Styðjum Helga Kr. Eftir Ólaf Baldursson
Helgi Kr. Sigmundsson læknir sækist nú eftir fimmta sæti á lista Sjálfstæðisflokksins í norðvesturkjördæmi. Ég kynntist Helga afar vel sem starfsfélaga og nágranna meðan við vorum við nám og störf við University of Iowa í Bandaríkjunum fyrir um tíu árum. Þetta voru tímar þrotlausrar vinnu og náms og vinnuvikan gat farið í 90-100 klst.
Helgi stóðst þetta álag með miklum sóma og náði síðar þeim árangri að fá stöðu við eina öflugustu meltingarsjúkdómadeildina vestan hafs, í Cleveland. Umsækjendur um slíkar stöður skipta mörgum tugum og koma alls staðar að, með prófgráður og reynslu í farteskinu. Hann er sem sagt fagmaður eins og þeir gerast bestir.
En Helgi er einnig mikill og góður fjölskyldumaður og með eindæmum hjálpsamur. Því fengum við að kynnast þegar við áttum þau hjónin að nágrönnum vestur í Bandaríkjunum þar sem þau veittu okkur ómetanlegan stuðning og félagsskap.
Helgi er sérlega skarpskyggn maður og glöggur á röksemdir. Þá sjaldan að við erum ósammála, varpar hann iðulega ljósi á nýja fleti eða finnur kjarna máls sem gerir mann skák og mát. En þetta gerir hann ekki með gassagangi heldur drengilega enda maðurinn með eindæmum heiðarlegur og hreinskiptinn. Helgi býr yfir reynslu og víðsýni eftir nám og störf heima og erlendis enda ber hann gott skynbragð á mannlegt eðli sem gerir hann í senn að heiðarlegum raunsæismanni og húmanista. Þetta er því miður sjaldgæf manngerð í íslenskri pólitík, manngerð sem okkur bráðvantar á þessum tímum óraunsæis og draumóra í kjölfar agaleysis og ónærgætni í garð þjóðarinnar. Ekki sakar að hann ber einnig með sér heilbrigðan skammt af ættjarðarást, sem Ísland þarfnast nú sem aldrei fyrr í brjóstum stjórnmálamanna sinna. En mitt í þessu öllu er samt stutt í húmorinn, sem hann beitir ekkert síður á sjálfan sig en aðra og skapar þannig þægilega nærveru og opin skoðanaskipti.
Ég skora á Sjálfstæðismenn í norðvesturkjördæmi að láta sér ekki happ úr hendi sleppa, og styðja Helga í komandi prófkjöri. Nýtilegri maður er vandfundinn.
Bestu kveðjur,
Ólafur Baldursson
Aðstoðarframkvæmdastjóri lækninga
Landspítala
Fleiri fréttir
-
„Einstakt tækifæri til að efla háskólastarf á landsbyggðinni“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.04.2025 kl. 16.12Rektorar Háskóla Íslands (HÍ), Háskólans á Hólum (HH) og háskólaráðherra undirrituðu í dag samkomulag um stofnun háskólasamstæðu með þátttöku þessara tveggja háskóla. Í frétt á heimasíðu Háskólans á Hólum segir að samstæðan taki formlega til starfa þann 1. janúar á næsta ári en henni er ætlað að bæta samkeppnishæfni háskólanna tveggja ásamt því að auka gæði náms, rannsókna, stoðþjónustu og auka tengsl við atvinnulíf og samfélög um land allt. Háskólasamstæðan mun starfa undir nafni Háskóla Íslands.Meira -
Ertu búin/n að pússa golfkylfurnar?
feykir.is Skagafjörður, Íþróttir 25.04.2025 kl. 15.17Það voru gleðitíðindi tilkynnt á Facebook-síðu Golfklúbbs Skagafjarðar í hádeginu í dag þegar Hlynur Freyr Einarsson auglýsti að búið væri að setja upp flöggin góðu á fyrstu fimm flatir vallarins.Meira -
Fögnum vori, sumri og sól
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2025 kl. 15.14Kvennakórinn Sóldís í Skagafirði tekur á móti Freyjukórnum í Borgarfirði á morgun laugardag 26.apríl og saman ætla kórarnir að halda saman tónleika í Miðgarði, kl.16:00Meira -
Leikdagur í dag
feykir.is Skagafjörður, Íþróttir 25.04.2025 kl. 14.47Það er ekki seinna vænna en að óska öllum gleðilegs sumars í leiðinni og við tilkynnum ykkur að það er leikdagur í dag, svona ef þið vissuð það ekki. En Sigríður Inga Viggósdóttir er alltaf með puttann á púlsinum varðandi dagskrá á leikdegi og leyfum við henni að fljóta með þessari tilkynningu.Meira -
Opið hús í Oddfellowhúsinu á Sauðárkróki á laugardaginn
feykir.is Skagafjörður, Aðsendar greinar 25.04.2025 kl. 12.21Laugardaginn 26. apríl milli kl. 14 og 16 verður opið hús í Oddfellowhúsinu að Víðigrund 5 á Sauðárkróki. Þar verður hægt að skoða húsakynnin og þiggja léttar veitingar ásamt því að hægt verður að kynnast starfi Oddfellowreglunar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.