Karl Björnsson ráðinn yfirlæknir hjá HSN á Blönduósi
Karl Björnsson heimilislæknir hefur verið ráðinn yfirlæknir hjá HSN á Blönduósi. Hann tekur við starfinu í byrjun nýs árs. Í frétt á vef HSN segir að Karl sé mörgum á Blönduósi að góðu kunnur, enda starfaði hann sem heimilislæknir á svæðinu í áratug, frá 2012 til 2022.
„Hann er fæddur og uppalinn í Vestmannaeyjum, útskrifaðist frá læknadeild Háskóla Íslands árið 1992 og hefur starfað sem læknir frá árinu 1993. Hann lauk sérnámi í heimilislækningum í Skövde í Svíþjóð árið 2004.
Karl hefur víðtæka reynslu af störfum í meðal annars heilsugæslu, á bráðamóttöku, í öldrunarþjónustu og á heilsueflandi móttöku. Auk starfa sinna á Blönduósi hefur hann starfað sem læknir í Vestmannaeyjum, hjá Heilbrigðisstofnun Vesturlands, á hjúkrunarheimilum Hrafnistu og Heilbrigðisstofnun Suðurnesja. Síðast starfaði hann hjá Heilsugæslunni í Urðarhvarfi.
Við hlökkum til að fá Karl aftur til starfa á Blönduósi og bjóðum hann hjartanlega velkominn til okkar hjá HSN!“ segir í fréttinni.
Fleiri fréttir
-
Góðir gestir væntanlegir á rithöfundakvöld Héraðsbókasafns Skagfirðinga
feykir.is Skagafjörður, Listir og menning 12.11.2026 kl. 09.45Á fimmtudaginn í næstu viku, 19. nóvember, verður árlegt rithöfundakvöld haldið hjá Héraðsbókasafni Skagfirðinga. Rithöfundakvöldið er jafnan einn af stærstu viðburðum ársins hjá bókasafninu og verður engin undantekning frá því í ár. Von er á fimm valinkunnum höfundum sem munu lesa upp og kynna nýútkomnar bækur sínar.Meira -
David og Nikola áfram í herbúðum Tindastóls
feykir.is Skagafjörður, Íþróttir 12.11.2026 kl. 08.41Tveir af lykilmönnum knattspyrnuliðs Tindastóls hafa endurnýjað samninga sína við félagið og verða það að teljast góðar fréttir. Um er að ræða miðjumanninn öfluga, David Bercedo, og markmanninn Nikola Stoisavljevic.Meira -
Haustfyrirlestur Heimilisiðnaðarsafnsins á laugardaginn
feykir.is Austur-Húnavatnssýsla, Listir og menning, Mannlíf 12.11.2026 kl. 08.33Ingibergur Guðmundsson á Skagaströnd, fyrrverandi menningarfulltrúi á Norðurlandi - vestra, mun halda fyrirlestur í Heimilisiðnaðarsafninu á Blönduósi sem hann nefnir: „Ófermd, illa uppalin, afstyrmi á vöxt, tekin á flakki“. Fyrirlesturinn fer fram laugardaginn 14. nóvember og hefst kl. 15:00.Meira -
Hægt að greina smáatriði á jörðu niðri á nýjum loftmyndum af Norðurlandi vestra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 11.11.2026 kl. 14.54Nýjar háupplausnar loftmyndir voru teknar af öllum þéttbýlisstöðum á Norðurlandi vestra síðastliðið sumar. Teknar voru meðal annars myndir af Blönduósi, Sauðárkróki, Skagaströnd og Hvammstanga svo nokkrir staðir séu nefndir. Myndirnar hafa nú verið birtar á kortasjám sveitarfélaganna sem hægt er að nálgast á heimasíðum þeirra og á www.map.isMeira
