Hér er Skagfirðingur
Trjágreinarnar með gulnuðu laufi sem umvefja jólablað Feykis 2018 eru greinar gulvíðis (Salix phylicifolia) sem á rætur að rekja í Fögruhlíð í Austurdal í Skagafirði. Það sem er eftirtektarvert og raunar merkilegt við þennan víðir er að hann ólíkt flestum öðrum lauftrjám, heldur sölnuðu laufinu langt fram á vetur. Þetta má greinilega sjá á myndinni sem tekin er í Kópavogi 16. desember 2018.
Undirritaður átti því láni að fagna að fá nokkur haust, að fara með félögum í Ferðafélagi Skagfirðinga fram í Hildarsel þeirra erinda að ganga frá skálanum fyrir veturinn. Líklega hefur það verið árið 1994 sem ég tók afklippur af stæðilegum gulvíðirunna, tæplega tveggja metra háum. Afklippurnar voru geymdar í frysti til vors og þá stungið í mold. Upp af græðlingunum uxu plötur og fengu sumar þeirra vaxtarstað í „Nýfundnalandi“ í Gróðrarstöðinni Mörk í Blesugróf. Þar er nú Trjásafn Kópavogsbæjar. Hæsta víðiplantan þar var komin hátt á sjöunda metra þegar hún þurfti að víkja vegna framkvæmda. Ætla má að Fögruhlíðar gulvíðirinn henti vel til ræktunar í klippt limgerði.
Ennþá vaxa nokkrar þessara víðiplantna í Fossvogsdal og í trjásafni Kópavogs og eru líkur á að þær geti „undir manna höndum“ náð 7 til 10 metra hæð. Einnig eru fáeinar víðiplöntur af þessu eðalkyni á ræktunarsvæði Brimnesskóga, félags í grennd við ána Kolku í Skagafirði.
Á vefsíðunni http://www.floraislands.is segir:
„Gulvíðir Salix phylicifolia er stærstur af íslenzku víðitegundunum. Þetta er runni sem verður oft 4 m hár við góð skilyrði, jafnvel hærri þar sem hann vex inni í þéttum skógi. Gulvíðir er algengur um allt landið upp í 550 til 600 m hæð, en vex sjaldan hærra. Hann kann oftast bezt við sig í deiglendi og velur sér lægri og votari svæðin innan birkiskógarins.
Gulvíðir breiðir mikið úr sér til hliðanna og myndar oft kringlótta runna sem verða 5-10 m í þvermál og 4-5 m á hæð“.
Samkvæmt þessum upplýsingum úr „Flórunni“ lætur Skagfirðingurinn úr Fögruhlíð ekki að sér hæða. Hann hefur slegið óopinbert íslenskt hæðarmet gulvíðs, með því að ná tæplega sjö metra hæð, „undir mannahöndum“ í Kópavogi. Auk þess má ætla að þytur í laufi Fögruhlíðar víðisins sé meiri og betri en í utanhéraðsvíði.
Steinn Kárason
Fleiri fréttir
-
Alvarleg vanræksla á nautgripum kærð til lögreglu
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05Í tilkynningu á vef Matvælastofnunar er greint frá því að MAST hafi kært til lögreglu alvarlega vanrækslu eftir að 29 nautgripir fundust dauðir í gripahúsi við eftirlit á lögbýli á Norðurlandi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.Meira -
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira -
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira -
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.