Ferðaþjónusta - sóknarfæri fyrir Skagafjörð
Skagafjörður geymir mikla sögu og er bæði fallegur og áhugaverður heim að sækja. Við megum vera stolt af fjölda ferðamanna sem leggja leið sína hingað. Hér er meðal annars ein af fallegustu sundlaugum landsins á Hofsósi, með stórbrotnu útsýni yfir fjörðinn og Drangey. Glæsileg söfn prýða héraðið, má þar nefna Byggðasafnið í Glaumbæ, Samgönguminjasafnið í Stóragerði og Vesturfarasetrið á Hofsósi. Fyrirtæki eins og Gestastofa sútarans á Sauðárkróki og afþreyingarfyrirtæki á borð við flúðasiglingar, eyjasiglingar og hestaleigur laða að sér ferðamenn.
Við erum lánssöm að búa í landi þar sem tækifærin eru næg til ferðaþjónustu. Ferðaþjónusta er ört vaxandi atvinnugrein á Íslandi sem nauðsynlegt er að hlúa að, því vöxtur hennar hefur góð áhrif á íslenskt efnahagskerfi. Fjöldi ferðamanna jókst um tæp 18,2% á milli áranna 2016 og 2017 samkvæmt Ferðamálastofu. Miklar árstíðarsveiflur eru ennþá í greininni, en ferðamannatíminn er þó að lengjast. Náttúran á Íslandi hefur mikið aðdráttarafl fyrir ferðamenn og er mikilvægt að nýta og njóta hennar af virðingu. VG og óháð vilja verja ásýnd héraðsins og marka sveitarfélaginu Skagafirði sérstöðu í umhverfismálum.
Reiðvegi um héraðið þarf að skipuleggja og bæta í samvinnu við hagsmunaaðila, en mikil aukning hefur orðið í hestatengdri ferðaþjónustu. Reiðvegir víða eru mönnum og hestum hættulegir og ógna umferðaröryggi. Einnig er mikilvægt að sveitarfélagið geti sýnt fram á umhverfisstefnu hvað varðar flokkun á sorpi um allan fjörðinn og bæti úr salernisaðstöðu fyrir ferðamenn.
Skagafjörður mun taka þátt í nýjum ferðamannavegi, með tilkomu Artic Coast Way ferðamannaveginum sem mun opna á næsta ári 2019. Það er leið um strandlengju Íslands sem nær frá Vopnafirði að Húnavatnssýslum sem gefur okkur Skagfirðingum ný sóknarfæri. Við hjá VG og óháðum viljum tryggja gott samstarf við ferðaþjónustuaðila innan sveitarfélagsins og sjá til þess að þessi ört vaxandi atvinnugrein njóti sín sem best. Þó ferðaþjónusta sé ekki lögbundið verkefni innan stjórnsýslunnar, þá er það hagur hvers sveitarfélags að stuðla að því að íbúum sé gert kleift að byggja upp fjölbreytta ferðaþjónustutengda atvinnu.
VG og óháð vita hversu mikilvægt er að styðja við frumkvöðlastarf og nýsköpun tengdri ferðaþjónustu og koma til með að leggja mikla áherslu á það í samstarfi við íbúa sveitarfélagsins.
VÓ fyrir fólkið í firðinum
Auður Björk Birgisdóttir - skipar 5. sæti VG og óháðra
Ingvar Daði Jóhannsson - skipar 9. sæti VG og óháðra
Fleiri fréttir
-
Er botninum náð, vísnavinir góðir?
feykir.is Skagafjörður, Listir og menning 20.04.2024 kl. 11.27Það styttist í Sæluviku Skagfirðinga og því rétt að minna á Vísnakeppni Safnahússins sem sagt var frá fyrr í mánuðinum hér í Feyki. Vísur og botnar verða að hafa borist Safnahúsi Skagfirðinga Faxatorgi 55, Sauðárkróki í síðasta lagi á miðnætti 23. apríl nk.Meira -
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira -
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.