Gul veðurviðvörun á Norðurlandi vestra á laugardegi
Þeim á Veðurstofunni hefur sennilega fundist nóg um hvað við hér á Norðurlandi vestra höfum sloppið vel frá veðrinu í vetur og hafa skellt á okkur gulri veðurviðvörun á morgun, laugardag. Sú gula stendur frá því 8 í fyrramálið og eitthvað fram eftir degi. Spáin fyrir næsta sólarhring er á þessa leið fyrir Strandir og Norðurland vestra: „Sunnan 13-18 m/s og slydda eða rigning með köflum, en él með kvöldinu. Hiti 2 til 9 stig að deginum. 15-25 í nótt og á morgun og slydda eða él, hvassast á Ströndum. Heldur hægari annað kvöld. Kólnandi veður með hita um og yfir frostmarki.“
Það er gul viðvörun fyrir suðvesturhornið sem stendur og stendur til kl. 16:00. Hvassviðrið hefst svo við Breiðafjörð snemma í fyrramálið og nær svo til Vestfjarða og Norðurlands vestra. Í fyrramálið verður ansi snörp sunnanátt og varir mest allan daginn. Hiti verður að líkindum yfir frostmarki þannig að við sjávarsíðuna er reiknað með slyddu en inn til landsins mun sennilega snjóa.
Veðrið gengur niður aðfaranótt sunnudags en það er ekki á vísan að róa með veðrið næstu dagana og ætli umhleypingar séu ekki besta lýsingin á veðurspánni fram í næstu viku.
Nú um klukkan 14 á föstudegi er færð ágæt á Norðurlandi vestra, flestir vegir á láglendi eru hreinlega greiðfærir. Hálka er á Þverárfjalli, Vatnsskarði og Öxnadalsheiði en snjóþekja á Holtavörðuheiði og éljagangur.
Fleiri fréttir
-
Krúttfrétt vikunnar!
feykir.is Skagafjörður, Austur-Húnavatnssýsla, Vestur-Húnavatnssýsla 06.03.2026 kl. 15.20Það var skemmtileg frétt á Facebook-síðu HSN á Norðurlandi sem okkur fannst nauðsynlegt að deila með lesendum Feykis svona rétt fyrir helgina og má segja að þetta sé krúttfrétt vikunnar.Meira -
Varhugaverðar hugmyndir ráðherra um breytingar á raforkulögum | Friðrik Már Sigurðsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 06.03.2026 kl. 15.17Jóhann Páll Jóhannsson, umhverfis-, orku- og loftslagsráðherra, hefur kynnt hugmyndir um róttækar breytingar á raforkulögum. Samkvæmt þeim yrði ríkinu og fyrirtækjum þess veittar auknar heimildir til að hraða innviðaframkvæmdum og „ryðja hindrunum úr vegi“ sem taldar eru hamla framgangi orkuflutnings. Þessi grein er ekki skrifuð í þeim tilgangi að gera lítið úr mikilvægi þess að efla raforkuflutningskerfið.Meira -
Domi tekur við Stólastúlkum í fótboltanum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 06.03.2026 kl. 13.44Knattspyrnudeild Tindastóls kynnir með ánægju ráðningu á nýjum aðalþjálfara mfl. kvenna, Carlos Dominguez Requena, eða Domi eins og hann er jafnan kallaður. Það var því ekki leitað langt yfir skammt að þessu sinni en Domi og fjölskylda búa á Króknum en Domi á að baki 127 leiki í íslenska boltanum, ýmist með liði Tindastóls eða Kormáki/Hvöt..Meira -
Hvað felst í því að halda áfram aðildarviðræðum? | Erna Bjarnadóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 06.03.2026 kl. 13.39Þegar rætt er um að halda áfram aðildarviðræðum við Evrópusambandið er iðulega látið líta út sem hefja eigi samtal frá grunni. Mikilvægt er að muna að fyrri viðræður stóðu í heilt kjörtímabil og því verður ekki litið fram hjá þeim grunni sem þá var lagður.Meira
