Varmahlíð – perla í héraði
Í aðdraganda kosninganna sem fram fara 26. maí nk. hafa framboðin haldið íbúafundi í Varmahlíð. Það hafa þeir gert áður, tekið samtalið við íbúa og haldið svo sína leið.
Sem íbúi í Varmahlíð hef ég tekið eftir miklum vilja til að bæta og laga ýmsa þætti er snúa að uppbyggingu, viðhaldi og umhverfismálum. Allir flokkar hafa lýst miklum vilja til aðgerða en efndir hafa verið mismiklar. Lítið hefur áunnist í umhverfismálum, gatnakerfið er sumsstaðar ónýtt, hreinsun og fegrun opinna svæða ábótavant, umhirða trjágróðurs nánast engin, að undanskilinni grisjun á vegum Skógræktar ríkisins.
Það er því mikið fagnaðarefni að Sjálfstæðisflokkurinn hefur nú á stefnuskrá sinni að eyrnamerkja tiltekna fjárhæð sem nota á til framkvæmda í Varmahlíð. Framkvæmda sem snúa að umhverfismálum og deilt verði niður á verkefni í samráði við íbúa þéttbýliskjarnans. Stefnt er að halda íbúafundi reglulega á hverju hausti í tengslum við fjárlagagerð og taka þar samtal um brýnustu verkefni.
Sjálfstæðisflokkurinn leggur mikla áherslu á að sátt náist um húsnæðismál leikskólans í Varmahlíð og jafnframt verði farið í endurbætur á Varmahlíðarskóla á kjörtímabilinu. Opnunartími Sundlaugarinnar í Varmahlíð verði lengdur til að mæta þörfum íbúa og ferðafólks. Það er óþolandi fyrir notendur að koma endalaust að lokuðum dyrum sundlaugarinnar, hvort sem er að morgni, um helgar eða seinni part föstudags.
Hefja þarf vinnu við nýtt deiliskipulag og tryggja nægt framboð byggjanlegra lóða. Endurbyggja þarf ónýtar götur og fara í endurnýjun á lagnakefi þar sem þess er þörf. Kantsteina þarf að laga, leggja gangbrautir og göngustíga, slá og fegra opin svæði. Uppræta þarf njóla og kerfil og þá þarf aðgerðaráætlun að vera til staðar ef eldur brýst út í Reykjarhólsskógi.
Varmahlíð er í þjóðbraut og á að hafa alla möguleika á að þróast og stækka. Við höfum eitt besta tjaldsvæði landsins og afar góða og barnvæna sundlaug. Sögufrægir staðir eru í næsta nágrenni og útivistarsvæðið á Reykjarhóli laðar marga að. Varmahlíð er perla í héraði og þar er gott að búa.
Setjum x við D á kjördag.
Ari Jóhann Sigurðsson
Forstöðumaður á heimili fyrir fatlað fólk á Blönduósi og
skipar 6. sætið á lista Sjálfstæðisflokksins í Skagafirði.
Fleiri fréttir
-
Lukkudísirnar voru í liði með FH
feykir.is Skagafjörður, Íþróttir 22.04.2024 kl. 20.44Fyrsti leikur Tindastóls í Bestu deild kvenna þetta árið fór fram nú undir kvöld en þá tóku Stólastúlkur á móti liði FH við ágætar aðstæður. Það verður varla annað sagt en að lukkudísirnar hafi verið í liði með gestunum því í það minnsta þrívegis skall boltinn í stangir FH marksins. Það voru hins vegar Hafnfirðingarnir sem gerðu eina mark leiksins snemma í síðari hálfleik og þrátt fyrir talsverða pressu og nokkur ágæt færi þá tókst liði Tindastóls ekki að jafna.Meira -
Vortónleikar í Blönduóskirkju
feykir.is Austur-Húnavatnssýsla, Listir og menning 22.04.2024 kl. 09.56Sunnudaginn 28. apríl vera haldnir tónleikar í Blönduóskirkju þar sem kirkjukórinn mun syngja nokkur hugljúf vorlög undir stjórn Eyþórs Franzsonar Wechner organista. Jafnframt mun Eyþór sýna snilli sína og leyfa okkur að heyra hvað orgelið hefur upp á að bjóða. Mun hann leika vel valin orgelverk.Meira -
Stólastúlkur mæta FH á gervigrasinu klukkan fimm í dag
feykir.is Skagafjörður, Íþróttir 22.04.2024 kl. 08.31Leik Tindastóls og FH í fyrstu umferð Bestu deildar kvenna sem fram átti að fara kl. 16:00 í gær var frestað sökum vallaraðstæðna á Króknum í gær. Í leysingum laugardagsins skiluðu snjóalög í Grænuklaufinni sér niður á vallarsvæðið og var gervigrasvöllurinn á floti og ekki leikhæfur. Gærdagurinn reyndist þurr og í dag er sól og fínerí og leikurinn mun fara fram í dag og hefst kl. 17:00.Meira -
Nóg af verkefnum framundan hjá Fornverkaskólanum
feykir.is Skagafjörður, Listir og menning 21.04.2024 kl. 13.44Það er óhætt að segja að það verður nóg að gera hjá Fornverkaskólanum á árinu. Í lok apríl ætlum við að bregða fyrir okkur betri fætinum og taka stefnuna austur á Seyðisfjörð, þar sem Fornverkaskólinn ætlar að kynna torfarfinn fyrir nemendum LungA lýðskóla. Námskeiðið verður að stórum hluta í máli og myndum og ef veður verður skaplegt og sæmilegt færi verður mögulega hægt að grípa í skóflu og undirristuspaða til ánægju og yndisauka. Setji snjór og vetrarfærð okkur skorður er e.t.v. hægt að fara í tilraunaverkefni með snjóhnausa og streng.Meira -
Heiminn vantar fleiri faðmlög | Leiðari 14. tbl 2024
feykir.is Aðsendar greinar 21.04.2024 kl. 12.08Faðmlag er eitt af mörgum fallegum orðum í íslenskunni. „Faðmlög eru einstaklega jákvæð leið til samskipta og til að sýna væntumþykju. Vinir faðmast og við sýnum fólkinu okkar væntumþykju með faðmlögum,“ segir á netsíðunni Hjartalíf.is og þar er reyndar sagt að faðmlög minnki hættuna á hjarta- og æðasjúkdómum og losi um streytu. Það eru því fá – ef einhver – lög betri en faðmlögin og þau ættu að ósekju að tróna á toppi vinsældalista okkar íbúa bláa hnattarins.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.