Að vera fjölburaforeldri - Áskorandapenni Stefanía Sigurðardóttir Sauðárkróki
Inga María skoraði á mig að taka við pennanum og eins og öllum áskorunum í lífinu þá tek ég henni. Mér finnst það viðeigandi að skrifa um mína stærstu áskorun hingað til, að verða fjölburaforeldri!
Málið er að ég er fjölburaforeldri eins og svo margir aðrir hér á Norðurlandi vestra. Á síðastliðnu ári hefur margt fólk undið sér að mér í búðinni, á göngu eða jú bara fyrir utan heima hjá mér og spurt mig hvort að þau séu tvíburar, þegar ég svara því játandi þá er það fyrsta sem fólk segir „og er það ekki erfitt að vera með tvö?“, „eru þau þæg?“, „hvernig sofa þau?“ „mikið ertu heppin, mig langaði alltaf til að eignast tvíbura“. Ég svara þessum spurningum oftast mjög kurteis og segi svo að ég eigi líka eina stelpu til viðbótar sem er aðeins 22 mánuðum eldri en þau. Þá fær fólk hálfgert áfall og ekki skánar það þegar að ég segi þeim að ég sé líka að vinna með fæðingarorlofinu.
Samfélagið hefur breyst mikið á stuttum tíma og í dag miklar fólk fyrir sér að eiga mörg ung börn (meira að segja heldra fólk sem á mörg börn með stuttu millibili), það kallar mig hetju fyrir það eitt að koma elstu stelpunni í leikskólann með tvíburana með mér, nánast á hverjum morgni í nánast öllum veðrum. Kallar mig hetju fyrir að koma börnunum á fætur, klæða þau og koma þeim út. Fyrir mér er þetta ekki að vera hetja, heldur er ég einungis að sinna „vinnunni“ minni.
Málið er, það að sinna heimili og að vera fjölburaforeldri í fæðingar“orlofi“ er ekkert annað en vinna og krefst mikils skipulags til þess að heimilið gangi. Vinnudagurinn í fæðingar“orlofinu“ er 24 klukkustundir og það sem skiptir mestu máli er að halda rútínu, það þarf að þvo þvott, taka til, þrífa, elda mat, gefa börnum (dag og nótt), veita ást og umhyggju og síðast en ekki síst að finna sér tíma til að borða sjálfur. Kæru lesendur þið megið samt ekki misskilja mig, hugtakið vinna er ekki alltaf leiðinlegt! Starfsheitið fjölburaforeldri er krefjandi, skemmtilegt, fjölbreytt og gefandi. Þeim einstaklingi sem tókst að klína hugtakinu „orlof“ á heimavinnandi foreldra sem sinna börnum allan sólarhringinn á launum hjá ríkinu hlýtur að vera snillingur. Það er engin tenging milli þess að vera heimavinnandi með mörg börn og að vera í fríi.
Það sem mér finnst verst fyrir okkur fjölburaforeldra er að við töpun heilum 6 mánuðum í réttindi til fæðingarorlofs með því að koma með tvö í einu! Við fáum okkar venjulegu 9 mánuði eins og allir, en svo einungis 3 mánuði til viðbótar fyrir hvert barn umfram eitt. Er þetta sanngjarnt? Ímyndið ykkur að þið væruð í venjulegri vinnu, þyrftuð að leggja fram tvöfalt vinnuframlag en þið fengjuð einungis 1/3 af yfirvinnunni borgaða. Enginn lifandi maður myndi láta bjóða sér það… allavega enginn sem ég þekki.
Ég skora á Sigrúnu Ben tengdamóður mína að taka við pennanaum.
Áður birst í 37. tbl. Feykis 2018
Fleiri fréttir
-
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira -
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.