Sameinuð erum við sterkari heild.
Sveitarstjórnir Skagabyggðar og Húnabyggðar hafa ákveðið að boða til íbúakosninga núna í júní um sameiningu sveitarfélaganna. Að baki þeirri ákvörðun liggur niðurstaða samstarfsnefndar um sameiningu sveitarfélaganna. Sú niðurstaða er að það sé framfaraskref að sameina sveitarfélögin í eitt sveitarfélag og með því verði það öflugt, með sterkari rekstrargrundvöll til að bæta þjónustu við íbúa og hafi aukinn slagkraft. Ég get tekið heilshugar undir þá niðurstöðu. En hvers vegna?
Við búum við það í Skagabyggð að kosið hefur verið í sveitarstjórn með persónukjöri og það vald er hjá íbúum að velja sér fólk í sveitarstjórn sem jafnvel hefur ekki áhuga á því eða tíma til að sinna verkefninu. Við sem höfum starfað í sveitarstjórn, eða þau sem starfa þar núna, höfum hingað til reynt að gera okkar besta en ríkari kröfur gera vinnuna oft erfiða og flóknari. Íbúar gera ríkari kröfur um þjónustu og upplýsingaflæði, ásamt skilvirkari stjórnsýslu. Sömu kröfur eru á sveitarfélög af hálfu opinberra aðila, hvort sem það er fámennt sveitarfélag eins og Skagabyggð eða fjölmenn sveitarfélög eins og Akureyri eða Reykjavík. Ég þekki það sjálf, hafandi starfað sem oddviti Skagabyggðar 2018-2022 að stjórnun og þjónusta lítils sveitarfélags er ekki hrist framúr erminni eða eingöngu sinnt á kvöldin í hlutastarfi.
Skagabyggð er eitt af fámennari sveitarfélögum landsins og þarf að kaupa nær alla þjónustu af stærri sveitarfélögum í kringum sig eða er í byggðasamlögum um ýmsa íbúaþjónustu. Stefna stjórnvalda er að stækka (og þar með fækka) sveitarfélögum á landinu og við því þarf að bregðast.
Við þurfum aukinn slagkraft og samstöðu á okkar svæði því í alltof langan tíma höfum við ekki getað komið okkur saman um að sameinast þótt samvinnan hafi verið góð. Við reyndum stóra sameiningu 2021 sem gekk ekki þá en það þýðir ekkert að horfa í baksýnisspegilinn og hugsa um það. Horfum frekar framávið og hugsum um framtíðina. Við þurfum styrka og trygga þjónustu við íbúa á dreifðum svæðum sem og í þéttbýli og ég tel að sameinað sveitarfélag sé vel í stakk búið til að gera það. Ég hef ekki miklar áhyggjur af því að við íbúar í Skagabyggð munum gleymast í stjórnsýslu Húnabyggðar né heldur að þjónusta við okkur verði eitthvað öðruvísi en við aðra íbúa sveitarfélagsins. Heimastjórn í Skagabyggð á að gæta hagsmuna íbúa.
Ég hvet íbúa í Skagabyggð og Húnabyggð að kynna sér sameiningartillöguna inni á heimasíðum sveitarfélaganna og mæta á kjörstað. Tölum svæðið okkar og fólkið sem stendur í brúnni upp en ekki niður, það skilar betri árangri.
Dagný Rósa Úlfarsdóttir, grunnskólakennari, íbúi í Skagabyggð og fyrrverndi oddviti Skagabyggðar.
Fleiri fréttir
-
Valdís Ósk Óladóttir ráðin í starf ráðgjafa í barnavernd hjá Skagafirði
feykir.is Skagafjörður, Austur-Húnavatnssýsla, Vestur-Húnavatnssýsla 26.07.2024 kl. 13.07Á vef Skagafjarðar segir að Valdís Ósk Óladóttir hefur verið ráðin í starf ráðgjafa í barnavernd á fjölskyldusviði hjá sveitarfélaginu Skagafirði. Valdís er með BSc. gráðu í viðskiptalögfræði frá Háskólanum á Bifröst og ML gráðu í lögfræði frá Háskólanum í Reykjavík. Valdís Ósk hefur góða þekkingu á barnaverndarlögunum og skrifaði meistaraprófsritgerð sína um réttindi barna og þvingunarúrræði skv. barnaverndarlögum. Samhliða námi sínu hefur Valdís Ósk starfað hjá Barna- og fjölskyldustofu og á meðferðarheimilinu Krýsuvík og öðlast þar reynslu í ráðgjöf og vinnslu barnaverndarmála.Meira -
Forvarnaráætlun fyrir leik/grunn og framhaldsskóla á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 26.07.2024 kl. 11.44Félags- og skólaþjónusta Austur-Húnvetninga fékk styrk upp á fjórar milljónir frá Sprotasjóði Rannís í maí 2023 til að vinna að forvarnaráætlun fyrir börn á leik/grunn og framhaldsskólaaldri. Markmið verkefnisins var að búa til sameiginlega forvarnaáætlun fyrir Norðurland vestra til fjögurra ára sem stuðla myndi að farsæld og forvörnum allra barna á svæðinu. Forvarnir eru til alls fyrst og er áætlunin öllum aðgengileg á heimasíðum sveitarfélaganna á Norðurlandi vestra.Meira -
Frítt inn á Byggðasafn Húnvetninga og Strandamanna sunnudaginn 28. júlí
feykir.is Skagafjörður, Austur-Húnavatnssýsla, Vestur-Húnavatnssýsla 26.07.2024 kl. 11.11Í tilefni af hátíðinni Eldur í Húnaþingi sem haldin er þessa dagana verður frítt inn á Byggðasafn Húnvetninga og Strandamanna sunnudaginn 28. júlí. Safnið er opið milli kl. 9-17 og er staðsett á Reykjum í Hrútafirði í Húnaþingi vestra, tæpum kílómeter frá þjóðvegi eitt og leggur safnið áherslu á líf og störf fólks og síðari hluta 19. aldar og byrjun þeirrar 20.Meira -
Andri Már stígur á stokk í Mexíkó
feykir.is Skagafjörður, Listir og menning, Mannlíf 26.07.2024 kl. 10.32Feykir hefur aðeins fylgst með ævintýrum Andra Más Sigurðssonar / Joe Dubious á mexíkanskri grundu. Andra kannast margir við sem tónlistarmann og hann var eftirminnilega í framlínu hljómsveitarinnar dáðu, Contalgen Funeral, sem margir sakna. Andri flutti til Mexíkó árið 2019 og bjó í þorpinu La Erre í Guajajuato-fylki síðast þegar Feykir tók á honum púlsinn. Í fyrra sögðum við frá því að Andri væri farinn að láta á sér kræla í tónlistinni í Mexíkó og nú spilaði hann á virtri menningarstofnun, El Museo de la Independencia en Dolores Hidalgo – hvorki meira né minna!Meira -
Sigtryggur og Þórir boðaðir til æfinga fyrir undankeppni Eurobasket 2025
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 26.07.2024 kl. 10.29Karlalandsliðið Íslands í körfuknattleik verður við æfingar núna síðustu daga júlí mánaðar. Æfingarnar er liður í undirbúningi fyrir síðustu leikina í undankeppni EuroBasket 2025 sem verða spilaðir í nóvember og febrúar. Tveir leikmenn Tindastóls voru boðaðir til æfinga, þeir Sigtryggur Arnar Björnsson og Þórir Þorbjarnarson.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.