Hólahátíð :: Gísli Gunnarsson Hólabiskup skrifar
Hólahátíð hefur verið haldin árlega í 17. viku sumars allt frá stofnun Hólafélagsins árið 1964, eða í tæp sextíu ár. Áður voru svipaðar hátíðir haldnar í kringum 1950 þegar turninn var reistur við Hóladómkirkju, en þá var þess minnst að fjögur hundruð ár voru liðin frá aftöku Jóns Arasonar biskups og sona hans tveggja, Björns og Ara. Á þessu ári eru liðin 260 ár frá vígslu Hóladómkirkju.
Hólahátíðin 2023 verður haldin helgina 12.-13. ágúst.
Seinnipart laugardagsins verður útgáfuhátíð á Hól-um, en þá verða gefnar út á vegum Hins íslenska bókmenntafélags sálmabækur Marteins biskups Einarssonar og Gísla biskups Jónssonar, svo og sálmabók Guðbrands biskups Þorlákssonar.
Dagskrá útgáfuhófsins verður í höndum þeirra sem unnið hafa að útgáfunni, en það eru: Jón Torfason, Karl Sigurbjörnsson biskup, Kristján Eiríksson, Bragi Halldórsson, svo og tónlistarkonurnar Elín Gunnlaugsdóttir og Guðrún Laufey Guðmundsdóttir.
Á laugardeginum verða einnig Pílagrímagöngur. Sr. Þorgrímur Daníelsson mun leiða göngu úr Svarfaðardal um Heljardalsheiði til Hóla. Einnig verður boðið upp á göngu upp í Gvendarskál í Hólabyrðu og létta göngu um hinn fallega Hólaskóg.
Hátíðarmessa verður á sunnudeginum kl. 14. Sr. Kristján Valur Ingólfsson fyrrverandi Skálholtsbiskup prédikar og Kammerkór Skagafjarðar syngur ásamt kirkjukór Hóladómkirkju. Organisti er Jóhann Bjarna-son og stjórnandi Helga Rós Indriðadóttir. Síðan verður öllum boðið að þiggja veitingar og eftir það er hátíðardagskráin í kirkjunni. Þar mun Ásgeir Jónsson, seðlabankastjóri og Hólamaður, flytja hátíðarræðu og Kammerkór Skagafjarðar syngur.
Löngum hefur Hólahátíð verið héraðshátíð okkar Skagfirðinga, auk þess sem fólk úr Hólastifti og frá landinu öllu sækja okkur heim. Ef Skagfirðingar standa ekki vörð um Hóla og starfsemina þar, bæði varðandi Háskólann og biskupsembættið, þá gera ekki aðrir það. Gerum Hólahátíð aftur að héraðshátíð.
Verið hjartanlega velkomin heim að Hólum, á Hólahátíð.
Gísli Gunnarsson,
Hólabiskup
Fleiri fréttir
-
Styttist vonandi í frumsýningu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 03.05.2024 kl. 14.15Það hefur sennilega ekki farið framhjá mörgum að Leikfélag Sauðárkróks þurfti að fresta frumsýningu vegna veikina í leikhópnum. Fjölmargir voru þegar búnir að kaupa sér miða á sýninguna og ljóst að Litla hryllingsbúðin verður sýnd það er bara ekki alveg komið á hreint hvenær.Meira -
Atkvæðagreiðsla utan kjörfundar vegna forsetakjörs 1. júní 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 03.05.2024 kl. 13.45Í tilkynningu frá Sýslumanninum á Norðurlandi vestra eru hér upplýsingar um utankjörfundaratkvæðagreiðsla vegna forsetakjörs þann 1. júní 2024 er hafin.Meira -
F. Jónsson stækka trésmíðaverkstæði sitt um ríflega helming
feykir.is Skagafjörður 03.05.2024 kl. 13.32Talsvert hefur verið byggt af iðnaðarhúsnæði á Sauðárkróki nú í vetur og þar á meðal má nefna að F. Jónsson byggingaverktakar hafa verið að stækka við sig. Friðrik Þór Ólafsson, starfsmaður F. Jónsson, segir að með byggingunni sé verið að rúmlega tvöfalda stærð aðstöðu þeirra en við eldra húsnæðið bætast nú 800 m2. „Innan þessarar nýbyggingar eru aðallega geymslur fyrir ýmisleg tengt okkar stafsemi en þar að auki er gert ráð fyrir vélskemmu og nýrri skrifstofu og aðstöðu starfmanna,“ segir Friðrik.Meira -
Tvöfaldur skammtur af Stólastúlkum í kvöld
feykir.is Skagafjörður, Íþróttir 03.05.2024 kl. 13.22Stuðningsfólk Tindastóls gæti lent í smá veseni í kvöld þegar ákveða þarf hvar skal koma sínum Stólarassi fyrir á höfuðborgarsvæðinu. Ástæðan er sú að Stólastúlkur verða bæði í eldlínunni í Bestu deild kvenna í knattspyrnu á Samsung-vellinum í Garðabæ en í Austurbergi í Breiðholti Reykjavíkur spila körfuboltastelpurnar þriðja leikinn í einvígi sínu við lið Aþenu um sæti í Subway-deildinni.Meira -
Tólf í framboði til embættis forseta Íslands
feykir.is Skagafjörður, Austur-Húnavatnssýsla, Vestur-Húnavatnssýsla 03.05.2024 kl. 09.14Tólf verða í framboði til forseta Íslands í kosningunum 1. júní næstkomandi en þá ræðst hver verður sjöundi forseti lýðveldisins. Landskjörstjórn fór yfir öll framboð sem bárust og úrskurðað um gildi þeirra. Tvö framboð voru úrskurðuð ógild en Viktor Traustason kærði úrskurðinn og fékk tækifæri til að lagfæra undirskriftalistann sinn sem hann og gerði. Fyrsti sjónvarpsfundur frambjóðanda í Sjónvarpi allra landsmanna verður í kvöld og hefst kl. 19:40.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.