Appelsínugul veðurviðvörun föstudagskvöldið þrettánda
Aldrei þessu vant þá virðist allt stefna í að veðurfrétt Feykis um yfirvofandi vetrarveður muni ganga eftir. Veðurstofan hefur í það minnsta smellt appelsínugulri viðvörun á Strandir og Norðurland vestra annað kvöld. Í dag verður víða lítils háttar snjókoma og sunnanátt en á morgun, föstudag, versnar í því. Gul viðvörun tekur gildi um kl. 14 en um það leyti sem Gísli Marteinn birtist á skjám landsmanna uppfærist viðvörunin í appelsínugula.
„Norðan 18-25 m/s og talsverð snjókoma með skafrenningi, einkum á fjallvegum og á Tröllaskaga. Ferðalög ekki ráðlögð,“ segir í veðurlýsingu Veðurstofunnar. Það má reikna með að það snjói framan af degi en þegar líður að kvöld er búist við slyddu eða rigningu við sjávarsíðuna en snjókoma inn til landsins.
Það dregur úr úrkomu upp úr miðætti aðfaranótt laugardags og veðrið verður að mestu gengið niður um hádegi á laugardag. Veður skaplegt fram í næstu viku.
Þegar þessi frétt er skrifuð eru vegir á Norðurlandi vestra ýmist greiðfærir eða stráðir hálkublettum. Sem stendur er éljagangur á Holtavörðuheiði og í Húnaþingi vestra.
Fleiri fréttir
-
Stólarnir frumsýna nýjan búning í kvöld þegar þeir mæta Lausanne
feykir.is Skagafjörður, Íþróttir, Lokað efni 12.11.2026 kl. 13.32Fyrsti heimaleikurinn í ENBL-deildinni fer fram í kvöld þegar lið Pully Lausanne Foxes mætir í Síkið. Svisslendingarnir hafa tapað öllum fjórum leikjum sínum í keppninni en ekkert lið má vanmeta og ljóst að Stólarnir verða að mæta einbeittir til leiks. Leikurinn hefst kl. 19:15 en ljóst er að Pétur fyrirliði verður fjarri góðu gamni eftir að hafa meiðst í leiknum gegn ÍR sl. mánudag. Feykir heyrði hljóðið í fyrirliðanum nú um hádegisbil.Meira -
Eyjólfur kynnti fjölbreyttar aðgerðir til að efla byggðir landsins
feykir.is Skagafjörður, Austur-Húnavatnssýsla, Vestur-Húnavatnssýsla 12.11.2026 kl. 13.04Eyjólfur Ármannsson innviðaráðherra mælti á Alþingi sl. þriðjudag fyrir tillögu til þingsályktunar um stefnumótandi byggðaáætlun fyrir árin 2027-2041 og aðgerðaáætlun til fimm ára. Í aðgerðaáætluninni eru kynntar 44 fjölbreyttar aðgerðir til að efla byggðir landsins þvert á alla málaflokka. Þar af eru kynntar 30 nýjar aðgerðir.Meira -
Karl Björnsson ráðinn yfirlæknir hjá HSN á Blönduósi
feykir.is Austur-Húnavatnssýsla, Mannlíf 12.11.2026 kl. 10.53Karl Björnsson heimilislæknir hefur verið ráðinn yfirlæknir hjá HSN á Blönduósi. Hann tekur við starfinu í byrjun nýs árs. Í frétt á vef HSN segir að Karl sé mörgum á Blönduósi að góðu kunnur, enda starfaði hann sem heimilislæknir á svæðinu í áratug, frá 2012 til 2022.Meira -
Góðir gestir væntanlegir á rithöfundakvöld Héraðsbókasafns Skagfirðinga
feykir.is Skagafjörður, Listir og menning 12.11.2026 kl. 09.45Á fimmtudaginn í næstu viku, 19. nóvember, verður árlegt rithöfundakvöld haldið hjá Héraðsbókasafni Skagfirðinga. Rithöfundakvöldið er jafnan einn af stærstu viðburðum ársins hjá bókasafninu og verður engin undantekning frá því í ár. Von er á fimm valinkunnum höfundum sem munu lesa upp og kynna nýútkomnar bækur sínar.Meira
