Ærin Bóthildur hjólaði til byggða
Gangnamönnum á Auðkúluafrétti brá heldur betur í brún þegar þeir gengu heiðina á dögunum. Voru þeir á niðurleið þegar þeir heyra skyndilega torkennileg hljóð. Vita þeir ekki fyrr en kind tekur fram úr þeim á mótorknúnu hjóli. Hjólaði hún svo hratt að þeir misstu sjónar af henni og fannst hún ekki fyrr en komið var í næturhólf. Þar sprangaði hún um á hjólinu og virtist vera hin ánægðasta.
Davíð Kárason bóndi, sem var einn gangnamannanna, þekkti þegar til kindarinnar. –Það fór ekkert á milli mála að þarna var hún Bóthildur á ferðinni, sagði Davíð í spjalli við Dreifarann, en hún er 10 vetra ær sem Davíð segir vera mjög uppátækjasama. – Einu sinni komum við að henni þar sem hún var að opna dyrnar að íbúðarhúsinu og í annað skipti laumaði hún sér á vagn hjá mér og fór með mér í bæinn, sagði Davíð.En tekur þessi hjólatúr ekki öllu fram? – Jú það má segja það kannski, hún hefur ekki gerst svona bíræfin áður, hvar hún hefur fengið hjólið hef ég ekki hugmynd um, sagði Davíð. – Hún hefur kannski bara tekið það ófrjálsri hendi af ferðamönnum sem hafa legið úti einhversstaðar, en ég hef nú ekki heyrt af neinum sem saknað hefur reiðhjóls á þessum slóðum.Ætlarðu að taka hjólið af henni? - Nei ég geri það nú ekki fyrr en við tökum ærnar inn síðar í haust, að vísu kostar þetta smá bensín á mótorinn, en á meðan hún hefur gaman af þessu, er þetta ekkert mál. Ég vil frekar hafa hana glaða og ánægða inni í húsunum í vetur, en hundfúla, sagði Davíð að lokum.
Fleiri fréttir
-
Grunnskólinn austan Vatna komst bara víst í úrslit í Skólahreysti
feykir.is Skagafjörður, Íþróttir 01.05.2024 kl. 18.05Eitthvað klikkuðu reikningskúnstir Feykis í nótt þegar birtar voru niðurstöður í Skólahreysti. Þá var nánast fullyrt að Grunnskólinn austan Vatna í Skagafirði hefði naumlega orðið af sæti í úrslitum keppninnar skemmtilegu – en viti menn; í hádeginu í dag var tilkynnt á Facebook-síðu Skólahreysti að Grunnskólinn austan Vatna hefði sannarlega tryggt sér sæti í úrslitunum. Norðurland vestra er því með þrjá skóla af tólf í úrslitum Skólahreysti og ef það var snilld að eiga tvo skóla af tólf miðað við höfðatölu í nótt hversu geggjað er þá að eiga þrjá skóla í úrslitunum!?Meira -
Hermann Sæmundsson ráðuneytisstjóri fylgir Sigurði Inga sem skugginn
feykir.is Skagafjörður, Mannlíf 01.05.2024 kl. 14.00Fjármála- og efnahagsráðherra, innviðaráðherra og Skagfirðingurinn Hermann Sæmundsson hafa gert með sér samkomulag um flutning Hermanns í embætti ráðuneytisstjóra fjármála- og efnahagsráðuneytisins og mun hann taka við frá og með 1. maí 2024. Hemmi Sæm, sem er sonur heiðurshjónanna Sæmundar Hermannssonar frá Ysta-Mói í Fljótum og Ásu Helgadóttur, sem bæði eru látin, er alinn upp á Skagfirðingabrautinni á Króknum.Meira -
Grillaður fiskur og tiramisu
feykir.is Skagafjörður, Austur-Húnavatnssýsla, Vestur-Húnavatnssýsla, Í matinn er þetta helst, Lokað efni 01.05.2024 kl. 12.40Matgæðingar vikunnar í tbl 24 í fyrra voru Ágúst Andrésson, þá forstöðumaður Kjötafurðastöðvar KS, og Guðlaug Kristín Pálsdóttir, sérfræðingur á Brunavarnasviði HMS. Ágúst og Guðlaug búa saman á Sauðárkróki og er Gústi borinn og barnfæddur í Skagafirði, nánar tiltekið á Bergstöðum, en Gulla ólst upp í Reykjavík og fluttist á Sauðárkrók í miðju Covid árið 2020. Þau erum eigendur að Norðar ehf. sem m.a. flytur inn vín frá Moldóvu og Ítalíu og hafa einnig staðið í eigin veitingarekstri og hafa mjög gaman af því að ferðast og borða góðan mat.Meira -
Litla hryllingsbúðin enn lokuð vegna veikinda!
feykir.is Skagafjörður, Listir og menning 01.05.2024 kl. 10.29Í gær tók Leikfélag Sauðárkróks stöðuna varðandi sýningarhald á Litlu hryllingsbúðinni en eins og áður var greint frá í Feyki varð að fresta frumsýningu sl. sunnudag vegna veikinda í leikhópnum. Því miður reyndist staðan þannig að fyrirhugðum sýningum á miðvikudag og föstudag hefur nú verið frestað um óákveðin tíma.Meira -
Úrslit í Vísnakeppni Safnahúss Skagfirðinga
feykir.is Skagafjörður, Aðsendar greinar, Listir og menning 01.05.2024 kl. 09.22Við setningu Sæluviku Skagfirðinga þann 28. apríl sl. voru að venju birt úrslit í vísnasamkeppninni, okkar árlega viðburði, vonandi verður keppnin haldin um ókomin ár. Markmiðið er að fá fólk til að botna fyrirfram gefna fyrriparta og einnig að yrkja vísu eða vísur um líflegt og litríkt forsetaframboð, hafa aldrei fyrr verið jafn margir til kallaðir á þeim vettvangi mun það verðugt rannsóknarefni. Þátttaka í keppninni var nokkuð góð, alls bárust okkur svör frá tíu hagyrðingum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.