Gott að búa í Húnaþingi vestra - Áskorandi Magnús Eðvaldsson Hvammstanga
Unnur fráfarandi oddviti Húnaþings skoraði á mig að skrifa eitthvað í Feyki og ég skorast ekki undan því frekar en öðru sem ég er beðinn um að gera. Ég er fæddur og uppalinn á Hvammstanga og flutti aftur heim fyrir 14 árum eftir námsdvöl á Suðurlandinu.
En um hvað á ég að skrifa? Kannski ég tali bara um hvað það er gott að búa í Húnaþingi vestra og sérstaklega gott að ala upp börn, og hversu fjölbreytt afþreying er í boði á svæðinu.
Eldri dóttir mín er að æfa knattspyrnu, fimleika og sund hjá U.m.f. Kormáki, samtals borga ég 10.000 krónur á önn í æfingagjöld eða 20.000 fyrir veturinn, sem er örugglega lægsta æfingagjald á landinu. Auk þess er hún að læra á píanó í tónlistarskólanum.
Yngri dóttir mín er líka að læra á píanó, síðan er hún í íþróttaskóla æfir blak, badminton og fimleika hjá U.m.f. Kormáki. Auk þess æfir hún hestafimleika og er á reiðnámskeiðum hjá Hestamannafélaginu Þyt. Það vantar ekki afþreyinguna fyrir ungt fólk í Húnaþingi vestra. Ekkert skutl og allt í rölt færi!
Ásamt því að starfa sem íþróttakennari á Hvammstanga á ég sæti í sveitastjórn Húnaþings vestra. Í sveitastjórninni hefur okkur undanfarið borið gæfa til þess að vinna saman og komast að sameiginlegri niðurstöðu í málum sama í hvaða stjórnmálaflokki fólk er og erum ekkert að ulla hvert á annað eins þeir gera fyrir sunnan. Því mun betra er að standa saman en að vera í stöðugum innbyrðis illdeilum. Það er gott að búa í Húnaþingi vestra!
Ég skora á Sigurð Þór Ágústsson skólastjóra Grunnskóla Húnaþings vestra að skrifa næsta pistil.
Áður birst í 35. tbl. Feykis 2018
Fleiri fréttir
-
„Við eigum frábæran efnivið í okkar hópi“
feykir.is Skagafjörður, Íþróttir 23.04.2024 kl. 15.47Hafnfirðingar höfðu betur gegn liði Tindastóls á gervigrasinu á Króknum í gær í fyrstu umferð Bestu deildarinnar. Leikurinn var ágætlega spilaður af beggja hálfu en lið Tindastóls sýndi ágæta takta og gerði eiginlega allt nema að koma boltanum í mark FH. Feykir lagði nokkrar spurningar fyrir Donna þjálfara þegar púlsinn var að komast í jafnvægi.Meira -
Ekkert heitt vatn á Hvammstanga nk. laugardag
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 23.04.2024 kl. 14.43Á vef Húnaþings vestra er sagt frá því að vegna bilunar í dreifikerfi hitaveitunnar á Hvammstanga verður lokað fyrir heita vatnið á Hvammstanga laugardaginn 27. apríl frá klukkan 08:00 – 18:00.Meira -
Plokkað um allt land á sunnudaginn
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2024 kl. 13.29Stóri plokkdagurinn á Íslandi verður sunnudaginn 28. apríl en þá ætla allir sem vettlingi geta valdið að fara út og plokka. Það geta allir tekið þátt í þessu ótrúlega skemmtilega og nauðsynlega verkefni því ruslið er víða. Rótarýhreyfingin á Íslandi hefur tekið þetta verkefni upp á sína arma og hvetur landsmenn alla; einstaklinga, fjölskyldur, vinahópa, vinnustaði og stofnanir, til að taka þátt.Meira -
Stórtjón á gervigrasvellinum á Króknum
feykir.is Skagafjörður, Íþróttir 23.04.2024 kl. 12.11Í leysingunum síðastliðinn laugardag fór gervigrasvöllurinn glæsilegi á íþróttasvæðinu á Sauðárkróki undir vatn og var völlurinn ekki leikhæfur á sunnudegi. Spilað var á vellinum í gær en ljóst var að völlurinn var ekki í góðu ástandi. „Í morgun mætti galvaskur hópur leikmanna Tindastóls og starfsmenn sveitarfélagsins og flettu gervigrasinu af á parti og kom í ljós að gúmmipúðinn undir er ónýtur,“ tjáði Adam Smári Hermannsson, formaður knattspyrnudeildar, Feyki.Meira -
Einvígi Tindastóls og Aþenu hefst á föstudag
feykir.is Skagafjörður, Íþróttir 23.04.2024 kl. 09.48„Einvígi við Aþenu leggst vel í mig. Aþena er með vel mannað lið í öllum stöðum og spila af mikilli ákefð. Það er mikil stemning í kringum bæði þessi lið og heimavöllurinn öflugur þannig að ég á von á hita og látum, bæði á vellinum og í stúkunni,“ segir Helgi Freyr Margeirsson, þjálfari kvennaliðs Tindastóls, en í gær varð ljóst að andstæðingur Stólastúlkna í einvíginu um sæti í Subway-deildinni yrðu lærisveinar Brynjars Karls, Aþena.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.