Áhættufíklar í meðferð í Lýtó
Í kjölfar yfirlýsingar Ingibjargar Sólrúnar Gísladóttur, utanríkisráðherra, um að senda skuli áhættufíkla í íslensku viðskipta umhverfi í meðferð hefur ungur athafnamaður í Skagafirði haft hraðar hendur og hyggst nú stofna meðferðarstofnunina Björgum Íslandi ehf.
-Þessi orð ráðherra voru eins og töluð úr mínu hjarta og ég sá í hendi mér að þarna gæti ég lagt mitt lóð á vogaskálarnar íslensku þjóðfélagi til bjargar, segir Páll Gunnar Sveinsson athafnamaður í Lýtó. –Þessir svokölluðu áhættufíklar hafa of lengi haft frjálsar hendur með peningana okkar og tímabært að þeir læri að dýfa hendi í kalt vatn. Meðferðin mun fara þannig fram að fyrsta daginn fara þeir í svokallaða afstressun þar sem þeir fá engan síma, enga tölvu og engin blöð en þurfa reglulega að standa upp og stinga annarra, nú eða báðum höndum í kalt vatn. Næsta dag förum við inn á Sauðárkrók þar sem farið verður niður á sanda og athafnamennirnir verða látnir míga reglulega í saltan sjó. Síðan munu næstu vikur líða áfram með bænastund á morgnanna og hefðbundnum landbúnaðarstörfum. Að launum munu þeir fá að borða. Er það ætlun mín með þessu að kenna blessuðum mönnunum hvernig íslenska þjóðin hefur í gegnum aldirnar unnið fyrir sínu salti, segir Páll Gunnar.
Björgum Íslandi ehf. mun taka til starfa á næstu dögum enda segir Páll Gunnar að þörfin sé mikil.
Fleiri fréttir
-
Sigurbjörg ráðin yfirlæknir á HSN á Króknum
feykir.is Skagafjörður, Mannlíf 16.05.2024 kl. 11.25Sigurbjörg Ólafsdóttir, heimilislæknir, hefur verið ráðin yfirlæknir á HSN Sauðárkróki. Sigurbjörg lauk námi frá læknadeild Háskóla Íslands árið 2012 og hóf sérnám í heimilislækningum á HSN Sauðárkróki 2014. Hún hélt síðar til Svíþjóðar hvaðan hún lauk sérnámi árið 2020 og hefur síðan starfað þar á heilsugæslustöðvum sem heimilislæknir.Meira -
Krúttlegur hryllingur í Bifröst | Kristín Einars kíkti í leikhús
feykir.is Skagafjörður, Listir og menning 16.05.2024 kl. 09.34Væntingum var verulega stillt í hóf þegar undirrituð lagði leið sína í Bifröst á sunnudagskvöldið. Ekki var það á nokkurn hátt vantrú á hæfileika skagfirskra áhugaleikara eða leikhúsfólks í Firðinum sem réði því, heldur miklu frekar áhyggjur af því að ein af sterkustu leikhúsupplifunum æsku minnar trufluðu þessa upplifun sem í vændum var. Ég var nefnilega rétt að detta í tólf ára aldurinn þegar ég sá fyrstu uppsetningu verksins hér á landi í Gamla bíói. Þar voru Leifur Hauksson, Edda Heiðrún, Gísli Rúnar og Laddi meðal leikara og Björgvin Halldórsson léði plöntunni rödd sína. En ég var fljót að ýta þeim áhyggjum til hliðar og naut hverrar sekúndu í Bifröst. Þvílík fagmennska og flottur hópur sem þarna lét ljós sitt skína! Það er kannski klisjukennt að tala um að toppa sig, en það gerði Leikfélag Sauðárkróks svo sannarlega með þessari sýningu.Meira -
Gyrðir Elíasson hlaut Maístjörnuna fyrir ljóðabók ársins 2023
feykir.is Skagafjörður, Listir og menning 16.05.2024 kl. 09.21Ljóðabókaverðlaunin Maístjarnan voru afhent í Þjóðarbókhlöðunni í gær en það var Gyrðir Elíasson sem hlaut verðlaunin fyrir ljóðabók ársins 2023 Elíasson fyrir ljóðabókatvennuna Dulstirni & Meðan glerið sefur. Rithöfundasamband Íslands stendur að verðlaununum ásamt Landsbókasafni Íslands – Háskólabókasafni.Meira -
Landsáætlun um riðuveikilaust Ísland komin í samráðsgátt
feykir.is Skagafjörður, Austur-Húnavatnssýsla, Vestur-Húnavatnssýsla 16.05.2024 kl. 08.34Bjarkey Olsen Gunnarsdóttir matvælaráðherra hefur lagt fram í samráðsgátt landsáætlun um riðuveikilaust Ísland. Áætlunin er unnin af starfshópi sem var skipaður í janúar 2024 og gerir hún ráð fyrir umtalsverðri breytingu á nálgun við útrýmingu riðuveiki frá því sem verið hefur. Horft er frá því að reyna að útrýma riðusmitefninu sjálfu en megináhersla lögð á að útrýma veikinni með ræktun fjárstofns sem ber verndandi arfgerðir gegn smitefninu ásamt áframhaldandi aðgerðum til að hefta mögnun og dreifingu þess.Meira -
Langar ykkur að taka þátt í krakkakosningunum?
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 15.05.2024 kl. 16.19Umboðsmaður barna og KrakkaRÚV standa fyrir sínum sjöttu Krakkakosningum, nú í tengslum við forsetakosningarnar sem haldnar verða þann 1. júní nk. Með Krakkakosningum er börnum gefið tækifæri á að láta í ljós skoðanir sínar á frambjóðendum og er það í samræmi við það sem m.a. kemur fram í Barnasáttmálanum, samningi Sameinuðu þjóðanna um rétttindi barnsins, þar sem segir að börn eigi rétt á að láta í ljós skoðanir sínar og hafa áhrif á samfélagið. Niðurstöður kosninganna verða kynntar í upphafi kosningasjónvarps RUV að kvöldi kosningadags.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.