera ekki neitt.
Við þurfum að sækja fram. Við þurfum að tala bæinn okkar upp, leita tækifæra og vera tilbúin að hugsa nýjar leiðir. Við þurfum að styrkja innviði, fegra umhverfið, bæta aðstöðu fyrir börn og fjölskyldur, styðja við atvinnulíf og skapa aðstæður þar sem fólk sér fyrir sér framtíð á Skagaströnd.
Við trúum því að hægt sé að gera þetta af festu og yfirvegun. Með samtali, virðingu og skýrri stefnu.
Fyrir Skagaströnd vill vinna með íbúum, ekki yfir þeim. Við viljum að fólk finni að það sé hlustað á það. Að hugmyndir skipti máli. Að sveitarstjórn sé ekki lokuð eining, heldur vettvangur þar sem ákvarðanir eru teknar í þágu samfélagsins alls.
Við erum ólík, komum úr ólíkum áttum og höfum ólíka reynslu. Í því felst styrkur. Það sem sameinar okkur er viljinn til að vinna fyrir Skagaströnd af heilindum.
Við lofum ekki öllu.
En við lofum að vinna af ábyrgð.
Við lofum að hlusta.
Við lofum að fara vel með það traust sem okkur kann að verða sýnt.
Við lofum að hafa hag allra íbúa að leiðarljósi.
Skagaströnd þarf sterka, sjálfstæða rödd. Rödd sem talar fyrir samfélaginu öllu. Rödd sem horfir til framtíðar, en gleymir ekki ábyrgðinni sem fylgir því að fara með stjórn sameiginlegra mála.
Það er sú leið sem við viljum fara.
Merkjum X við K þann 16. maí.
Fyrir samfélagið.
Fyrir fólkið.
Fyrir framtíðina.
Fyrir Skagaströnd.
Ragnar Rögnvaldsson
2. sæti Fyrir Skagaströnd
Fleiri fréttir
-
Tindastóll - Grindavík 83-86 | Stólum stillt upp við vegg
feykir.is Skagafjörður, Íþróttir, Mannlíf, Lokað efni 13.05.2026 kl. 13.45Leikur númer tvö í einvígi Tindastóls og Grindavíkur um Íslandsmeistaratitilinn í körfuknattleik fór fram í Síkinu í gærkvöldi. Að vanda var rafmögnuð stemning og allt lagt undir. Hér verður í grófum dráttum farið yfir gang leiksins en annars var fókus blaðamanns aðallega á gesti og starfsfólk en hann var á vappi á svæðinu að taka myndir og viðtöl.Meira -
Vigdís Elva Þorgeirsdóttir – 1. sæti Fyrir Skagaströnd
feykir.is Skagafjörður, Austur-Húnavatnssýsla, Aðsendar greinar 13.05.2026 kl. 13.30Sókn í atvinnumálum á Skagaströnd Það er auðvelt fyrir lítil samfélög að festast í þeirri hugsun að tækifærin séu alltaf annars staðar. Að ný störf fari sjálfkrafa í stærri bæjarfélög og að uppbygging eigi sér aðeins stað þar sem fólksfjöldinn er mikill.Meira -
Ábyrgð, samstaða og skýr sýn | Grímur Rúnar Lárusson
feykir.is Skagafjörður, Austur-Húnavatnssýsla, Aðsendar greinar, Sveitarstjórnarkosningar 13.05.2026 kl. 11.55Á undanförnum dögum hefur skapast mikil umræða um fjárhagsstöðu sveitarfélagsins. Sem er eðlilegt í ljósi þess að ársreikningur var samþykktur samhljóða í sveitarstjórn í síðustu viku. Bókunin með ársreikningnum var hins vegar samþykkt með 5 atkvæðum og sátu fjórir hjá, þar á meðal undirritaður. Ég ætla með þessum pistli aðeins að útskýra afstöðu mína en mér finnst umræðan því miður gefa nokkuð óraunsæja mynd af stöðunni.Meira -
Byggðalistinn - opin kosningaskrifstofa og vöfflukaffi
feykir.is Skagafjörður, Mannlíf 13.05.2026 kl. 10.12Þau leiðu mistök urðu að auglýsing Byggðalistans með opnunartíma kosningarskrifstofa í Skagafirði fór ekki í prentútgáfu Sjónhornsins. Kosningaskrifstofan í Borgartúni 2 (Skátaheimilinu á Króknum) er opin 13. maí, 14. maí og 15. maí frá kl. 17-19. Þá er einnig kosningakaffi þann 16. maí frá kl. 14-17. Á Hofsósi er svo kosningakaffi þann 16. maí frá kl. 14-17 á Retró Mathús. Í Varmahlíð verður svo kosningavaka í Miðgarði, efri hæð, frá kl. 21:00. Allir velkomnir - Hlökkum til að sjá ykkurMeira -
Hverjir eru nú Norðlendingar í ríkisstjórn? | Jón Bjarnason skrifar
feykir.is Skagafjörður, Aðsendar greinar 13.05.2026 kl. 09.30Hinn 1. júlí nk. á að leggja Hólaskóla niður á Hólum og staðar hús verða boðin upp til sölu, ef frumvarp ríkisstjórnar Kristrúnar Frostadóttur nær fram að ganga. Í margra alda sögu Hólastaðar hafa sannarlega skipst á skin og skúrir. Norðlendingar minnast þess enn með hryllingi er bæði biskupsstóll og latínuskóli voru lagðir niður rétt fyrir 1800 og eignir staðarins seldar á uppboði til hæstbjóðenda. Í kjölfarið var Auðunarstofa og önnur staðarhús rifin og timbrið selt. Dómkirkjan stóð óseld, enginn vildi hana eiga. Staðnum var þá best lýst með ljóði Matthíasar Jochumsonar: „Ekkja stendur aldin kirkja, ein í túni fornra virkja.“Meira
