Magnificat í Miðgarði – Gunnar Rögnvaldsson skrifar
Það var sannarlega kraftur og metnaður í tónleikum Skagfirska Kammerkórsins á sunnudaginn var sem haldnir voru undir yfirskriftinni „Í takt við tímann“. Kórinn hafði fengið til liðs við sig Kammerkór Norðurlands og Sinfóníettu Vesturlands til flutnings á verkinu Magnificat eftir John Rutter.
Fyrir hlé voru þó íslensk einsöngslög í fyrirrúmi þar sem Helga Rós Indriðadóttir og Kolbeinn Jón Ketilsson fluttu með glæsibrag nokkrar af perlum íslenskra tónskálda mörg hver í nýjum útsetningum hljómsveitarstjórans Guðmundar Óla Gunnarssonar. Túlkun þeirra á viðskiptum Galdra Lofts og Steinunnar barnsmóður hans í verki Jóns Ásgeirssonar var svo feykilega dramatísk að mátti engu muna að Kolbeinn aflaði sér óvina í salnum sem hinn lítt geðþekki Loftur. Tignarleiki og raddstyrkur beggja á sviði gerði enn meira úr flutningi laganna samt góðu jafnvægi undirleiks Sinfóníettunnar sem Tómas Higgerson píanóleikari lék með, en hann sá um undirleik á æfingatímabilinu.
Eftir hlé gengu sameinaðir kórar á svið og strax í upphafi var tónninn sleginn. Magnificat er að mestu á latínu og feyknalega kraftmikið tónverk þar sem reynir á bæði styrk og tónhæð söngvara. Má ég fullyrða að sjaldan hefur jafn þróttmikill blandaður kór stigið á stokk í Miðgarði og var „ekkert skilið eftir“. Í nokkrum þeirra sjö köflum, sem stykkið er, söng Helga Rós Indriðadóttir, stjórnandi Skagfirska Kammerkórsins, einsöng og var sem þetta væri skrifað fyrir hana, svo vel féll allur flutningur saman.
Guðmundur Óli hafði alla þræði í hendi sér og það er ekki bara gaman að hlusta á slíkan flutning heldur og horfa á, öll þau svipbrigði og árvekni söngvara og hljóðfæraleikara. Allt skapaði þetta saman ákaflega góða stemmingu og viðbrögð fjölmargra áhorfenda samkvæmt því. Langvarandi lófatak og fagnaðarlæti sem þakklæti fyrir framúrskarandi skemmtun. Það er líka svo makalaust að sjá hvernig tónlistin sameinar bændur, fornleifafræðinga, lækna, kennara og atvinnutónlistarfólk í einu og sama markmiðinu. Hvar gerist það annarsstaðar?
Ég hvet alla sem tækifæri hafa á að fjölmenna á þennan viðburð sem er hluti af 100 ára fullveldisafmæli þjóðarinnar og verður fluttur aftur í Bíóhöllinni á Akranesi á laugardaginn og Langholtskirkju á sunnudaginn kemur.
Gunnar Rögnvaldsson
Fleiri fréttir
-
Valið vekur furðu vestan Þverárfjalls
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 11.20Heimasíða RÚV flytur fréttir en þar mátti í morgun sjá athyglisverða og skemmtilega úttekt á fótboltavöllum landsins. Þar eru nefndir til sögunnar fótboltavellirnir á Sauðárkróki og á Hofsósi þó svo að þeir ágætu vellir hafi ekki komist í hóp tíu flottustu valla landsins. Blönduósvöllur og Sjávarborgarvöllur á Hvammstanga voru ekki nefndir á nafn í úttektinni og því leitaði Feykir viðbragða hjá Aðdáendasíðu Kormáks og þar stóð ekki á svörum en umsjónarmaður furðar sig á valinu.Meira -
Atli Þór fullkomnar hóp Kormáks/Hvatar
feykir.is Austur-Húnavatnssýsla, Íþróttir, Vestur-Húnavatnssýsla 26.04.2024 kl. 09.44Síðasti dagur félagaskipta í efri deildum Íslandsmótanna í knattspyrnu var nú á miðvikudaginn. Þá bætti lið Kormáks/Hvatar við sig einum leikmanni því Atli Þór Sindrason var síðasta liðsstyrking hópsins fyrir mót.Meira -
Sæluvikan að bresta á
feykir.is Skagafjörður, Listir og menning 26.04.2024 kl. 08.34„Skipulagning Sæluviku gengur vel og viðburðir eru enn að bætast við,“ segir Heba Guðmundsdóttir sem hefur veg og vanda af skipulagningu Sæluvikunnar líkt og undanfarin ár og má því mögulega kalla verkefnastjóra Sæluvikunnar. „Það verða flestir fastir liðir á sínum stað á Sæluviku og mér finnst alltaf vera metnaður og spenna fyrir því að vera með hjá þeim sem skapað hafa þá hefð að standa fyrir viðburði á Sæluviku.“Meira -
Vinnustofa um gerð loftlagsstefnu sveitarfélaga
feykir.is Austur-Húnavatnssýsla, Vestur-Húnavatnssýsla 26.04.2024 kl. 08.32SSNV stóð fyrir vinnustofu í félagsheimilinu á Hvammstanga nú í vikunni um gerð loftlagsstefnu sveitarfélaga í samtarfi við KPMG. Vinnustofan var sérstaklega fyrir Húnavatnssýslur. Góð þátttaka var á vinnustofunni og áhugaverðar umræður sköpuðust.Meira -
Áfram Hvöt er nýtt stuðningsmannalag þeirra hvítu og rauðu
feykir.is Austur-Húnavatnssýsla, Listir og menning 26.04.2024 kl. 07.47„Ungmennafélaginu Hvöt hefur lengi vantað gott stuðningsmannalag en þónokkur ár eru síðan Ekki vera löt, allir í Hvöt kom út. Þegar ég hafði samband við Einar Örn og Baldur síðsumars 2023 stóð ekki á svörum. Úr varð þessi frábæri hittari sem mun án efa fá góðar viðtökur hjá félagsmönnum Hvatar, íbúum Húnabyggðar og bara öllum öðrum. Áfram Hvöt!” segir Grímur Rúnar Lárusson, formaður Ungmennafélagsins Hvatar, í færslu á Facebook-síðu Umf. Hvatar þar sem nýtt stuðningsmannalag, Áfram Hvöt, er kynnt til sögunnar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.