Takk fyrir stuðninginn – konur í framvarðasveit
Prófkjör Sjálfstæðisflokksins í NV-kjördæmi er að baki og fyrir liggur að sérlega sterkur listi mun bjóða fram undir bókstafnum D í kosningunum 25. apríl. Ég er mjög sátt við minn hlut og afar þakklát þeim fjölda fólks sem studdi mig vítt og breytt um kjördæmið. Þátttakan í prófkjörinu sló líka öll met en hátt i 80% flokksfélaga nýtti atkvæðisréttinn sinn. Það er kröftugur upptaktur fyrir kosningabaráttuna framundan.
Ljóst var strax í byrjun baráttunnar að slagurinn um efsta sætið yrði milli Einar Kristins Guðfinnssonar og Ásbjarnar Óttarsonar. Samkeppnin um næstu sæti var óljósari og gat farið á marga vegu enda margir og frambærilegir einstaklingar um hituna. Niðurstaðan varð hinsvegar sú að tvær konur, Eyrún Ingibjörg Sigþórsdóttir og ég, náðum þriðja og fjórða sætinu. Þetta er söguleg niðurstaða. Sjálfstæðismenn í kjördæminu okkar sýndu það svo ekki verður um villst að þeir vilja konur í framvarðasveit sína á Alþingi og þurfti hvorki kynjakvóta eða fléttulista til. Niðurstaða prófkjörsins sýnir einnig vilja sjálfstæðismanna til endurnýjunar án þess þó að kasta reynslu og þekkingu fyrir róða.
Um leið og ég þakka meðframbjóðendum mínum drengilega og málefnalega baráttu hvet ég sjálfstæðismenn um allt kjördæmi til að leggja alla sína krafta til þess að flokkurinn nái glæsilegri kosningu í vor. Það er til mikils að vinna.
Birna Lárusdóttir
Fleiri fréttir
-
„Einstakt tækifæri til að efla háskólastarf á landsbyggðinni“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.04.2025 kl. 16.12Rektorar Háskóla Íslands (HÍ), Háskólans á Hólum (HH) og háskólaráðherra undirrituðu í dag samkomulag um stofnun háskólasamstæðu með þátttöku þessara tveggja háskóla. Í frétt á heimasíðu Háskólans á Hólum segir að samstæðan taki formlega til starfa þann 1. janúar á næsta ári en henni er ætlað að bæta samkeppnishæfni háskólanna tveggja ásamt því að auka gæði náms, rannsókna, stoðþjónustu og auka tengsl við atvinnulíf og samfélög um land allt. Háskólasamstæðan mun starfa undir nafni Háskóla Íslands.Meira -
Ertu búin/n að pússa golfkylfurnar?
feykir.is Skagafjörður, Íþróttir 25.04.2025 kl. 15.17Það voru gleðitíðindi tilkynnt á Facebook-síðu Golfklúbbs Skagafjarðar í hádeginu í dag þegar Hlynur Freyr Einarsson auglýsti að búið væri að setja upp flöggin góðu á fyrstu fimm flatir vallarins.Meira -
Fögnum vori, sumri og sól
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2025 kl. 15.14Kvennakórinn Sóldís í Skagafirði tekur á móti Freyjukórnum í Borgarfirði á morgun laugardag 26.apríl og saman ætla kórarnir að halda saman tónleika í Miðgarði, kl.16:00Meira -
Leikdagur í dag
feykir.is Skagafjörður, Íþróttir 25.04.2025 kl. 14.47Það er ekki seinna vænna en að óska öllum gleðilegs sumars í leiðinni og við tilkynnum ykkur að það er leikdagur í dag, svona ef þið vissuð það ekki. En Sigríður Inga Viggósdóttir er alltaf með puttann á púlsinum varðandi dagskrá á leikdegi og leyfum við henni að fljóta með þessari tilkynningu.Meira -
Opið hús í Oddfellowhúsinu á Sauðárkróki á laugardaginn
feykir.is Skagafjörður, Aðsendar greinar 25.04.2025 kl. 12.21Laugardaginn 26. apríl milli kl. 14 og 16 verður opið hús í Oddfellowhúsinu að Víðigrund 5 á Sauðárkróki. Þar verður hægt að skoða húsakynnin og þiggja léttar veitingar ásamt því að hægt verður að kynnast starfi Oddfellowreglunar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.