Hvað var gert í dagvistunarmálum á kjörtímabilinu?
Í ljósi umræðunnar í aðdraganda kosninga þetta vorið mætti halda að ekkert hafi verið unnið að úrlausn dagvistunarmála í Sveitarfélaginu Skagafirði síðustu misserin. Það er þó fjarri sanni. Bráðabirgðalausnir hafa verið fundnar vegna húsnæðismála í leikskólunum á Hofsósi og í Varmahlíð og einnig þurfti að leysa bráðavanda á Sauðárkróki. En auðvitað þarf að gera betur og það er ætlun okkar sem skipum lista Sjálfstæðisflokksins fyrir þessar kosningar.
Eðli málsins samkvæmt er fjöldi notenda þessarar þjónustu misjafn frá ári til árs, því ekki hefur neinum ennþá dottið í hug að setja kvóta á fæðingar barna eða flutninga þeirra til sveitarfélagsins. Árgangar eru því misstórir og þegar stórir árgangar koma á eftir fámennum verður erfitt um pláss á leikskólunum. Þessi staða kom upp í fyrra á leikskólanum Ársölum þegar fámennur árgangur hætti en stór árgangur beið inntöku. Á sama tíma fækkaði dagforeldrum og engin viðbrögð voru við auglýsingum um Sveitarfélagsins eftir dagforeldrum.
Það var hins vegar augljóst að ekki risi nýr leikskóli á örfáum mánuðum og stærsti vandinn var tímabundinn því fámennari árgangar voru í sjónmáli. Engu að síður þurfti að leysa bráðavanda strax.
Því var gripið til til þess ráðs að tillögu meirihlutans að hækka niðurgreiðslur til dagforeldra um 20% og þeim voru jafnframt tryggðar greiðslur fyrir þrjú börn í ellefu mánuði á ári, þannig að ef öll börn hjá dagforeldri fengju pláss á leikskóla á sama tíma stæði dagforeldri ekki upp án tekna. Jafnframt var ákveðið að ef ekki fengist pláss hjá dagforeldri stæðu foreldrum þessar greiðslur til boða og hæfust þær við níu mánaða aldur barns. Algjör samstaða var um þessar lausnir í félags- og tómstundanefnd enda er það oftast þannig í nefndum sveitarfélagsins að þar vinnur fólk að lausnum sama hvar í flokki það stendur og þannig á það líka að vera.
Þessar aðgerðir skiluðu þeim árangri að nú eru starfandi dagforeldrar fimm talsins, en voru áður tveir. Foreldrar hafa nýtt sér niðurgreiðslurnar og nú í apríl var greitt með tólf börnum. Biðlisti vegna leikskólaplássa á Ársölum eftir inntöku í haust telur sextán börn. Aðeins átta af þessum sextán börnum verða orðin eins árs þegar inntöku líkur. Elsta barnið af þeim sem ekki komast inn er fætt í júlí. Engir biðlistar eru við aðra leikskóla Sveitarfélagsins.
Framtíðarlausnin er hins vegar fólgin í fjölgun leikskólaplássa og það verður ekki gert nema með nýbyggingu og þá horfir Sjálfstæðisflokkurinn til viðbyggingar við yngra stig leikskólans „Glaðheima“ við Víðigrund að undangengnu samráði við aðila máls.
Búið er að ákveða framtíðarlausn á Hofsósi með viðbyggingu við Grunnskólann og lausn í Varmahlíð verður fundin á kjörtímabilinu í samráði við notendur þjónustunnar og starfsmenn þar. Einnig rekur sveitarfélagið leikskóla á Hólum í sama húsnæði og grunnskólinn og í samvinnu við hann og hefur það reynst vel.
Það er von mín að staða dagvistunarmála í sveitarfélaginu verði önnur og betri næst þegar við göngum til kosninga og Sjálfstæðisflokkurinn vill leggja sitt af mörkum til þess að svo megi verða.
Setjum X við D á kjördag.
Guðný Axelsdóttir
Fleiri fréttir
-
Mikilvægi tækninnar til byggðarþróunar
feykir.is Skagafjörður, Austur-Húnavatnssýsla, Vestur-Húnavatnssýsla 18.04.2024 kl. 10.09Arnar Már Elíasson, forstjóri Byggðastofnunar, sagði í erindi sínu að á ársfundi Byggðastofnunar að í landsbyggðunum fari fram mikilvægustu atvinnuvegir Íslands, öll orkuöflun landsins, þar sé matvælaframleiðslan, öll stóriðjan og stærstur hluti ferðamennskunnar.Meira -
Lið Grunnskóla Húnaþings vestra komið í úrslit Skólahreysti
feykir.is Íþróttir, Vestur-Húnavatnssýsla, Mannlíf 17.04.2024 kl. 18.40Í dag tók lið Grunnskóla Húnaþings vestra þátt í hasarnum sem Skólhreysti er en keppnin fór fram í Laugardagshöll og var sýnd í beinni útsendingu á RÚV. Það var ekki að spyrja að því að Húnvetningarnir komu, sáu og sigruðu sinn riðil og hafa því tryggt sér sæti í úrslitum keppninnar sem fara fram 25. maí.Meira -
Stólarnir ráðast ekki á garðinn þar sem hann er lægstur
feykir.is Skagafjörður, Íþróttir 17.04.2024 kl. 16.41„Þetta er spennandi leikur sem allir strákarnir hlakka til!“ sagði Dominic Furness, þjálfari karlalið Tindastóls, en dregið var í 32 liða úrslitum Mjólkurbikars karla í knattspyrnu nú í vikunni. Verkefnið sem Stólarnir fengu var ekki það þægilegasta, útileikur á Akranesi gegn Bestu deildar liði ÍA.Meira -
Samvinna er lykillinn að góðri útkomu
feykir.is Skagafjörður, Austur-Húnavatnssýsla, Vestur-Húnavatnssýsla 17.04.2024 kl. 14.01Viðbragðsaðilar á Norðurlandi vestra stefna á hópslysaæfingu þann 11. maí næstkomandi. Í gær hittist hluti hópsins í húsnæði Krútt á Blönduósi og æfði viðbragð annars vegar við flugslysi og hins vegar rútuslysi þar sem settar voru upp tvær borðæfingar. Frá því segir á Facebook-síðu Lögreglunnar á Norðurlandi vestra að æfingar gærdagsins hafi verið undirbúningur fyrir stóru æfinguna í maí en samvinna er að sjálfsögðu lykilinn að góðri útkomu. „Samhæft viðbragð skilar betri þjónustu til borgaranna,“ segir í færslunni. Feykir forvitnaðist aðeins um æfinguna hjá Ásdísi Ýr Arnardóttur, sérfræðingi hjá LNV.Meira -
Vel heppnaður dagur og söfnun gengur vel
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 17.04.2024 kl. 13.24Fjölskyldufjör var haldið föstudaginn 12. apríl sl. í Varmahlíð þegar Ungmenna- og íþróttafélagið Smári, Foreldrafélag Varmahlíðarskóla og Kvenfélög Seyluhrepps, Lýtingsstaðahrepps, Akrahrepps og Staðarhrepps tóku höndum saman og hófu söfnun fyrir leik- og íþróttatækjum í Varmahlíð. Með söfnuninni var verið að svara kalli nemenda miðstigs Varmahlíðarskóla við erindi þar sem þau bentu á þörfina fyrir bættri aðstöðu til útiveru og hreyfingar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.