Ertu að reima skóna þína rétt? Áskorandinn - Guðný Hrund Karlsdóttir Hvammstanga
Ég hef verið að velta því fyrir mér hvernig hægt er að festast í viðjum vanans án þess að gera sér nokkra grein fyrir því. Eitthvað sem lærðist einu sinni verður að vana, eins og heilagur sannleikur sem aldrei er efast um, jafnvel þó því fylgi stundum vandamál.
Í því sambandi dettur mér í hug myndband sem ég horfði á af TED örfyrirlestri um það hvernig maður reimar skó eða öllu heldur um það hvernig maður hefur reimað skó vitlaust alla ævi. Þetta mikilvæga atriði þ.e. að reima skó virkar léttvægt og flestir þykjast kunna það upp á hár. En hver hefur ekki lent í því að skóreimin losnar og til að leysa málið, oftast í flýti, þá er bundinn tvöfaldur hnútur/rembihnútur sem í besta falli er leiðinlegt að leysa en oftar erfitt. Svo ekki sé talað um nælon reimar sem eru vinsælar víða. Um leið og reynir eitthvað á skóna þá losna reimarnar.
Það voru einmitt slíkar reimar sem örfyrirlesarinn, Terry More, tók fyrir í fyrirlestrinum sínum, hann ætlaði að skila fínu þægilegu skónum sínum vegna reimanna. Sjálf hefði ég líklega bara skipt um reimar. En maðurinn í búðinni sýndi honum hvernig hann ætti að reima skóna rétt. Það er nefnilega hægt að gera það á tvo vegu, hann kallar þetta sterka og veika hnútinn. Fyrri partur aðgerðarinnar að reima er eins og við öll þekkjum en í stað þess að færa vinstra bandið yfir lykkjuna þá færir þú það undir lykkjuna og klárar síðan hnútinn.
Það er ekki mikill munur á því hvernig hnútarnir eru reimaðir en samt skiptir þessi litli munur grundvallarmáli. Við álag strekkist þá á hnútnum í stað þess að hann losni.
Vaninn er þægilegur og getur í mörgum tilfellum einfaldað lífið. Hjá flestum eru daglegar áskoranir og ákvarðanir þannig að gott er að gera suma hluti ósjálfrátt. En ef eitthvað er að valda óþægindum þá er sjálfsagt að staldra aðeins við og spyrja sig hvað hægt væri að gera öðruvísi.
Ég skora á Jennýju Þórkötlu Magnúsdóttur, sviðsstjóra fjölskyldusviðs Húnaþings vestra að taka við pennanum.
Áður birst í 41. tbl. Feykis 2018.
Fleiri fréttir
-
Stórtjón á gervigrasvellinum á Króknum
feykir.is Skagafjörður, Íþróttir 23.04.2024 kl. 12.11Í leysingunum síðastliðinn laugardag fór gervigrasvöllurinn glæsilegi á íþróttasvæðinu á Sauðárkróki undir vatn og var völlurinn ekki leikhæfur á sunnudegi. Spilað var á vellinum í gær en ljóst var að völlurinn var ekki í góðu ástandi. „Í morgun mætti galvaskur hópur leikmanna Tindastóls og starfsmenn sveitarfélagsins og flettu gervigrasinu af á parti og kom í ljós að gúmmipúðinn undir er ónýtur,“ tjáði Adam Smári Hermannsson, formaður knattspyrnudeildar, Feyki.Meira -
Einvígi Tindastóls og Aþenu hefst á föstudag
feykir.is Skagafjörður, Íþróttir 23.04.2024 kl. 09.48„Einvígi við Aþenu leggst vel í mig. Aþena er með vel mannað lið í öllum stöðum og spila af mikilli ákefð. Það er mikil stemning í kringum bæði þessi lið og heimavöllurinn öflugur þannig að ég á von á hita og látum, bæði á vellinum og í stúkunni,“ segir Helgi Freyr Margeirsson, þjálfari kvennaliðs Tindastóls, en í gær varð ljóst að andstæðingur Stólastúlkna í einvíginu um sæti í Subway-deildinni yrðu lærisveinar Brynjars Karls, Aþena.Meira -
Upplýsingafundur Íslandspósts á Hvammstanga
feykir.is Vestur-Húnavatnssýsla 23.04.2024 kl. 09.36Feykir sagði frá því fyrr í vetur að Íslandspóstur hefði tekið ákvörðun um lokun fimm pósthúsa á landsbyggðinni og fimm útibúa að auki. Byggðarráð Húnaþings vestra mótmælti ákvörðun um að loka pósthúsinu á Hvammstanga en fá að öllum líkindum ekki snúið ákvörðuninni. Nú boðar Íslandspóstur til upplýsingafundar í Félagsheimilinu Hvammstanga mánudaginn 29. apríl kl. 17.Meira -
Baldur og Felix á Sauðárkróki og á Blönduósi í dag
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 23.04.2024 kl. 08.34Það hefur efalaust ekki farið framhjá neinum að það eru forsetakosningar framundan en kosið verður 1. júní. Næsta mánuðinn verða því forsetaframbjóðendur, sem stefnir jú í að verði nokkrir, á faraldsfæti og munu taka í hendur eins margra og auðið er. Í dag verða þeir Baldur og Felix á ferðinni hér norðan heiða og í dag heimsækja þeir Sauðárkrók og Blönduós – þar sem Felix bjó einmitt um tíma.Meira -
Lukkudísirnar voru í liði með FH
feykir.is Skagafjörður, Íþróttir 22.04.2024 kl. 20.44Fyrsti leikur Tindastóls í Bestu deild kvenna þetta árið fór fram nú undir kvöld en þá tóku Stólastúlkur á móti liði FH við ágætar aðstæður. Það verður varla annað sagt en að lukkudísirnar hafi verið í liði með gestunum því í það minnsta þrívegis skall boltinn í stangir FH marksins. Það voru hins vegar Hafnfirðingarnir sem gerðu eina mark leiksins snemma í síðari hálfleik og þrátt fyrir talsverða pressu og nokkur ágæt færi þá tókst liði Tindastóls ekki að jafna.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.