Já „Allskonar“ er á stefnuskrá framsóknarmanna
Þuríður Harpa Sigurðardóttir, framkvæmdastjóri og formaður Sjálfsbjargar skrifaði góða grein í Feyki þar sem hún minnir á að samfélagið gerir ekki alltaf ráð fyrir að allir komist óhindrað leiðar sinnar eða að allir eigi sömu möguleika á að framkvæma daglegar athafnir sem okkur ófötluðum þykir sjálfsagðar og eðlilegar. Greinin er í senn þörf áminning til okkar sem forgangsröðum framkvæmdum sveitarfélagsins en um leið ágæt lýsing á hugsunarleysi okkar sem ekki þurfum að velta fyrir okkur öllum þeim fjölmörgu athöfnum, stórum sem smáum, sem daglegt líf býður okkur.
Þuríður spyr hvað sé á stefnskrá framboðanna varðandi málefni fatlaðs fólks. Það er okkur framsóknarmönnum afar dýrmætt að gera Sveitarfélagið Skagafjörð að fyrirmyndarsamfélagi í málefnum fatlaðs fólks og að því munum við vinna. Í þeim tilgangi höfum við ákveðið að stofna faghóp strax að kosningum loknum sem verði skipaður fulltrúum Sjálfsbjargar og sveitarfélagsins sem hafi það hlutverk að fara yfir m.a. þjónustu sveitarfélagsins við fatlað fólk og skila tillögum til úrbóta. Okkur öllum má ljóst vera að það er brýnt að bæta þjónustu við fatlað fólk og ég hygg að við sem bjóðum okkur fram til að fara með málefni sveitarfélagsins séum öll sammála um að betur má ef duga skal.
Það veit þó enginn betur en þeir sem búa við hindranir vegna fötlunar hvernig best er að standa að úrbótum sem koma til móts við þarfir og óskir fólks um þjónustu og framkvæmdir. Þess vegna er faghópnum jafnframt ætlað að forgangsraða og tímasetja framkvæmdir sem lúta að aðgengi að byggingum í sveitarfélaginu, skilgreina þjónustu og skýra betur hlutverk og samskipti. Það er von mín að faghópur þessi marki upphaf að reglulegu samráði og árangursríku samstarfi á milli kjörinna fulltrúa í sveitarstjórn, fyrirtækja í sveitarfélaginu og samtaka fatlaðs fólks.
Ég sé fyrir mér að allar nefndir sveitarfélagsins hefðu aðgang að faghópnum til umsagnar um fyrirhugaðar aðgerðir.
Notendastýrð persónulega aðstoð hefur gefist vel og mun ég beita mér fyrir því að hún sé komin til að vera og nái að þróast og þroskast eftir þörfum hvers og eins.
Samfélaginu öllu er mikilvægt að sem flestir geti lagt sitt af mörkum og geti notið hæfileika sinna. Þetta á við um okkur öll, óháð líkamlegri eða andlegri getu. Ég vona að ég fái tækifæri til að vinna markvisst að úrbótum í málefnum fatlaðs fólks og hlakka til að eiga samstarf við fulltrúa þeirra um þau mál sem á þeim brenna og Þuríður Harpa spyr um í grein sinni.
Sigríður Magnúsdóttir, skipar 2. sæti B-lista Framsóknarflokks í Skagafirði
Fleiri fréttir
-
Hestamenn slá botninn í Sæluvikuna
feykir.is Skagafjörður, Íþróttir, Mannlíf, Lokað efni 01.05.2025 kl. 13.51Það fer vel á því að Sæluviku Skagfirðinga endi á hátíð hestamanna en á laugardaginn verður sýningin Tekið til kostanna í Reiðhöllinni Svaðastöðum og hefst kl. 19:00. Kvöldið áður dregur til tíðinda í Mesitaradeild KS þegar lokamótið fer fram í Svaðastaðahöllinni en keppt verður í tölti og Fluguskeiði. Þessu má auðvitað ekki nokkur maður missa af. Feykir lagði nokkrar spurningar fyrir Sigurlínu Erlu Magnúsdóttur sem stjórnar þessu öllu saman.Meira -
Skörungur í sögu verkalýðsbaráttunnar | Álfhildur Leifsdóttir skrifar
feykir.is Skagafjörður, Aðsendar greinar 01.05.2025 kl. 13.001.maí hefur löngum verið dagur samstöðu, baráttu og vonar. Þetta er dagur verkalýðsins sem hefur lengi barist fyrir betri kjörum, styttri vinnudegi, mannsæmandi launum og auknu öryggi á vinnustöðum. En þessi dagur er líka áminning um að baráttan er ekki búin, hún heldur áfram í nýjum myndum, með nýjum áskorunum og nú á Kvennaári 2025 hefur hún aldrei verið mikilvægari.Meira -
Starf skólameistara við FNV laust til umsóknar
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 01.05.2025 kl. 10.41Mennta- og barnamálaráðuneytið auglýsir embætti skólameistara Fjölbrautaskóla Norðurlands vestra laust til umsóknar. Skólanum hefur haldist ákaflega vel á sínum skólameisturum sem hafa frá stofnun aðeins verið tveir; fyrst Jón F. Hjartarson en hann stýrði skólanum allt þar til sumarið 2011 að Ingileif Oddsdóttir tók við taumunum.Meira -
Logi vill efla styrki til fjölmiðla á landsbyggðinni
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 30.04.2025 kl. 15.50Í Spursmálum Mbl.is er haft eftir Loga Einarssyni menntamálaráðherra að hann hyggist auka við styrki minni fjölmiðla úti á landi, á kostnað tveggja stærstu einkareknu miðlanna, til þess að styrkja sjálfsmynd fólks á landsbyggðinni.Meira -
Skólahreysti hefst í dag
feykir.is Skagafjörður, Vestur-Húnavatnssýsla 30.04.2025 kl. 15.00Fyrstu tveir riðlar í Skólahreysti 2025 verða í dag miðvikudaginn 30. apríl á Akureyri og fara þeir fram í Íþróttahöllinni kl. 17.00 og kl. 20.00 í beinni útsendingu á RÚV. Í fyrri riðli kvöldsins keppa Árskóli, Varmahlíðarskóli og Gr. Húnaþings vestra ásamt fimm öðrum skólum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.